ភ្នំពេញ៖ ព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ មុនិនាថ សីហនុដែលបានយាងចាកចេញពីប្រទេសកម្ពុជា នៅវេលាម៉ោង៩៖០០នាទីព្រឹកថ្ងៃទី១៧ ខែមីនា ឆ្នាំ២០១៩ បានយាងទៅដល់ទីក្រុងប៉េកាំងហើយ នៅរសៀល ថ្ងៃទី១៧ ខែមីនា ឆ្នាំ២០១៩នេះ ដើម្បីសម្រាកពិនិត្យព្រះរាជសុខភាព។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា, សម្តេច សាយ ឈុំ ប្រធានព្រឹទ្ធសភា និងសម្តេចហេង សំរិន ប្រធានរដ្ឋសភា បានអញ្ជើញថ្វាយព្រះរាជដំណើររបស់ព្រះអង្គនៅក្នុងការយាងទៅពិនិត្យព្រះរាជសុខភាពនៅថ្ងៃអាទិត្យនេះ ផងដែរនៅព្រលានយន្តហោះ។
ក្នុងពេលដែលកិច្ចការប្រមុខរដ្ឋកម្ពុជា ធ្លាក់ទៅលើសម្តេចសាយ ឈុំ ប្រធានព្រឹទ្ធសភា នៅថ្ងៃនេះបណ្តាញផ្សព្វផ្សាយបានប្រាប់ឲ្យដឹងពីដិការរបស់លោកកុយសៅចៅក្រមស៊ើបសួរតុលាការរាជធានីភ្នំពេញចុះថ្ងៃទី១២មិនាចេញឲ្យចាប់ខ្លួនមន្ត្រីជាក់ខ្ពស់អតីតគណបក្សសង្គ្រោះជាតិចំនួន៧រូបដែលក្នុងនោះមានជាអាទ៍១៖ លោក សម រង្ស៉ី ២៖ លោក អេង ឆៃអ៊ាង ៣៖ លោកស្រី មូរ សុខហួរ ៤៖ លោក អ៊ូ ច័ន្ទឫទ្ធិ ៥៖ លោក ហូ វ៉ាន់ ៦៖ លោក ឡុង រី ៧៖ លោក ម៉ែន សុថាវរិន្ទ្រ និង៨៖ លោក តុ វ៉ាន់ចាន់។អតីតមេក្រុមប្រឆាំងទាំងនេះ ត្រូវបានតុលាការចោទប្រកាន់ពីបទ «រួមគំនិតក្បត់ និងញុះញង់ឱ្យប្រព្រឹត្តិបទឧក្រិដ្ឋជាអាទិ៍»។
អតីតគណបក្សសង្គ្រោះជាតិនៅថ្ងៃទី១៦មិនា បានចេញចេញចក្តីថ្លែងការណ៍ ស្នើឲ្យគ្រប់និន្នាការ នយោបាយ ទោះបីជាមកពី គណបក្សនយោបាយ ណាក៏ដោយ ត្រូវរួបរួម ដើម្បីរំដោះប្រទេសជាតិ។
យោងតាមសេចក្តីថ្លែងការណ៍ របស់អតីតគណបក្សសង្គ្រោះជាតិ ដែលធ្វើចេញមកពីក្រៅប្រទេស បានអពាវនាវថា “យើងត្រូវតែឈរជាមួយ ប្រជារាស្ត្រខ្មែរ ដែលជាម្ចាស់ទឹក ម្ចាស់ដីតែមួយគត់ ។ យើងទាំងអស់គ្នា ត្រូវតែរួមគ្នា ដើម្បីដណ្តើមយក ប្រទេសកម្ពុជា មកប្រគល់សង ប្រជារាស្ត្រខ្មែរវិញ”។
ការចេញដិការចាប់ខ្លួននេះគឺកៀកពេលដែលលោកស្រីរ៉ូណាល់ស្មីធអ្នករាយការពិសេសអំពីសិទ្ធមនុស្សមកទស្សនៈកិច្ចការការងារនិងប្រតិភូសហគមន៍អឺរ៉ុបមកពិនិត្យសភាពការណ៍សិទ្ធមនុស្សស្រុកខ្មែរនៅចុងខែមិនានិងអំឡុងខែមេសាខាងមុខនេះផងដែរ។
