ត្បូងឃ្មុំ ៖ ប្រជាពលរដ្ឋដែលមានដីធ្លីនៅខេត្តព្រះសីហនុប្រយត្ន័អស់ដីអស់លុយបើសម្រេចចិត្តលក់។ នេះជាអនុសាសន៍របស់លោកជាសុផារ៉ាឧបនាយករដ្ឋមន្ត្រីរដ្ឋមន្ត្រីរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។«ខ្ញុំក៏មានការអំពាវនាវឲ្យអ្នកនៅមន្ទីដើរប្រាប់ កុំឲ្យលក់ដី ឲ្យជួលវិញ។
ជួលរយៈពេលតែ២០ឆ្នាំ ហើយអ្នកដែលគេយកទៅធ្វើអាជីវកម្ម ១៥ឆ្នាំ គេប្រគល់ឲ្យយើងហើយ។យើងបានទាំងសំណង់ ហើយសំណង់នេះ នឹងតដល់ត្រកូលយើង បើលក់វាចប់»។
អនុសាសន៍សាសន៍របស់ឯកឧត្តម ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់បានធ្វើឡើងក្នុងឱកាសឯកឧត្តមអញ្ជើញចូលរួមបិទសន្និបាតបូកសរុបលទ្ធផលការងារក្នុងខេត្តត្បូងឃ្មុំ កាលពីពេលថ្មីៗនេះ។ការលើកឡើងរបស់ឯកឧត្តមឯកឧត្តម ជា សុផារ៉ា ក្នុងគោលបំណងកុំឲ្យប្រជាពលរដ្ឋក្នុងខេត្តព្រះសីហនុខាតប្រយោជន៍នាពេលអនាគត ដោយសារការលក់ដីធ្លី ខណៈដែលតម្លៃដីធ្លីក្នុងខេត្តព្រះសីហនុ ក្នុងរយៈពេលប៉ុន្មានឆ្នាំចុងក្រោយនេះ មានការហក់ឡើងយ៉ាងខ្លាំងដោយសារការសម្រុកចូលមករស់នៅរកស៊ីក្នុងខេត្តនេះដោយពួកអ្នកមានលុយជនជាតិចិន។
លោករដ្ឋមន្ត្រីក្រសួងដែនដី បានឲ្យដឹងទៀតថា តម្លៃដីក្នុងខេត្តព្រះសីហនុកាលពីជាង ១ឆ្នាំមុន ក្នុង ១ម៉ែត្រការ៉េ គឺត្រឹមតែ ២៧ដុល្លារអាមេរិកប៉ុណ្ណោះ តែបច្ចុប្បន្ន ដីនៅកន្លែងដដែល បានកើនដល់ ៤៥០០ ដុល្លារអាមេរិកក្នុងមួយម៉ែត្រការ៉េឯណោះ៕