ព្រៃវែង ៖ លោក ជឺម រតន: កូនលោកឧកញ៉ា ជឹម សុខ ដែលល្បីពេញ Facebook ថាជាំជនដៃដល់រឿងបាញ់ប្រហារប្រជាពលរដ្ឋស្លូតត្រង់ដោយចោទថាជាចោរលួចឡាន បានចូលខ្លួនមកទទួលទោសហើយ នៅល្ងាចថ្ងៃទី ២៦ មីនា ២០១៩ សមត្ថកិច្ចកំពុងបន្តនីតិវិធី។
សូមបញ្ជាក់ថាក្រោមការបញ្ជាផ្ទាល់ពី អគ្គស្នងការនគរបាលជាតិ លោក នាយឧត្តមសេនីយ៏ នេតសាវឿនមកដល់ថ្ងៃទី២៦មិនាមនុស្សចំនួន៩នាក់ ត្រូវបាន សមត្ថកិច្ចឃាត់ខ្លួន ហើយ ។
អ្នកពាក់ពន្ធ័សមត្តកិច្ចចែកជា៣ក្រុម។ក្រុមទី១គឺភាគីម្ចាស់ឡានអ្នកលក់,ក្រុមទី២ដៃជើងដៃបក្ខពួកមេការលោកឧកញ៉ាជឹមសុខ,ក្រុមទី៣សុទ្ធតែជាសមត្ថកិច្ចនគរបាលខេត្តព្រៃវែង។ក្នុងនោះរួមមាន៖ទី១,ឈ្មោះសេងឈិន ជាម្ចាស់បណ្ដឹងផ្ដល់ព័ត៌មានមកឈ្មោះ ផាន់ សុឌី ឲ្យជួយចាប់ចោរលួចឡាន។ ២,ឈ្មោះ ឈុន ឡាយ អ្នករួមដំណើរ។៣ឈ្មោះ ផាន់ សុឌី ភេទប្រុស នៅភូមិតាម៉ៅ ឃុំកំពង់សឹង ស្រុកព្រះ ស្ដេច ខេត្តព្រៃវែង បច្ចុប្បន្តជាជាងជួសជុលឡាននៅភ្នំពេញដែលជួលរថយន្តនោះឲ្យទៅជនជាតិចិន សម្រាប់ជិះ និងជាម្ចាស់ដើម៤,ឈ្មោះ វ៉ែន ប៊ុនសារៈ អ្នករួមដំណើរ។
៥,លោកអនុសេនីយ៍ឯកជាឡាឌីនមេប៉ុស្តិ៍កំពង់សឹង ជាអ្នកដឹកនាំកម្លាំងនិងផ្ដល់មធ្យោបាយសម្រាប់ប្រព្រឹត្តបទល្មើស។៦,ឈ្មោះ អ៊ូ ប៊ុតទីឃីយ៉ាត់ ជាមេការបេនទួលខ្លូត របស់លោកឧកញ៉ាជឹមសុខ។៧,អនុសេនីយ៍ទោ ជឹម វិន មន្ត្រីប៉ុស្តិ៍កំពង់សឹង ស្រុកព្រះស្ដេច ត្រូវជាក្មួយលោកឧកញ៉ាជឹមសុខ និងជាជនដៃដល់។៨,ឈ្មោះភាព ផានី ជាពលរដ្ឋដែលផ្ដល់ព័ត៌មានមកប៉ុស្តិ៍ថាចោរលួចឡាន។
ប្រភពបានឱ្យដឹងថា ជនពាក់ព័ន្ធ អាចនឹងចាប់ខ្លួនជាបន្តបន្ទាប់ទៀត គឺមិនទាន់អស់ទេ ខណៈសមត្ថកិច្ចបានរៀបចំឯកសារទៅព្រះរាជអាជ្ញាដើម្បីសុំគោលការឃាត់បន្ត។
សូមបញ្ជាក់ថា អំពើបាញ់សម្លាប់ មនុស្ស យ៉ាងសាហាវឃោឃៅនេះបានកើតឡើង កាលពីវេលាម៉ោង២៣,០០នាទីយប់ ថ្ងៃទី២៣មីនាឆ្នាំ២០១៩ នៅចំណុចភូមិគោកសណ្តែក ឃុំរក្សជ័យស្រុកបាភ្នំ ខេត្តព្រៃវែង។ ដោយចោទជនរងគ្រោះថាជាចោរ លួចឡាន ហើយម្ចាស់ឡានបាន ទូរសព្វ័ប្តឹង សមត្ថកិច្ច ប៉ូលីស និងកងរាជអាវុធហត្ថ ចោទ ជនរងគ្រោះ ឈ្មោះ ម៉ន រ៉ាវុធ ភេទប្រុសអាយុ៣២ឆ្នាំ មុខរបរជាងម៉ៅការសំណង់ មានស្រុកកំណើតនៅ ឃុំឈើកាច់ ស្រុកបាភ្នំ ខេត្តព្រៃវែង បច្ចុប្បន្នស្នាក់នៅខណ្ឌពោធិ៍សែនជ័យ រាជធានីភ្នំពេញ ជាអ្នកលួចឡាន ។
