ប្រទេសជប៉ុន ៖ រាជាណាចក្រជប៉ុនបានសម្រេចប្តូររជ្ជកាលរាជវង្សថ្មីពីហេសី( Heisei) ទៅជារ៉ៃវ៉ា( Reiwa) វិញដែលនឹងមានប្រសិទ្ធភាពអនុវត្ត នៅថ្ងៃទី១ខែឧសភាឆ្នាំ២០១៩ខាងមុខ។ ការផ្លាសប្តូនោះធ្វើឡើងក្រោយពេលមហាក្សត្រសព្វថ្ងៃព្រះចៅអធិរាជ្យអាគិហ៊ីតូ( Akihito) ដាក់រាជ្យសម្បត្តិនៅថ្ងៃទី៣០ខែមេសា ដោយប្រគលព្រះបល្ល័ង្គឲ្យបុត្រាច្បងព្រះអង្គម្ចាស់ណារូហ៊ីតូ( Naruhito) ។
នាយករដ្ឋមន្ត្រីជប៉ុន លោក ស៊ីនហ្ស៊ូអាបេត្រូវបានសារព័ត៌មានJapan times បានដកស្រងសម្តីមកផ្សាយថា៖ ក្នុងចំណោមឈ្មោះទាំង៥ស្ថិតនៅក្នុងជម្រើស នៅទីបំផុតក៏បានជ្រើសរើស យកឈ្មោះរ៉ៃវ៉ា( Reiwa) មានន័យថា «សន្តិភាពគ្រប់ដណ្តប់នៅគ្រប់ទី»។ឈ្មោះនេះនឹងត្រូវបានប្រើប្រាស់ជាផ្លូវការ ក្នុងពេលដែល ព្រះរាជ្យបុត្រ Naruhito ឡើងគ្រោងរាជ្យ នាថ្ងៃទី១ខែឧសភា។
សូមបញ្ជាក់ថា៖រជ្ជកាលហេយ៍សី( Heisei )ចាប់ផ្តើមពីឆ្នាំ១៩៨៩ ពេលនោះ ព្រះរាជ្យបុត្រអាគិហ៊ីតូ( Akihito) ឡើងគ្រោងរាជ្យជំនួស ព្រះបិតាហ៊ីរ៉ូហ៊ីតូ( Hirohito) កាន់អំណាចក្នុងរជ្ជកាលស្ហូវ៉ា( Showa )។ពេលនោះគេឲ្យឈ្មោះថា ព្រះចៅអធិរាជ្យស្ហូវ៉ា( Showa) ។
ព្រះចៅអធិការអាគីហ៊ីតូ( Akihito) ព្រះនាមដើមត្សូហ្គូអាគីហ៊ីតូ( Tsugu Akihito) យុគសម័យរបស់ព្រះអង្គ នាម ហេយ៍សេ( Heisei ) ព្រះអង្គក្លាយជាព្រះចៅអធិរាជជប៉ុនតាំងពីថ្ងៃទី១៩៨៩មកនោះ នឹងបានសម្រេចព្រះទ័យដាក់រាជ្យសម្បត្តិប្រទានឲ្យព្រះរាជបុត្រច្បងព្រះនាមណារូហ៊ីតូ( Naruhito នៅថ្ងៃទី៣០ ខែមេសា ឆ្នាំ២០១៩ខាងមុខ ។បន្ទាប់ពី ការអភិសេកគ្រងរាជសម្បត្តិរបស់ព្រះអង្គ នឹងត្រូវប្រារព្ធធ្វើឡើងនៅថ្ងៃទី២២ ខែតុលា ឆ្នាំ២០១៩ខាងមុខនេះ ដែលមានយុគសម័យសម្រាប់ហៅថា រ៉ៃវ៉ា ។
មន្ត្រីក្នុងព្រះបរមរាជវាំងជប៉ុនបញ្ជាក់ថា “យើងសង្ឃឹមថា ឈ្មោះយុគសម័យថ្មីនេះ នឹងត្រូវបានប្រជាជនទទួលយកយ៉ាងទូលំទូលាយ និងក្លាយជាផ្នែកមួយនៃជីវិតប្រចាំថ្ងៃរបស់ពួកគេ”។ ឈ្មោះយុគសម័យថ្មីនេះ នឹង “នាំមកនូវយុគសម័យថ្មី ដែលពោរពេញទៅដោយសេចក្តីសង្ឃឹម” ៕