ខេត្តប៉ៃលិន៖ ព្រឹកថ្ងៃទី២៤ ខែកក្កដា ឆ្នាំ២០១៦ ក្នុងបរិវេណសាលាបឋមសិក្សាអូរអិល មានរៀបចំកម្មវិធីចែកអំណោយដល់ប្រជាពលរដ្ឋក្រីក្រ ចំនួន១៧គ្រួសារ ស្ថិតក្រោមអធិបតីភាពលោកស្រី ជា លាភ អភិបាលរងខេត្តប៉ៃលិន អមដំណើរដោយព្រះគ្រូ សាន់ លី ព្រះមេគណគណៈធម្មយុត្តិកនិកាយខេត្ត និងជាប្រធានមូលិនិធិ ,ព្រះគ្រូចៅអធិការវត្តអូរអឹល, លោក សុខ សាធីម ប្រធានមន្ទីរពាណិជ្ជកម្មខេត្ត ,លោកស្រីប៊ុន គឹមហេង អនុប្រធានមន្ទីរសង្គមកិច្ចខេត្ត , លោកស្រី ខៀវ សុគន្ធា និងមន្ត្រីរាជការ សប្បុរស់ជនមួយចំនួនទៀត ។
លោកស្រី ជា លាភ អភិបាលរងខេត្តប៉ៃលិន បានមានប្រសាសន៏ថា៖ អំណោយដែលចែកជូនបងប្អួននាពេលនេះ គឺជាការរួមគ្នារវាងរដ្ឋបាលខេត្ត ជាមួយមូលនិធិរបស់សប្បុរសជនដែលដឹកនាំដោយព្រះគ្រូ សាន់ លី ប្រធានមូលិធិ និងជាព្រះមេគណ គណៈធម្មយុត្តិកនិកាយខេត្ត ដើម្បីចែកជូនដលបងប្អួនប្រជាពលរដ្ឋ ដែលកំពុងជួបការលំបាកក្នុងជីវភាពប្រចាំថ្ងៃ ។ លោកស្រីបន្តថា៖ បើទោះបីអំណោយទាំងនេះ មានការតិចតួចស្តួចស្តើងយ៉ាងណាក្តី ក៏វាអាចកាត់បន្ថយការខ្វះខាត់របស់បងប្អួនបានមួយរយៈផងដែរ ហើយអំណោយមនុស្សធម៌ដែលចែកដល់ប្រជាពលរដ្ឋ ដែលរងគ្រោះនាពេលនេះគឺ មិនបានប្រកាន់ឬរើសអើង ពីនិន្នាការនយោបាយ បក្ខពួក ជាតិសាសន៏ វណ្ណៈ ពណ៌សម្បុរអ្វីឡើយ ឲ្យតែប្រជាពលរដ្ឋរងគ្រោះ គឺសុទ្ធតែទទួលបាននូវការឧបត្ថម្ភស្មើៗគ្នា គ្រប់ក្រុមគ្រួសារនីមួយៗ។
លោកស្រីអភិបាលរងខេត្ត បានថ្លែងអំណរគុណ និងកោតសរសើរដល់ព្រះសង្ឃ ថ្នាក់ដឹកនាំ មន្ត្រីរាជការ , សប្បុរសជនក្នុងនិងក្រៅខេត្ត ដែលបានខិតខំយកចិត្តទុកដាក់ជួយឧបត្ថម្ភ និង ទទួលខុសត្រូវខ្ពស់ ក្នុងការជួយប្រជាពលរដ្ឋយើងនៅមូលដ្ឋាន ។
ក្នុងនោះ លោកស្រីអភិបាលរងខេត្ត ក៏បានសំណូមពរដល់បងប្អួនប្រជាពលរដ្ឋ ដែលបានចូលរួមថា ៖សួមបងប្អួនទាំងអស់ត្រួវជៀសឲ្យឆ្ងាយពីគ្រឿងញៀន កុំលេងល្បែងស៊ីសង ត្រួវចេះស្រលាញគ្នាទៅវិញទៅមក បើយើងវក់និងល្បែងស៊ីសង វានាំឲ្យយើងវិនាស់អន្តរាយទ្រព្យសម្បត្ត ផ្ទះសម្បែងជាដើម ដូច្នោះសូមបងប្អួនទាំងអស់កុំប្រព្រិត្តឲ្យសោះ ។
ជាមួយគ្នានោះដែរ បងប្អូនប្រជាពលរដ្ឋដែលទទួលបានអំណោយ បានថ្លែងអំណរគុណ ចំពោះថ្នាក់ដឹកនាំខេត្ត ក៏ដូចប្រធានមូលិធិ ដែលលោកតែងតែគិតគូពីការលំបាក់របស់ប្រជាពលរដ្ឋ នៅតាមមូលដ្ឋាន ពិសេសពលរដ្ឋដែលកំពុងរងគ្រោះនាពេលនេះ ។
អំណោយមនុស្សធម៌ ដែលចែកជូនដល់ដៃប្រជាពលរដ្ឋក្រីក្រ និង ចាស់ជរា ចំនួន១៧គ្រួសារ រួមមានអង្ករ ២៥គីឡូក្រាម ស្រាក១ ,បំពង់ទឹកក្តៅ១ ,ជ្រុញ១ ,ឆ្នាំង១ ,ខ្ទះឆា១ ,ស្ករ១គឺឡូ ,ស្បែកជើង១គូ ,សារ៉ុង១ , ទឹកស៊ីអ៊ីវ២ដប ទឹកត្រី២ដប និងថវិកាមួយចំនួនទៀត ៕
អត្ថបទ ទូច សុខន(ប៉ៃលិន)
