ភ្នំពេញ៖ នារីរងម្នាក់ដែល ជានិស្សិតផងនោះបានស្លាប់ទាន់ហន់ដោយសារថយន្តស៊េរីទំនើប ម៉ាក Rang Rover ពាក់ផ្លាកលេខភ្នំពេញ 2AF-7777 បុកពេលកំពុងជិះម៉ូតូប៉ើងដូចក្រដាស នៅរសៀលថ្ងៃទី២៦ ខែមីនា ឆ្នាំ២០១៩ តាមបណ្ដោយផ្លូវលេខ៣១៧ កែងនឹងផ្លូវលេខ៥២៨ ក្នុងសង្កាត់បឹងកក់ទី១ ខណ្ឌទួលគោក។
តាមរយៈរូបភាពវីដេអូកាំមេរ៉ាសុវត្ថិភាព ដែលត្រូវបានគេបំពាក់នៅក្បែរកន្លែងកើតហេតុ និងដែលត្រូវគេចែកចាយតាមបណ្ដាញសង្គម Facebook មានរយៈពេលជិត១នាទី បានឃើញរថយន្ដ Rangrover មួយគ្រឿងនេះ បើកក្នុងល្បឿនយ៉ាងលឿន លុះពេលមកដល់ផ្លូវបែកជា៤ ក៏បានបុកនារីរងគ្រោះពេញមួយទំហឹង បណ្ដាលឲ្យស្លាប់ភ្លាមៗនៅនឹងកន្លែងកើតហេតុតែម្ដងឯរថយន្តបើករត់គេចបាត់ស្រមោល។
មហាជនបានទទូច និងអំពាវនាវដល់នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ ជួយតាមចាប់អ្នកបើករថយន្ដបង្កយកមកផ្ដន្ទាទោសតាមផ្លូវច្បាប់ ដើម្បីផ្ដល់យុត្តិធម៌ដល់នារីរងគ្រោះ។នារីរងគ្រោះមានឈ្មោះឈ្មោះ ឌុំ រីដា អាយុ២២ឆ្នាំ ស្រុកកំណើតភូមិកំពង់ដំរី ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល។
ហ្វេសប៊ុករបស់លោក ផែង វណ្ណៈ បានបង្ហោះមុននេះថា “ស្គាល់អត្តសញ្ញាណម្ចាស់រថយន្ដ Range Rover 2AF-7777 ដែលបុកនិស្សិតស្លាប់ហេីយ
ម្ចាស់រថយន្តឈ្មោះ សេង ពិទូ អាស័យដ្ឋានផ្ទះលេខ ១៦ ផ្លូវលេខ ១៣០ សង្កាត់ផ្សារថ្មី ៣ ខណ្ឌ ដូនពេញ រាជធានី ។
តាមគណនីហ្វេសបុក«Pitou Seng» បានចេញមុខបញ្ជាក់ថាបានលក់ ប្រមាន 3 ឆ្នាំហេីយ ហើយគាត់បានសរសេររៀបរាប់ថា៖«ខ្ញុំបាទ សេង ពិទូរ្យ សូមប្រកាសជាសាធារណៈថា ឡាន Range Rover លេខ 2-AF 7777ដដែលបានបង្កគ្រោះថ្នាក់ចរាចរណ៍បណ្តាលឲ្យនិស្សិតម្នាក់បានស្លាប់ បច្ចុប្បន្នមិនមានជាឡានរបស់ខ្ញុំទេ ដោយសារឡាននេះខ្ញុំបានលក់ ប្រមាន 3 ឆ្នាំហេីយ ដោយឡែក បច្ចុប្បន្ននេះ ថ្ងៃកេីតហែត ខ្ញុំកំពុងបំពេញបេសកកម្មនៅ សហព័ន្ធរុស្ស៊ី។ សូមបង ប្អូនជ្រាបជាព័ត៌មាន។ ក្នុងពេលនេះផងដែរ ខ្ញុំសូមឲ្យម្ចាស់ឡានបច្ចុប្បន្ន សូមចេញមុខមកដោះស្រាយ ជាមួយគ្រួសារ សព និង ទទួលខុសត្រូវនៅចំពោះមុខច្បាប់។»
លោកឧត្តមសេនីយ៍ឯកសថេតស្នងការនគរបាលរាជធានិភ្នំពេញបានប្រកាសថានឹងតាមចាប់ជនបង្កឲ្យខាងតែបាន។ចឹងចាំមើលតិចមើល!?
