ភ្នំពេញ ៖ កញ្ញា យុងខេមរាត្រូវបានគេស្គាល់ជាដំបូងជាអ្នកកាសែតស្រីដែលចូលចិត្តលីកាម៉េរ៉ាដើររកពត៍មានគ្រប់ទិសទីច្រកល្ហកនៅក្នុងនិងក្រៅប្រទេស ។ប៉ុន្តែអាឡូវបានក្លាយជានាយទាហ៊ានថ្នាក់ឧត្តមសេនីយ៍នៅក្នុងវ័យ៣០ឆ្នាំ។
កញ្ញាយុង ខេមរា បានសិក្សាចប់បរិញ្ញាប័ត្រច្បាប់និងអក្សរសាស្ត្រអង់គ្លេសនៅ IFL និងសកលវិទ្យាល័យនីតិសាស្ត្រ( RULE)បឹងត្របែក។កញ្ញាធ្លាប់ឆ្លងកាត់ការសិក្សានៅ Surabaya ជំនាញបរិស្ថាន Climate Change ។ កញ្ញាអាចប្រើប្រាស់បាន ៣ ភាសារ អង់គ្លេស បារាំង និង ចិន ផងដែរ ។
វត្តមានដំបូងនាងធ្វើការអោយកាសែតដើមអម្ពិលជាអ្នកថតរូបនិងសរសេរពត៍មាននៅឆ្នាំ២០០៦រហូត ដល់ឆ្នាំ២០១១។នាងបានក្លាយពិធីការិនី និងជាអ្នករាយការពត៍មានអោយទូរទស្សអប្សរាប៉ុស្តិលេខ១១រហូតដល់ឆ្នាំ២០១៧។កញ្ញា យុង ខេមរា បានដើរតួនាទីជាអ្នកសរសេរព័ត៌មាន ថតវីដេអូ និង ពិធីការិនីព័ត៌មានសម្រាប់ទូរទស្សន៍អប្សរាណិត។
យុង ខេមរា ជាអ្នកសារព័ត៌មានដ៍មានប្រជាប្រិយ៍ភាពបើទោះជារងការរិះគន់ពីមនុស្សមួយចំដែលនិន្ទា ច្រណែនឈ្នានីស ។ជាអាទ៌កាលណោះត្រូវនាងធី សុវណ្ណថា ជេរប្រមាថឥតសំចៃមាត់តែនាងមិនតបត ។
មិនអាចខ្លួនមួយជិះទូកពីរបានឡើយ កញ្ញា យុង ខេមរា បានលះបង់អាជីពពត៍មាន ហើយចាប់យកវិស័យការពារជាតិ (កងខេមរភូមិន្ទ) វិញ ដើម្បីបំពេញបំណងប្រាថ្នារបស់នាង។ សព្វថ្ងៃកញ្ញា ខេមរា ត្រូវបានប្រមុខរដ្ឋាភិបាល និងថ្នាក់ដឹកនាំក្រសួងការពារជាតិផ្តល់នូវទំនុកទុក្ខចិត្តត្បិតឃើញកញ្ញា ព្យាយាម តស៊ូក្រាញននៀលរៀនយុទ្ធសាស្ត្រជំនាញកងទ័ពមិនអោយចាញ់បុរសរត់លូនផ្លោះបាញ់បោះគ្រាប់ពិតមិនគិតថាខ្លួនស្រីវ័យក្រមុំដែលនារីគ្រប់រូបមិនអាចធ្វើបាន។
កញ្ញា យុង ខេមរា ត្រូវបានមិត្តភក្តិនិយាយដើមអោយដឹងថាវ័យប៉ុណ្ណឹងហើយពុំដែលនឹកឃើញពីការយកគួរស្រករសោះផ្ទុយទៅវិញនាងចូលចិត្តតែការសឹក្សានិងលេងកីឡា ដើម្បីសុខភាពប៉ុណ្ណោះហើយបើនិយាយពីចំណង់ចំណូលចិត្តដាំស្លតាមដឹងនាងអាចធ្វើម្ហូបខ្មែរ ម្ហូបបារាំង និង ចិន បានយ៉ាងស្ទាត់ជំនាញទៀតផង។
យុង ខេមរា ចូលបំរើកងទ័ពពេញសិទ្ធទទួលបានក្របខ័ណ្ឌនៅឆ្នាំ2017 តែចូលតាំងពី2007 (ប្រវត្តិរូប)។ប្រវត្តិចេញចូលក្រៅប្រទេសធ្វើដំណើរចេញទៅបេសកម្មជាច្រើនប្រទេសដូចជា ថៃ-ឡាវ-វៀតណាម- ឥណ្ឌូណេស៊ី -សិង្ហបុរី -កូរ៉េខាងត្បូង- ជប៉ុន- ចិន -អាមេរិក -អាល្លឺម៉ង -ស្វីស- ប៊ែលហ្សិក- អូស្ត្រាលី- ញូវសឺឡេន -បារាំង។
