សេចក្តីរាយការណ៍ ពីប្រជាពលរដ្ឋក្រុងប៉ោយប៉ែត នៃខេត្តបន្ទាយមានជ័យ បានឲ្យដឹងថា ៖ សព្វថ្ងៃនេះ នៅក្នុងអាណាចក្រក្រុង ប៉ោយប៉ែត បាន រាយការណ៍ឱ្យដឹងថាៈ ទីតាំងបនល្បែង ស៊ីសងតាមប្រព័ន្ធអនឡាញ ដ៏ធំមួយ កន្លែងថិតនៅចំណូចផ្លូវចូលលីហ៊ូវ ក្នុង ភូមិក្បាលស្ពាន១ សង្កាត់-ក្រុងប៉ោយ ប៉ែតគេដឹងថាៈ ស្ថិតក្រោមការគ្រប់ គ្រងពីសំណាក់លោកសក្តិ ៣ តែម ប៉ូឡា ជាមេបញ្ជា ការរង កងរាជអាវុធហត្ថ ក្រុងប៉ោយប៉ែត ។
ទីតាំងល្បែងស៊ីសង របស់លោកតែម ប៉ូឡា មិនដែលមាន នរណាហ៊ានទៅក្បែរទេ មិនដឹងជា លោកតែម ប៉ូឡា បង់សេវាឱ្យស្ថាប័ន ពាក់ព័ន្ធប៉ុន្មាននោះទេក្នុង១ខែៗ ទើប អ្វីៗអាចដំណើរការដោយរលូន មិន ដែលមានការបង្ក្រាប? ។ប្រជាពលរដ្ឋ រស់នៅក្នុងក្រុង ប៉ោយប៉ែត ដែលមើល ឃើញពីភាពអនាធិបតេយ្យ នៃបន ល្បែងស៊ីសងខុសច្បាប់ ប្រឆាំងនឹង គោលនយោបាយភូមិ-ឃុំ មានសុវត្តិ ភាពរបស់រដ្ឋាភិបាលនេះ បានសម្តែង ការក្តៅក្រហាយយ៉ាងខ្លាំង ចំពោះការ បើកទីតាំងល្បែងស៊ីសងគ្រប់ប្រភេទ ។
ជាក់ស្តែងបនល្បែងស៊ីសង តាមប្រព័ន្ធ អនឡាញ ដោយក្បាលស្ពាន២ សង្កាត់ ប៉ោយប៉ែត ក៏ដូចជានៅប្លុកក្រោយ កាស៊ីណូ ហ្គ្រេនដាយ មិនស៊ីធី គឺមាន ទីតាំងបនល្បែងស៊ីសង តាមប្រព័ន្ធអន ឡាញជាច្រើនកន្លែង គេមិនដឹងថា ៖ ក្នុងមួយកន្លែងៗ ត្រូវបង់ សេវាឱ្យសមត្ថ កិច្ចនិងអាជ្ញាធរប៉ុន្មាននោះទេ ក្នុង១ ខែៗ ។ប្រជាពលរដ្ឋសំណូមពរឱ្យលោក គោ ស៊ុំសារឿត អភិបាលខេត្តបន្ទាយ មានជ័យ មេត្តាចុះពិនិត្យមើលភាពអនា ធិបតេយ្យ នៃបញ្ហាបនល្បែងស៊ីសង គ្រប់ប្រភេទ ជាពិសេសបនល្បែងស៊ី សងតាមប្រព័ន្ធ អនឡាញ ដែលកំពុង រីកដុះដាលដូចផ្សិត នៅលើទឹកដីក្រុង ប៉ោយប៉ែត ផ្ទុយពីគោលនយោបាយ ភូមិ-ឃុំមានសុវត្ថិភាពផង។ ព្រោះ បញ្ហាល្បែងស៊ីសងនេះ គឺជាប្រភពនាំ ឱ្យមានបទល្មើសក្នុងសង្គម អំពើហិង្សា ក្នុងគ្រួសារ គួរឱ្យព្រួយបារម្ភផងដែរ បើរំពឹង លើ ចៅហ្វាយក្រុងប៉ោយប៉ែត ង៉ោ ម៉េងជ្រួន និងលោក ហម ម៉ុត មេ បញ្ជាការកងរាជអាវុធហត្ថ មូលដ្ឋាន ក្រុងប៉ោយប៉ែត កក់ក្តៅ ដូចអាំងផេះ ព្រោះគេ មិនបានចាត់វិធានការបង្ក្រាប បនល្បែងស៊ីសងទាំងនោះ ឱ្យមាន ប្រសិទ្ធភាព តាមគោលនយោបាយ ភូមិ-ឃុំមានសុវត្ថិភាពនោះទេ ។
ជុំវិញ សេចក្តីរាយការណ៍ខាងលើនេះ សារព័ត៌មានដំណឹងភ្នំពេញ ពុំអាចស្វែងរកការបំភ្លឺពីលោក តែម ប៉ូឡា និងលោក ហម ម៉ុត បាននៅឡើយទេ ៕
