ភ្នំពេញ ៖ នាង យិន ឃុនម៉ី ហៅម៉ាណា ជនជាប់ចោទក្នុងរឿងបើកឡានRANGE ROVER ផ្លាកលេខ2AF-7777 បុកនិស្សិតស្រី ឌុំ រីដា ស្លាប់យ៉ាងអាណោចអាធម័ទាន់ហន់នោះកាលពីថ្ងៃទី២៦មិនាឆ្នាំ២០១៩ ត្រូវបានផ្ទេរពីពន្ធនាគារប៉េហ្ស៊ី ទៅដេកមន្ទីរពេទ្យរុស្ស៊ីវិញហើយ កាលពីយប់ថ្ងៃទី៨ ខែមេសា ឆ្នាំ២០១៩ ក្រោមលេសមានជម្ងឺ។នាង យិន ឃុនម៉ី ហៅម៉ាណា មានជំងឺសួតនិងថប់ដង្ហើម? ។
សូមបញ្ជាក់ថា នាង ឃុនម៉ី ហៅ ម៉ាណា កូនស្រីសេដ្ឋីយិនង្គិចដែលមានទួនាទីជាសមាជិកក្រុមប្រឹក្សាខេត្តសៀមរាបផងដែរនោះត្រូវបានតុលាការចោទប្រកាន់ជាផ្លូវការ តែមួយបទល្មើសប៉ុណ្ណោះ គឺ បើកបរធ្វេសប្រហែសបណ្ដាលឱ្យស្លាប់អ្នកដទៃ តាមមាត្រា ៨៥ នៃច្បាប់ចរាចរណ៌ផ្លូវគោក ។នេះបើតាមលោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ ថ្លែងតាមបណ្ដាញសង្គម Telegram ។
ករណីយ៍នេះ លោកស្រី ផាត់ ពៅ អាយុ៥០ឆ្នាំ ជាម្តាយបង្កើតសពនិស្សិត ឌុំ រីដា នៅថ្ងៃទី២៩ ខែមីនា ឆ្នាំ២០១៩ បានពាក្យបណ្ដឹងផ្លូវការចូលលោកវរសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ ប្តឹងជនបង្ក យិន ម៉ាណា អាយុ១៧ឆ្នាំ ដោយទាមទារសំណងជំងឺចិត្តចំនួន២០ម៉ឺនដុល្លារអាមេរិក និង ស្នើឱ្យចាត់ការតឹងរ៉ឹងបំផុតតាមផ្លូវច្បាប់ចំពោះជនបង្ករូបនេះ ។តែក្រោយពីមានការសម្របសម្រួលគ្នាគ្រួសារជនរងគ្រោះ ព្រមទទួលសំណងរដ្ឋប្បវេណីយ៍ចំនួន៧ម៉ឺនដុល្លារអាមេរិក ។មានការសង្កេតថា៖ស្រុកខ្មែរឲ្យតែមានលុយគឺអ្នកជាប់ចោទឬអ្នកទោសអាចទៅដេកនៅពេទ្យរុស្ស៊ីដែលក្លាយជាគុកសម្រាប់អ្នកមានដូចជាឧកញ៉ាគិតធាងជាដើម៕