កំពង់ធំៈ កាលវេលាម៉ោង៩យប់ថ្ងៃទី២៥មិនាឆ្នាំ២០១៩ប្រជាពលរដ្ឋរាយការណ៍ថា៖មានកាឡេថង ២គ្រឿងបើកដឹកឈើមូលកាត់មុខស្នាក់ការមេព្រៃ គល់ស្ពានបាក់ស្នារយ៉ាងរំភើយ ឯលោក ឈាង មាលាមន្ត្រីរដ្ឋបាលព្រៃឈើធើមិនដឹង។
ដោយសារមេព្រៃពុករលួយតំបន់ព្រៃអង់តែនដែលជាព្រៃសំរាប់រង្វាស់ទឹកវាលទំនាបអាស៊ីម៉ូសុងទន្លេមេគង្គនៃប្រទេសកម្ពុជាកំពង់ទទួលរងនូវការកាប់បំផ្លាញយ៉ាងរង្គាល។ពួកឈ្មួញ ប្រមាណជាងបួនភូមិគឺភូមិ ទក់ ល្អក់ ត្រពាំងព្រីង តាមិញ ដែលស្ថិតក្នុងឃុំក្រយា ស្រុកសន្ទុក ខេត្តកំពង់ធំដឹកជញ្ជូនតាមគោយន្តកាឡេថង។ មហាជនបាននិយាយរឹះគន់ចំៗទៅលើសមត្ថកិច្ចដែលឈរជើងនៅតាមដងផ្លូវចាប់ពីចំនុចផ្លូវបំបែក៤៤ ទៅដល់ផ្សារកំពង់ថ្មថាមិនដែលឃើញមានការទប់ស្កាត់ និងបង្ក្រាបបទល្មើសការកាប់បំផ្លាញនឹងដឹកជញ្ជូនផលនិងអនុផលព្រៃឈើចេញពីតំបន់ព្រៃអង់តែនម្តងណាឡើយ។
មិនដឹងលោក ប៊ុន សុធី នាយខ័ណ្ឌរដ្ឋបាលព្រៃឈើកំពង់ធំ.បានពីសកម្មភាពរបស់លោក ឈាង មាលា ដែលបើកភ្លើងខៀវអោយក្រុមឈ្មួញកាប់ដឹកជញ្ជូនឈើកាត់មុខស្នាក់ការបែបនេះដែរឬអត់? ពួកក្រុមកាឡេថងបួនភូមិខាងលើកំពុងកាប់បំផ្លាញ និងដឹកជញ្ជូនរាល់ថ្ងៃរាល់យប់យកទៅលក់អោយពួកអ្នកដាក់ម៉ាស៊ីនថាសជច្រៀកឈើអត់ច្បាប់នៅភូមិកំពង់ស្ដេច ស្រុកបារាយណ៍ ដែលមានលោក ហេង កាម៉ិច នាយសង្កាត់រដ្ឋបាលព្រៃឈើបារាយណ៍ជាអ្នកទទួលខុសត្រូវ។
ពាក់ព័ន្ទរឿងរ៉ាវបទល្មើសការកាប់បំផ្លាញតំបន់ព្រៃអង់តែននេះបងប្អូន
ប្រជាពលរដ្ឋក្នុងខេត្តកំពង់ធំបានទទូចសុំសំណូមពរទៅឯកឧត្តម សុខ លូ អភិបាលនៃគណៈអភិបាលខេត្តកំពង់ធំ ជួយហៅមន្ត្រីពាក់ព័ន្ធខាងលើទៅធ្វើការណែនាំ និងងូតទឹកដុសក្អែលអោយផង៕
