ខេត្តសៀមរាប ៖ លោកព្រុំវិច ប្រធានការិយាល័យពេទ្យសត្វខេត្តសៀម បាន បើកដៃឲ្យកូនចៅ លួចកាត់យកសាច់ជ្រូក សាច់គោអាជីវករក្រោមលេសយកទៅពិសោធន៍តាមតែអំពើចិត្តដែលការពិតគឺបន្លំកៀបសង្កត់យកលក់ធ្វើមានបានតែប៉ុណ្ណោះ។
នៅ ព្រឹកថ្ងៃទី២១ខែមិនា អាជីវករលក់សាច់ជ្រូកសាច់គោក្នុងផ្សារធំថ្មីក្រុងសៀមរាបជាច្រើននាក់បាន ឲ្យដឹងថាៈពេទ្យសត្វកាត់សាចជ្រូសាចគោគាត់យកទៅពិសោធន៍យ៉ាងតិចបំផុត មួយក្បាលជ្រូក ចាប់ពីកន្លះគីឡូរហូតដល់មួយគីឡូក្រាមកន្លះ។ក្នុង មួយយប់សត្វជ្រូកត្រូវសម្លាប់ មានពី៣៥០ ឫ៤០០ក្បាល។ ចំណែកសត្វគោ៧៥ឫ៨០ក្បាល ចែកចាយបួនផ្សារ៖ គឺ១ ផ្សារធំថ្មី ២ ផ្សារក្រោម ៣ ផ្សារសាម្គី ៤ផ្សារក្រឡាញ់។
សូមបញ្ជាក់ថាទង្វើកៀបស៊ីបង្កឡើងដោយកូនចៅលោកព្រុំវិច បើគិតមួយក្បាល កន្លះគីឡូ គុណនិង៣៥០ក្បាលគឺមួយថ្ងៃៗត្រូវបាន ១៧៥គីឡូក្រាម។បើ គិតត្រឹមតែមួយគីឡូក្រាមមួយម៉ឺនរៀលកូនចៅលោកព្រុំវិចរកបានប្រាក់ ១៧៥ម៉ឺនរៀល ។ ចំណែកសាច់គោ មានប្រមាណ៧៥ក្បាល។ចឹងបើមួយក្បាលយក ៧ខាំគុណនិង៧៥ក្បាលហើយគុណមួយគីឡូ១២០០០រៀល។កូនចៅលោកព្រុំវិចរកបានប្រាក់មួយ ៦៣ម៉ឺនរៀល។ បូកជាមួយលុយលក់សាច់ជ្រូក ដេលក្បៀសបានចំនួន១៧៥ម៉ឺនគឺគេរកបានបប្រាក់២៣៨ម៉ឺនរៀលក្នុងមួយយប់។ចុះបើ ២៣៨ម៉ឺនគុណនិង៣០ថ្ងៃគុណហើយយកទៅគុណនិង១២ខែ គុណនិង១០ឆ្នាំគុណ២០ឆ្នាំ វាអាចធ្វើឲ្យលោកព្រុំវិចដែលជាមេគ្រប់គ្រង រកលុយសង់វិឡាទិញឡានទំនើបជិះយ៉ាងរភើយ។
ពួកអាជីវកបន្តថា កាលពីថ្ងៃ២៨ខែកុម្ភៈ លោកទៀគឹមសុទ្ធដែលជ្រែពីមេព្រៃខេត្តមកធ្វើជា មេកសិកម្មខេត្តសៀមរាបវិញព្រោះច្បាប់ថ្មីឲ្យអំណាចទៅថ្នាក់ក្រោមជាតិនោះបានធ្វើសន្និសីទកាសែតតែមិនបានហៅពួកគាត់ទៅចូលរួមទេ គឺគេហៅតែចោះ ៗអ្នកដែលជាបក្ខពួក។សោកស្ដាយមែនទែនដែលមិនបានជួបក្នុងអង្គប្រជុំព្រោះ ពួកគាត់សំលាងមាត់ហើយៗនឹងបើកកកាយពីអំពើពុករលួយរបស់ មន្ត្រីពេទ្យសត្វដែលចៀរកាត់យកសាច់ជ្រូកសាច់គោគាត់ក្រោមលេសយកទៅពិសោធដែលតាមពិត គឺយកទៅលក់សោះ ។
ប្រជាពលរដ្ឋថាលោកទៀគឹសុទ្ធមមេលោកព្រុំវិចគឺធើរបៀបកន្ទេលធំបន្លំដេកចឹង។ចំណែកពួកកម្មករស៊ីឈ្នួលកាប់គោជ្រូកនៅមណ្ឌលសត្តឃាតឧកញ៉ាទូចសៀរបាន យកប្រាក់ឈ្នួលហើយ វានៅលួចសាច់ជ្រូកសាច់គោមួយក្បាល កន្លះគឺឡូដល់ពីរគីឡូក្រាមមួយក្បាលទៀត។ករណីយ៍ ពុករលួយនិងលួចពូកគាត់ប្ដឹងលោកទូចសៀម្ចាស់ម៉ៅការសត្វឃាត្ត អោយជួយទប់ស្កាត់តែមិនបានផលស្អីទេវានៅតែលួចដដែល ។
ករណិយ៍បន្លំលួចស្រស់ៗចឹងលោកណុបសារ៉ាក់ អធិការក្រុងសៀមរាប ទើបឡើងថ្មីបានអោយដឹងតាមទូរស័ព្ទថា ទ្រព្យសម្បត្តិអ្នកដទៃដែលគេមិនបានអោយ ទោះរបស់នោះតូចក្ដី ឫថោកក្ដីបើគេមិនអោយទេ គេហៅថាចោរ ។ បើគ្នាច្រើន គឺត្រូវចោទពីបទប្លន់ ។ ម្ចាស់ជ្រូកអាចប្ដឹងទៅម្ចាស់កុងស៊ី ឫក៍ប្ដឹងមក សមត្តកិច្ចបាន ។ ក្រៅពីជាបទល្មើសព្រហ្មទណ្ឌ័បើក្នុងនាមជាមន្ត្រីគឺត្រូវជាប់ពីការប្រើអំណាចរដ្ឋប្រព្រឹត្តអំពើរពុករលូយ(វិតិក្រម)ដែលជាសមត្តកិច្ចអង្គភាពប្រឆាំងអំពើរពុករលួយ។
លោកឧកញ៉ាទូចសៀថៅកែម៉ៅការសត្វឃាតទូរសព្ទចូលហើយលើកទទួល ពេលប្រាប់ថាកាសែត លោកឆ្លើយថារវល់ប្រជុំរួចចុចផ្ដាច់ ។ ចំណែកលោកព្រុំវិចមេពេទ្យសត្វកូនចៅលោកទៀគឹមសុទ្ធ ធ្លាប់ប្រាប់ថា៖ពេទ្យសត្វ គេកាត់សាច់តែមួយខាំពីខាំក្នុងមួយក្បាលយកទៅពិសោធ។បើថាយក កន្លះគីឡូឡើងទៅគាត់មិនជឿទេ? ចេះតែថា ? ចំណែកលោកទៀគឹមមេលោកព្រុំវិច មិនអាចទាក់ទងសុំការការពន្យល់បានទេ។ ព្រោះមិនមានលេខទូរស័ព្ទ ។ អង្គភាពរង់ចាំការបកស្រាយពន្យល់រាល់ពេល។
