កំពង់ឆ្នាំង ៖ ស្ងាត់ៗមេព្រៃស្រុកទឹកផុសបានលួចដោះលែងគ្រឿងចក្ររបស់មេឈ្មួញរកស៊ីដីឈ្មោះ លោកស្រីនុត រ៉ា ដែលត្រូវសមត្ថកិចមេព្រៃបានចាប់កាលពីខែមុនយកមករក្សាទុកនៅស្នាក់ការមេព្រៃផ្នែករមាស។ប្រជាពលរដ្ឋនិយាយថាមន្ត្រីមេព្រៃខេត្តកំពង់ឆ្នាំងនិងមន្ទីរកសិកម្មបានឃុបឃិតត្រូវរូវគ្នាធ្វើការដោះស្រាយជាថ្នូរនឹងទឹកប្រាក់ប្រមាណជាងប្រាំបីពាន់ដុល្លារអាមេរិច។
បច្ចុប្បន្នគ្រឿងចក្រនោះកំពុងរៀបចំរត់ការធ្វើការឈូសឆាយដីព្រៃរបស់រដ្ឋរាប់ពាន់ហិកតា នៅជាប់ព្រំប្រទល់ខេត្តកំពង់ឆ្នាំងនិងខេត្តកំពង់ស្ពឺសព្វថ្ងៃនេះទៀត។
បើយោងតាមប្រភពពីប្រជាពលរដ្ឋនៅស្រុកទឹកផុសក្នុងល័ក្ខណ្ឌសុំមិនបញ្ចេញឈ្មោះបានអោយដឹងថា៖ ត្រាក់ទ័រដែលសមត្ថកិច្ចខណ្ឌរដ្ឋាបាលព្រៃឈើនិងមន្ទីរកសិកម្មខេត្តកំពង់ឆ្នាំងបានធ្វើការដោះលែងកាលពីជិត១ខែមុននេះ ត្រូវបានអ្នកស្រីនុត រ៉ាម្ចាស់ត្រាក់ទ័រទម្លាយថាបានចំណាយលុយអស់ជាង៨ពាន់ដុល្លារអាមេរិកសម្រាប់រត់ការដោះលែងក្នុងនោះលោកស៊ុំ ឬទ្ធីយកច្រើនជាងគេ?(ស៊ិក)។
ប្រភពដដែលបានអោយដឹងទៀតថា៖ចាប់តាំងពីលោកស៊ុំ ឬទ្ធីបានឡើងកាន់តំណែងជានាយផ្នែករដ្ឋបាលព្រៃឈើស្រុកទឹផុសពេកណាមកសេដ្ឋកិច្ចគ្រប់ច្រកគឺលោកស៊ុំឬទ្ធីជាអ្នកក្ដោបទាំងស្រុងរួមទាំងការឈូសឆាយដីធ្លី(ដីព្រៃ)និងការដឹកជញ្ជូនបទល្មើសព្រៃឈើគ្រប់ប្រភេទគឺស្ថិតក្រោមការគ្រប់គ្រងរបស់លោកស៊ុំ ឬទីទាំងអស់។សូម្បីតែលោកនាយខ័ណ្ឌរដ្ឋបាលព្រៃឈើនិងលោកប្រធានមន្ទីរកសិកម្មខេត្តកំពង់ឆ្នាំងក៏បុគ្គលស៊ុំ ឬទ្ធីមិនខ្លាចញញើតដែរ ព្រោះគេអះអាងថារូបគេជាខ្សែអ្នកធំនៅវាំង?។
ចំណែកមន្ត្រីរដ្ឋបាលព្រៃឈើដែលធ្លាប់ដែលធ្លាប់តែបំពេញភារកិច្ចការងារនៅក្នុងអង្គភាពផ្នែករដ្ឋបាលព្រៃឈើរមាសកន្លងមកដូចជាលោក សឿន វណ្ណាអតីតនាយសង្កាត់ក្រាំងស្គា ជានាយរងផ្នែករដ្ឋបាលព្រៃឈើរមាស លោកសាន់ សារ៉ូមន្ត្រីខ័ណ្ឌរដ្ខបាលព្រៃឈើខេត្ត និងលោក អៀម ហៀងជាមន្ត្រីខ័ណ្ឌរដ្ឋបាលព្រៃឈើខេត្តដែលអ្នកទាំងនោះធ្លាប់ដេកនៅហូបចុកនិងធ្លាប់ធ្វើការងារជាមួយគ្នានៅផ្នែករដ្ឋបាលព្រៃឈើមាសក៏ត្រូវខ្ទាតចេញអស់ដែរដោយសាអំណាចលោកស៊ុំ ឬទ្ធីនាយផ្នែករដ្ឋបាលព្រៃឈើរមាសម្នាក់នេះ។
