ក្រចេះ ៖ ក្រុម ចោរលួចមានស្ថានទំងន់ទោស ប្រដាប់ដោយអាវុធវែងខ្លី បានធ្វើសកម្មភាពចូលប្លន់ផ្ទះប្រជាពលរដ្ឋបានវាយម្ចាស់ផ្ទះ និងបាញ់ប្រហារ ដើម្បីយកទ្រព្យសម្បត្តិហេតុការណ៍ នេះកើតឡីងនៅវេលាម៉ោង ២០ និង៣០នាទី ថ្ងៃទី២៤ ខែកក្ដដា ឆ្នាំ២០១៦ នៅភូមិត្រពាំងស្រែឃុំ ២ ធ្នូ ស្រុកស្នួល ខេត្តក្រចេះ ។
អាវុធហត្តស្រុកស្នួលបានឲ្យដឹងថា ករណីនេះបង្កឡើងដោយជនសង្ស័យ មិនស្គាល់អត្តសញ្ញាណមានគ្នាចំនួន៧នាក់ប្រដាប់ដោយអាវុធខ្លីគ្រប់ដៃនិងអាវុធវែង ១ ដើមហើយក្រុមជនសង្ស័យបានធ្វើសកម្មភាពចូលក្នុងផ្ទះយកអាវុធខ្លីភ្ជង់ និងវាយជនរងគ្រោះជាម្ចាស់ផ្ទះឈ្មោះ សួង ហុង ភេទស្រីអាយុ៤៦ឆ្នាំ ត្រូវក្រុមចោរវាយ និងអាវុធខ្លីត្រូវចំសៀតផ្កា ខាងឆ្វេងរងរបួសហើយក្រុមចោរទាំងនោះបានយកអាវចងកូនប្រុសជនរងគ្រោះឈ្មោះ តាំង វ៉ាន់ធី អាយុ១៦ឆ្នាំ ។ ហើយខណៈដែលពួកចោកំពុងធ្វើសកម្មភាពប្លន់ប្ដីជនរងគ្រោះឈ្មោះ តាំង ម៉ានី អាយុ៤១បានជិះម៉ូតូមកដល់ផ្ទះត្រូវបានគ្រុមចោរបាញ់ ១ គ្រាប់តែខុស ហើយជនរងគ្រោះបានរត់រួច ។
អាវុធហត្ថបានបន្តទៀតថា ទ្រព្យសម្បត្តិដែលក្រុមចោរប្លន់យកពីម្ចាស់ផ្ទះនោះ រួមមានខ្សែដៃមាសចំនួន២ដំឡឹងក្រវិលផ្លាកទីន ១ ជី ចិញ្ចៀនផ្លាកទីន ១ ជី ទូរស័ព្ទដៃចំនួន៣គ្រឿង និងលុយមួយចំនួនទៀត ហើយក្រោយពីពួកវាធ្វើសកម្មភាពប្លន់រួចរត់គេចខ្លួន ដោយផ្លោះតាមរបងផ្ទះខាងគ្រោយចេញទៅបាត់ ហើយសមត្ថកិច្ចកំពុងស្រាវជ្រាវកំណត់មុខសញ្ញា ៕
ដោយ កិះ ខន
