ខេត្តកំពង់ឆ្នាំង៖ នៅទីបញ្ជាការកងរាជអាវុធហត្ថខេត្តបានប្រារព្ធពិធីសំណេះ សំណាលជាមួយ នាយទាហាន នាយទាហានរង នៃកងរាជអាវុធហត្ថ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ពស ២៥៦៣ ក្រោមអធិបតីភាព លោក នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធ ពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស។វត្តក្នុងពិធីរួមមាន លោក ឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្ត មេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការ តាមបណ្តាមូលដ្ឋាន ក្រុង-ស្រុក-ស្នាក់ការសន្តិសុខ ។
នាឱកាសនោះផងដែរ លោក នាយឧត្តមសេនីយ៍ សៅ សុខា បានឧបត្ថម្ភ ដល់ នាយ នាយរងអាវុធហត្ថ ចំនួន ១៨០ នាក់ ក្នុងម្នាក់ៗ ទទួលបានថវិកាចំនួន ៥០.០០០ រៀល និងមន្ត្រីអាវុធហត្ថចូលនិវត្តន៍ ព្រមទាំងគ្រួសារអាវុធហត្ថដែលពលី មរណះ ចំនួន ២៤ នាក់ ក្នុងម្នាក់ ៗ ទទួលបាន ថវិកាចំនួន ២០០.០០០ រៀល ដោយឡែកនាបុណ្យចូលឆ្នាំប្រពៃណីជាតិខ្មែរខាងមុខ លោក នាយឧត្តមសេនីយ៍ បានឧបត្ថម្ភ នូវស្រាបៀរចំនួន ៤៥ កេះ ភេសជ្ជ: ចំនួន ៤០ កេះ និងទឹកបរិសុទ្ធ ចំនួន ៥០ កេះ ផងដែរ ៕