សព្វថ្ងៃបុគ្គលម្នាក់នេះកំពុងប្រើអោយប្រជាពលរដ្ឋកូនអ្នកស្រុក កម្លាំងទាហានឬប៉េអឹម អោយគង្គុយចាំយកលុយពីរថយន្ត គោយន្តដឹកឈើ ដឹកអុស និងដឹកធ្យូងនៅតាមគោលដៅ ដូចជាគោលដៅស្នាក់ការរដ្ឋបាលព្រៃឈើផ្នែករមាស គោលដៅថ្នាលបណ្ដុះកូនឈើនៅផ្លូវកែងខាងកើតភូមិស្លែង និងនៅថ្នាលបណ្ដុះកូនឈើនៅអូឃ្លៃក្នុងភូមិតានៃជាដើម។ដែលក្នុងគោដឹកឈើមូល(ឈើហ៊ុប)១គ្រឿងគេយកលុយចាប់ពី៥ម៉ឺនទៅ១០ម៉ឺនរៀល គោយន្តដឹកឈើឆ្អឹន(ឈើអារ)ពី១០ម៉ឺនទៅ១៥ម៉ឺនរៀល គោយន្តដឹកធ្យូងក៏យក៥ម៉ឺនរៀល។
ចំណែករថយន្តដឹកឆ្អិន(ឈើអារ)យកលុយពី២០ម៉ឺនទៅ ៤០ម៉ឺនរៀល ។រដ្ឋយន្តដឹកឈើសសរប្រឡៅមូលយកលុយពី១០ម៉ឺនទៅ១៥ម៉ឺនរៀល។ រថយន្តយីឌុបដឹកអុសស្ទ៊ែយកលុយពី១០ម៉ឺនទៅ១៥ម៉ឺនក្នុង១គ្រឿងដែលក្រុមរថយន្តនិងគោយន្តទាំងដឹកបន្តកន្ទុយគ្នាដូដហែរកឋិនទាំយប់ទាំងថ្ងៃគ្មានសមត្ថកិច្ចជំនាញណាបង្ក្រាបឡើយគឺមានតែឃាត់ហើយជំរឹតទាលុយប៉ុណ្ណោះ។
តើលោកស៊ុំ ឬទ្ធីមានយកត្រចៀកស្ដាប់អនុសាសន៍របស់សម្ដេចតេជោដែលបានលើកឡើងថាធ្វើជាមន្ត្រីមិនត្រូវភ្លេចតួនាទីនិងភារកិច្ចរបស់ខ្លួនទេ?គឹ ធ្វើជាមន្ត្រីគឺជាខ្ញុំបម្រើដ៏ស្មោះត្រង់របស់ប្រជារាស្ត្រមិនមែនជាចៅហ្វាវរបស់រាស្ត្រនោះទេ។ លោកស៊ុំឬទ្ធីនេះប្រហែលជាមិនបើកភ្នែកមើលអភិក្រម៥ចំណុចរបស់សម្ដេចដែលបានដាក់ចេញកាលពីដើមអាណត្តិអោយមន្ត្រីទាំងអស់ត្រូវអនុវត្តអោយខាងតែបានព្រោះដំណាក់នេះឈានចូលដល់ដំណាក់កាលអភិក្រមទី៥ហើយគឺវះកាត់។មានន័យថាវះកាត់មន្ត្រីពុករលួយចោល។
ជាក់ស្តែងសម្តេចក៏បានដកតំណែងនិងបណ្ដេញចេញមន្ត្រីពុករលួយមួយចំនួនផងដែរ ដូចជាមេប៉េអឹមខេត្តរតនៈគីរីម្នាក់ និងដកតំណែងអភិបាលរងខេត្តព្រះសីហនុចំនួន២រូបផងដែរពាក់ព័ន្ធអំពើពុករលួយនេះឯង។ ជុំវិញសេចក្តីរាយការណ៍ខាង លើនេះភ្នាក់ងារ យើងមិនអាចសុំការបំភ្លឺពីលោក ស៊ី ឬទ្ធី បានទេ ៕