កូនលោកឧកញ៉ាជឹមសុខនិងក្មួយបូក រួមទាំងមេប៉ុស្តិ៍កំពង់សឹងដែលដេញស្ទាក់បាននិង បាញ់ សម្លាប់បុរសម្នាក់និងរបួសម្នាក់នៅស្រុកបាភ្នំត្រុវបានគេរាយការណ៍ថា បើទោះបីជា ជនរងគ្រោះលើកដៃសំពះអង្វរយ៉ាងណាក៏ដោយ ក៏សមត្ថកិច្ចនៅតែបាញ់សម្លាប់ជនរងគ្រោះដដែល ។
មូលហេតុ មកពីជនរងគ្រោះ ទិញរថយន្តបង់លុយមិនទាន់គ្រប់ ហើយម្ចាស់ដើម បានយករថយន្តនោះទៅជួលឲ្យជនជាតិចិន។ធ្វើឲ្យអ្នកទិញខឹង បានស្កាត់ទៅយករថយន្តពីជនជាតិចិន ទាំងទទឹងទិស រួចបើក គេចមកស្រុកកំណើត ។ម្ចាស់ឡានដើមស្រាវជ្រាវតាមប្រពន្ធ័កំណត់គោលដៅ(GPS)ដេញពីក្រោយ ប្ដឹងសមត្ថកិច្ច ដោយបំភ័ន្តថាចោរៗទើបសមត្ថកិច្ចស្ទាក់បាញ់សម្លាប់អ្នកទិញរថយន្តតែម្ដង។
ព្រោះស្មានថា ចោរលួចរថយន្តដូចពាក្យបណ្ដឹង។ ម្ដាយជនរងគ្រោះអះអាងថាកូនគាត់បានទិញរថយន្ត ម៉ាកព្រូសពណ៌ប្រផេះ ពាក់ស្លាកលេខភ្នំពេញ2AF2679 ។ដោយបង់រំលោះ នៅខ្វះលុយ ៣.០០០ដុល្លារទៀត។ ម្ចាស់ដើមឈ្មោះ ផាន់ សុឌី ភេទប្រុស នៅភូមិតាម៉ៅ ឃុំកំពង់សឹង ស្រុកព្រះស្ដេច ខេត្តព្រៃវែង បច្ចុប្បន្តជាជាងជួសជុលឡាននៅភ្នំពេញ។
សម្ដេច ស ខេង នៅថ្ងៃទី២៥ ខែមីនា ឆ្នាំ២០១៩ បានតាមគេហទំព័រហ្វេសប៊ុកថា “ខ្ញុំមានការសោកស្តាយប្រកបដោយសមាណទុក្ខដ៏ក្រៀមក្រំបំផុត ក្រោយទទួលបានព័ត៌មានមកថា លោក ម៉ន វុធ បានទទួលមរណភាព ក្នុងហេតុការណ៍ផ្ទុះអាវុធ កាលពីម៉ោង២៣:០០នាទីយប់ថ្ងៃទី២៣ខែមីនា ឆ្នាំ២០១៩ នៅចំណុចភូមិគោកសណ្ដែក ឃុំរក្សជ័យ ស្រុកបាភ្នំ ខេត្តព្រៃវែង”។
សម្ដេចបន្ដថា “ខ្ញុំសូមចូលរួមរំលែកមរណទុក្ខ ដ៏ក្រៀមក្រំនេះជាមួយគ្រួសារសព និង សូមបួងសួងឲ្យវិញ្ញាណក្ខន្ធលោក ម៉ន វុធ បានទៅកាន់សុគតិភព កុំបីឃ្លៀងឃ្លាតឡើយ”។សម្ដេចក្រឡាហោម ស ខេង បានមានប្រសាសន៍ថា “ក្នុងនាមក្រសួងមហាផ្ទៃ ខ្ញុំសន្យាថានឹងស្វែងរកយុត្តិធម៌ជូនគ្រួសារសព ក៏ដូចជាក្រុមគ្រួសារ ដែលមានការពាក់ព័ន្ធ និងជូនសង្គមជាតិយើងទាំងមូល”៕