ភ្នំពេញ ៖ កាលពីវេលាម៉ោង១២ និង១០នាទីយប់រំលងអធ្រាត្រ ឈានចូលថ្ងៃទី២៨ ខែមិនា ឆ្នាំ២០១៩ ស្ត្រីម្នាក់ត្រូវបានគេឃើញដេកស្លាប់លើកំនរខ្សាច់យ៉ាងអាណោចអធម៌ដោយសារ ធ្លាក់ពីលើអគារមួយកន្លែង មានកំពស់រហូតដល់១០ជាន់ ស្ថិតនៅតាមបណ្ដោយផ្លូវលេខ១៦៣ កែងនិងផ្លូវលេខ២៧៨ ត្រង់ចំណុចខាងកើតវត្តមហាមន្ត្រី ក្នុងសង្កាត់អូឡាំពិច ខណ្ឌចំការមន ។
សពស្ត្រីរងគ្រោះមិនត្រូវស្គាល់អត្តសញ្ញាណនៅឡើយទេ ដែលជាកម្មករសំណងនៅទីតាំងខាងលើ ។ប្រជាពលរដ្ឋជិតខាងនិយាយថា៖
មុនពេលកើតហេតុ មានឭសំឡេងលាន់តែឌឹមលើដីខ្សាច់ ពេលនោះក៏មានប្រជាពលរដ្ឋចេញ មកមើល ស្រាប់តែឃើញស្ត្រីរងគ្រោះបានស្លាប់លើគំនរដីខ្សាច់បាត់ទៅហើយ ចំណែកផ្ទៃមុខស្ត្រីរូបនោះមានស្នាមបែកមុខ និងមានឈាមផងដែរ ។
សមត្ថកិច្ចមូលដ្ឋានបានមកដល់កន្លែងកើតហេតុ បានយកខ្សែមកពទ្ធ័ជុំវិញសព រួចទាក់ទងទៅសមត្ថកិច្ចជំនាញមកធ្វើកោលសល្យវិឆ័យសពរងគ្រោះខាងលើ ។ តែទោះជាយ៉ាងណា សមត្ថកិច្ចនៅមិនទាន់បញ្ចាក់បាននូវមូលហេតុថាជាអត្តឃាតឬគេធ្វើឃាតឬអ្វីឲ្យពិតប្រាកដនោះទេ ។ ដោយពុំទាន់ឃើញមានសាច់ញាតិបងប្អូន សមត្ថកិច្ចបានឲ្យរថយន្តសាមុយដឹកកម្កល់នៅត្តស្ទឹងមានជ័យ រង់ចាំសាច់ញាតិមកទទួលសពយកទៅធ្វើបុណ្យតាមប្រពៃណី៕