ភ្នំពេញ៖ សង់សំណង់បុរីពិភពថ្មីឈូកវ៉ា៣សងឲ្យតែរួចពីដៃលក់យកចំនេញកប់ក្តោងតែគុណភាពវិញហ្សេរ៉ូ។ជាក់ស្តែងគ្រាន់តែភ្លៀងតែ១មេសោះ កាលពីយប់ថ្ងៃទី១៦ ខែមីនា ឆ្នាំ២១៩ ផ្ទះល្វែងក្នុង(បុរីពិភពថ្មីឈូកវ៉ា៣) គឺមានទឹកភ្លៀងបានជ្រៀបចូលតាមពិដាន តាមអំពូល ក្នុងបន្ទប់ហូរដូចទឹកបាក់ទំនប់។
នេះបើតាមម្ចាស់ផ្ទះមួយបានថតបង្ហោះពីទិដ្ឋភាពជាក់ស្តែងដែលមានទឹកកំពុងហូរធ្លាក់ ជាមួយនិងពាក្យពេចន៍ ដ៏ផ្អែម តែបង្កប់ន័យជ្រៅ ថាខ្លួនបានឆ្លងហែលហើយនិងការរស់នៅក្នុងបុរីគ្មានស្តង់ដារគុណភាពនេះ។
នៅក្នុងហ្វេសប៊ុកមួយបានសសេរ និងបង្ហោះរូបភាពជាវីដេអូថា៖ សុំទោសម៉ោង ២ ក្នុង(បុរីពិភពថ្មីឈូកវ៉ា៣).. អគុណដល់ក្រុមការងារធ្វើផ្ទះដ៏ល្អឥតខ្ចោះ ថ្ងៃទីមួយនៃការភ្លៀងមួយមេធំ បានខ្ញុំដឹងថាផ្ទះដែលខ្ញុំនៅសព្វថ្ងៃនេះគឺជាផ្ទះដែលល្អផ្ដាច់គេក្នុងព្រះរាជាណាចក្រកម្ពុជា។គាត់បានបន្តថា៖ នៅក្នុងផ្ទះសោះក៏អាចមុជទឹកភ្លៀងបានដែរ!?។ អ្នកណាយល់អារម្មណ៍មួយនេះ ចំពេលដាច់ភ្លើងទៀត ព្រះអើយព្រះ ជាប់សសៃករ ហើយត្រូវជូតទឹកភ្លៀងទាំងខ្លួនឈឺ ចង់គ្រុនផ្ដាសាយហើយ។
ម្ចាស់ផ្ទះបន្តដោយភាសារចំអកថា៖ និយាយមួយម៉ាត់ចុះ ពេលយើងពិបាកម្ចាស់បុរី និងជាង អត់មានមកពិបាកជាមួយយើងទេ តែយើងទេជាម្ចាស់ផ្ទះមកវេទនាជាមួយផ្ទះរបៀបនេះ! បើខូចឥវ៉ាន់ យ៉ាងច្រើនគេសុំទោស តែឯងរកលុយទិញចង់ងាប់ បើឆក់ងាប់វិញណា យ៉ាងច្រើនគេសងលុយ ជីវិតអើយជីវិត! សុំទោសម្ចាស់បុរី វាជាអារម្មណ៍ខ្ញុំព្រោះអ្នកមិនធ្លាប់បានជួបប្រទះជីវិតបែបនេះទេ!
ពាក់ព័ន្ធនិងការត្អូញត្អែរបស់អ្នកជាវផ្ទះល្វែង ហើយជួបរឿងអពមង្គលផ្ទាល់ខ្លួននេះ គេមិនទាន់ឃើញមានប្រតិកម្មបកស្រាយពីឧកញ៉ាចិត្តធម៍ ចិត្តបុណ្យសប្បុរសមានប្រពន្ធក្មេងឈ្មោះ ហុង ពីវទេ នៅព្រឹកថ្ងៃទី១៧ ខែមីនា ឆ្នាំ២០១៩ ។ ប៉ុន្តែបើអ្នកឧកញ៉ា ហុង ពីវ បានហែលឆ្លងនូវហេតុការបែបនេះដោយខ្លួនឯងវិញ ប្រាកដជាមានការតូចចិត្តមិនតិចទេ ត្រង់ថារកលុយលំបាកដើម្បីសន្សំទិញផ្ទះនៅ អ្វីដែលលំបាកជាងរកលុយទៅទៀតគឺ ទិញចំផ្ទះធ្វើអោយរួចពីដៃ ច្នៃតែសោភ័ណភាព តែគុណភាពគ្មាន ដូចជាភ្លៀងមួយមេសោះ ទឹកហូរចូលពេញបន្ទប់ទៅហើយ តើសេចក្តីសុខ ការរំងាប់ចិត្ត មាននៅត្រង់ណាក្នុងអារម្មណ៍ ។
