(ខេត្តកំពង់ឆ្នាំង)បើយោងតាមខ្លឹមសារអត្ថបទដែលបានចុះផ្សាយដែលបានចោទប្រកាន់ថា លោក ឃីម ឡុង នាយផ្នែករដ្ឋបាលជលផលកំពង់ប្រាសាទ បានយកអំណាចតួនាទីរបស់ខ្លួន ប្រព្រឹត្តផ្ទុយពីច្បាប់ ក្នុងនោះរួមមានយកគ្រឿងចក្រឈួសឆាយដីព្រៃលិចទឹកតំបន់ដែនអភិរក្សរបស់រដ្ឋទាំងកម្រោល ដែលស្ថិតនៅតំបន់បឹងឆ្នុកអណ្តែង ឃុំកោះថ្កូវ ស្រុកជលគីរី ខេត្តកំពង់ឆ្នាំង និងថាលោកឃីម ឡុងកាងការពារ រារាំងមិនអោយមានគ្រឿងចក្រអ្នកផ្សេងចូលឡើយ ។
ទើបថ្ងៃទី២៥ខែមិនាឆ្នាំ២០១៩នេះ មានក្រុមមានសារព័ត៌ជាច្រើនអង្គភាព បានចុះថតផ្តិតយករូបភាពជាក់ស្តែងអំពីសកម្មភាពបទល្មើសការឈូសឆាយដីអភិរក្សរបស់រដ្ឋនិង ថានៅពេលមានត្រាក់ទ័រ ផ្សេងមករកស៉ីលើទឹកដីនេះ លោកចាប់យកត្រាក់ទ័ររបស់គេទៀត។
នៅក្នុងខ្លឹមសារព័មានខាងលើបានសរសេរថា <<ក្រុមសារព័ត៌៥អង្គភាព>> ដែលមកយកព័ត៌មាននៅក្នុងថ្ងៃនេះ រង់មើលចំណាត់ការ របស់លោកងិន ហ៊ុន ដែលជាប្រធានមន្ទីរកសិកម្មខេត្ត តើលោកមានវិធានការយ៉ាងដូចម្តេចចំពោះកូនចៅរបស់លោក។
ប៉ុន្តែបើយោងតាមការបកស្រាយបំភ្លឺរបស់លោកឃីម ឡុងបានបកស្រាយថាជារឿងមិនពិត ដែលបង្កមកពីរឿងចាក់រុក អុចអាលដែលកើតឡើងមកពីទំនាស់មួលបង្កាច់ពីសំណាក់មន្ត្រីជលផកជាប់កិច្ចសន្យាដែលក្រសួងបានធ្វើការបញ្ឈប់ផ្អាកការងារពីអង្គភាពទើបកើតរឿងបែបនេះ។លោកថា៖តាមពិតការឈូសឆាយនេះមិនមែនដីព្រៃលិចទឹក ឬជាដីដែនអភិរក្សដូចការចុះផ្សាយនោះទេ ដីនោះជាដីដែលមានច្បាប់អនុញ្ញាតពីអាជ្ញាធរត្រឹមត្រូវដែលមានការចុះហត្ថលេខាពីលោកយិន សាវ៉េនអតីតអភិបាលស្រុកជលគីរីទៀតផង ហើយដីដែលក្រុមអ្នកសារព័ត៌មាននាំគ្នាចុះទៅថតចុះផ្សាយនោះជាដីរបស់ប្រជាពលរដ្ឋដែលគេអាស្រ័័យផលជារៀងរាល់ឆ្នាំ។
ការដែលសារព័ត៌មាននាំគ្នាទៅថតរូបភាពចុះផ្សាយនោះលោកថាក្មេងៗវាគ្រាន់តែទៅស៊ីឈ្នួលវាយអង្គប់ពង្រាបដីស្រែ និងលើកភ្លឺស្រែចាស់ដែលរិចរិល(រាបទាបអស់ទៅហើយនោះ) អោយមានកំពស់ខ្ពស់ឡើងវិញ អោយម្ចាស់ដីគេគ្រាន់បានកម្រៃចិញ្ចឹមជីវភាពគ្រួសារតែប៉ុណ្ណោះ។ សូមបងប្អូមហាជនមេត្តាកុំមានការយល់ច្រឡំដូចការចុះផ្សាយតទៅទៀត។ ប្រសិនបើជាដូចការចោទប្រកាន់មែនសូមធ្វើតាមច្បាប់ ព្រោះប្រទេសមានច្បាប់
(សូមពិនិត្យមើលឯសារខាងក្រោម)៕
