ភ្នំពេញ ៖ គ្រឿងឥស្សរិយយស និងមេដាយការងារចំនួន៣៥៦ ត្រូវបានបំពាក់ និងផ្តល់ជូនមន្ត្រីរាជការចំណុះឲ្យរដ្ឋបាលរាជធានីភ្នំពេញ ដើម្បីជាការលើកទឹកចិត្តនិងតបស្នងចំពោះមន្ត្រីដែលបានខិតខំបំពេញការងារជូនប្រជាពលរដ្ឋ និងបំពេញភារកិច្ចជូនរដ្ឋបាលរាជធានីភ្នំពេញបានល្អ។
ពិធីបំពាក់មេដាយនេះធ្វើឡើងដោយលោក ឃួង ស្រេង អភិបាល នៃគណៈអភិបាលរាជធានីភ្នំពេ នៅរសៀលថ្ងៃទី២៩មិនា នៅសាលារាជធានីភ្នំពេញ ។
លោក ឃុន វណ្ណា នាយកទីចាត់ការគ្រប់គ្រងធនធានមនុស្ស នៃរដ្ឋបាលរាជធានីភ្នំពេញបានឲ្យដឹង ថា ចំពោះគ្រឿងឥស្សរិយយស និងមេដាយការងារដែលត្រូវបំពាក់ និងផ្តល់ជូនមន្ត្រីរាជការ នៃរដ្ឋបាលរាជធានីភ្នំពេញនាពេលនេះរួមមាន គ្រឿងឥស្សរិយយសព្រះរាជាណាចក្រកម្ពុជាថ្នាក់មហាសេនាចំនួន១រូប, ថ្នាក់សេនាចំនួន១៧រូប,គ្រឿងឥស្សរិយយសព្រះរាជាណាចក្រកម្ពុជាថ្នាក់អស្សឬទ្ធិចំនួន៨០រូប និងមេដាយការងារជាច្រើនរូបទៀត៕
