ក្រចេះ ៖ មន្ត្រីជលផលដែលជួបគ្រោះលិចទូក បាត់ខ្លួនត្រូវបានគេប្រទះឃើញសពគ្រោយពីបានលិចបាតខ្លួន់រយះពេល២យប់ និង១ថ្ងៃ ហើយការប្រទះឃើញនៅវេលាម៉ោង៧និង២៥ ព្រឹកថ្ងៃទី២៦ ខែកក្ដដា ឆ្នាំ២០១៦ នៅក្នុងទន្លេចំងាយប្រមាណ១គីឡូមែត្រ ពីកន្លែងកើតហេតុ នៅចំនុចវាលប្រណាំងខាងក្រោមកោះទ្រាល ភូមិវឌ្ឍនះ ឃុំវឌ្ឍនះ ស្រុកសំបូរ ខេត្តក្រចេះ ។
លោក ម៉ក់ ពន្លក អនុប្រធានខណ្ឌជលផលបានឲ្យដឹងថា មន្ត្រីជលផលដែលដែលជួបគ្រោះថ្នាក់ដោយសារខ្យល់ព្យុះលិចទូកស្លាប់នោះ មានឈ្មោះ ឡេ សុខឡេង ភេទប្រុសអាយុ ៣០ ឆ្នាំ មានស្រុកកំណើត នៅភូមិបឹងកញ្ចកជើង ឃុំព្រែកតាមែក ស្រុកខ្សាច់កណ្ដល ខេត្តកណ្ដាល មានកូនចំនួន២នាក់ កូនបងអាយុ៥ឆ្នាំ កូនប្អូនអាយុ ៥ ខែ ហើយមានតួនាទីនាយសង្កាត់រដ្ឋបាលជលផលសំបូរ និងជាប្រធានឆ្មាំអភិរក្សសត្វផ្សោត ប៉ុស្តិ៍នរុង្គបានជួបគ្រោះថ្នាក់លិចទូកស្លាប់នៅពេលចុះបំពេញបេសកម្មក្នុងទន្លេ កាលពីវេលាម៉ោង១១និង៣០នាទីអាធ្រាតថ្ងៃទី២៤ខែកក្ដដាឆ្នាំ២០១៦ ។
លោក ម៉ក ពន្លក បានឲ្យដឹងទៀតថា អ៊ុក វិបុល ប្រធាននាយកដ្ឋានអភិរក្សជលបានឲ្យមន្ត្រីជលផលតាំងថ្នាក់ក្រសួង ដល់មន្ទីរអោយយកថវិកាជួយឧបត្ថម្ភគ្រួសារសពដោយយកចិត្តទុកបំផុត ។ ហើយក្នុងនោះផងដែរ អង្គការWWFជួយឧបត្ថម្ភថវិការចំនួន៩៨០ដុល្លាអាមេរិក សំរាប់ទិញក្ដាម្ឆុសនិងជួលរថយន្ដដឹកសពទៅស្រុកកំណើត។
លោកបានបន្ដទៀតថា គ្រោយរកសាកសពឃើញថ្នាក់ដឹកនាំខណ្ឌជលផលអាជ្ញាធរ និងនគរបាលធ្វើកោសល្យវិច័យ ឃើញថាសពនេះពិតជាលិចទូកស្លាប់មែន មិនមែនស្លាបដោយសារអំពើឃាតកម្មនោះទេ ហើយកបានប្រគល់សពឲ្យគ្រុមគ្រួសារយកទៅធ្វើបុណ្យតាមប្រពៃណី ៕
