សៀមរាប ៖ យោងតាមប្រភពព័ត៌មានពីអ្នកកាសែតប្រចាំនៅខេត្តសៀម រាបបានអោយដឹងថា តាមរយ: លោក លីវ សុខុន ប្រធានមន្ទីរ ព័ត៌មានខេត្តសៀមរាប បានថ្លែងប្រាប់ថា លោករំពឺងយ៉ាងមុត មាំថា លោកអភិបាលខេត្តសៀមរាប នឹងឈប់ហៅថា អ្នក កាសែតជជុះទៀតហើយ ក្រោយពេលរូបលោករៀបចំកម្មវិធី ជួបជាមួយអ្នកកាសែត បើកសិក្ខាសាលាមួយសម្រាប់អ្នក កាសែត នៅ ក្នុងខេត្តសៀមរាបនាចុងខែមីនាខាងមុខនេះ ។
លោក លីវ សុខុន បានបញ្ជាក់ថា អ្នកកាសែតទាំងអស់ត្រូវប្រកាន់ជំហរ គោរពក្រមសីលធម៌ វិជ្ជាជីវ: ។ ត្រូវស្វែងរកប្រភពអោយបាន ច្បាស់លាស់មុនពេលចេញផ្សាយ ចៀសវាងការវាយប្រហារ ប៉ះពាល់ដល់កិត្តិយសអ្នកដទៃ ។ ការចេញមុខមកបញ្ជាក់របស់លោក លីវ សុខុន ឝឺបន្ទាប់ពីលោក ទៀ សីហា អភិបាល ខេត្តសៀមរាបបានប្រកាសដោយចំហរថា លោកនៅតែនិយាយពាក្យថា អ្នកកាសែតមួយចំនួនជាកាសែតជជុះ ។
ការលើកឡើងរបស់លោក ទៀ សីហា បែបនេះគឺនៅព្រឹកថ្ងៃទី១៨ ខែមីនា ឆ្នាំ២០១៩ ក្នុងឱកាសដែលលោកអញ្ជើញជាអធិបតី ភាពក្នុងការបើកអង្គសន្និបាតបូកសរុបលទ្ធផលការងារប្រចាំ ឆ្នាំ២០១៨ និងលើកទិសដៅសំរាប់អនុត្តឆ្នាំ២០១៩ របស់ រដ្ឋបាលខេត្តសៀមរាបនៅសណ្ឋាគារសុខា ខេត្តសៀមរាប ។ ជាមួយគ្នានេះផងដែរលោក អភិបាលខេត្តសៀមរាបក៏បាន អរគុណចំពោះអ្នកកាសែតដែលបានវាយប្រហារមកលើរូប លោក ។ តែលោកបញ្ជាក់ថាមិនមែនទាំងអស់នោះទេ ។
បន្ទាប់មកក៏កើតមានប្រតិកម្មពីអ្នកកាសែត និងបណ្តាញ សង្គម facebook បានវាយប្រហារធ្ងន់ៗលើលោក ទៀ សីហា អភិបាលខេត្តសៀមរាប ដែលទើបចូលកាន់តំណែង ថ្មីៗ ។
ចំពោះការរំពឹងទុករបស់លោក លីវ សុខុន ប្រធានមន្ទីរព័ត៌មានខេត្តសៀមរាប ដែលបានថ្លែងប្រាប់ អ្នកកាសែតនៅក្នុងខេត្តសៀមរាបថាលោក អភិបាលខេត្តសៀមរាបគ្រោងរៀបចំកម្មវិធីជួបជុំជាមួយអ្នកកាសែតនៅចុង ខែមីនានេះ។ ការិយាល័យនិពន្ធ យើងខ្ញុំមិនអាចសុំ ការបំភ្លឺពីលោក លីវ សុខុន ដើម្បីបញ្ជាក់អំពីកាលបរិច្ឆេទ នៃការជួបជុំអ្នកកាសែតនេះ បានទេ ព្រោះទូរស័ព្ទរបស់លោក ឆ្លើយថា មិនអាចទាក់ទងបានទេនៅពេលនេះ ។
ឯខាងរដ្ឋ បាលសាលាខេត្តសៀមរាប ការិយាល័យនិពន្ធយើងពីមាន លេខទូរស័ព្ទរបស់លោកអភិបាលខេត្ត ឬ អ្នកនាំពាក្យសាលា ខេត្តសៀមរាប ដើម្បីសុំការបញ្ជាក់អំពីការអះអាងរបស់លោក ប្រធានមន្ទីរព័ត៌មានខេត្តសៀមរាបបានទេ ៕
