ខេត្តរតនគិរី៖ កម្លាំងការិយាល័យជំនាញនៃស្នងការនគរបាលខេត្តបានចុះបង្ក្រាបករណីជួញដូរនិងប្រើប្រាស់នូវសារធាតុញៀន ឈានដល់ការឃាត់ខ្លួនបានជាបន្តបន្ទាប់រហូតបានចំនួន៨នាក់។
ការចុះបង្ក្រាបក្រុមជនប្រើប្រាស់និងចែកចាយគ្រឿងញៀនខាងលើនេះបានធ្វើឡើងនៅវេលាម៉ោង១០និង០០នាទីថ្ងៃអង្គារ ៧កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនិងថ្ងៃទី១២ មីនា ឆ្នាំ២០១៩ ត្រង់ចំណុចផ្ទះមុខសញ្ញាជនសង្ស័យកំពុងប្រមូលផ្តុំគ្នា ស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី។
លោកឧត្តមសេនីយ៍ត្រី វ៉ាន់សង្វាត ស្នងការរងទទួលបន្ទុកផែនការងារប្រឆាំងគ្រឿងញៀនបានអោយសារព័ត៌មានដឹងនាល្ងាចថ្ងៃទី13ខែមិនានេះថា: .មុនឈានទៅចាប់បង្ក្រាបបានក្រុមប្រើប្រាស់និងចែកចាយគ្រឿងញៀនទាំងហ្វូងបែបនេះ ដោយសារមានភ្នាក់ងារសំងាត់រាយការណ៍ ។ លោកឧត្តមសេនីយ៍បន្តថា មុនតំបូងឃាត់បានចំនួនពីរនាក់ ជាមុខសញ្ញា ដែលមានឈ្មោះដូចខាងគ្រោម.
ទីមួយ: ឈ្មោះ បូរ៉ា រតនះ ភេទប្រុស អាយុ 19ឆ្នាំ ជនជាតិខ្មែរ មានទីលំនៅ ភូមិ ឡាប៉ូសង្កាត់យក្សឡោម ដែលមានឪពុកឈ្មោះ រ៉ា ម្តាយឈ្មោះ ឃីមមានមុខរបរ ទិញគោក្របីលក់អោយចាម នៅផ្សារបានលុង។
ទីពីរ: ឈ្មោះ អ៊ុំមិនា សេរីរះ ភេទប្រុស អាយុ 26ឆ្នាំ ជនជាតិខ្មែរ ទីលំនៅនិងមុខរបរ មិនពិតប្រាកដ ។
លោកឧត្តមស្នងការរងបន្ថែមទៀតថា:ជនសង្ស័យទាំងពីរនាក់នេះបន្ទាប់ពីឃាត់ខ្លួនបានសួរនាំទើបបែកធ្លាយក៍ឈានទៅចាប់បង្ក្រាបបានជនសង្ស័យជាបន្តបន្ទាប់ចំនួន6នាក់ថែមទៀតក្នុងនោះភេទស្រីចំនួន5នាក់ភេទប្រុសចំនួន2នាក់។
លោកឧត្តមសេនីយ៍ទោលាងអុីមប្រធានការិយាល័យប្រឆាំងគ្រឿងញៀនបានអោយដឹងថា:
ជនសង្ស័យទាំង6នាក់ មន្ត្រីនគរបាលជំនាញពុំទាន់ឲ្យដឹងពីសាវតានិងទីលំនៅពិតប្រាកដនោះទេ ដោយសារកំពុងធ្វើការសាកសួរនិងធ្វើកំណត់ហេតុនៅឡើយ។ គួរបញ្ជាក់ថាការ ឃាត់ខ្លួនជនសង្ស័យទាំង8នាក់ជាមុខសញ្ញា ប្រើប្រាស់និងចែកចាយគ្រឿងញៀនខាងលើដោយមានការបញ្ជាផ្ទាល់ពីលោកឧត្ដមសេនីយ៍ត្រី វ៉ាន់ សង្វាត ស្នងការរងផែនការងារប្រឆាំងគ្រឿងញៀននៃស្នងការនគរបាលខេត្ត។ និងមានការសម្របសម្រួលពីលោក បូរ៉ា បូរ៉ាន់ឌី ព្រះរាជ
អជ្ញារងអមសាលាដំបូងខេត្ត និងអមដោយក្រឡាបញ្ជី២នាក់ទៀត បានធ្វើការឆែកឆេររកឃើញម្សៅក្រាមពណ៌សថ្លាសង្ស័យសារធាតុញៀនបានមួយចំនួនធំ ដែលប្រមាណមើល ជាងកន្លះគីឡូគ្រាម។
លោក ឧត្តមសេនីយ៍ទោបន្តថា ជនសង្ស័យត្រូវឃាត់ខ្លួនរួមមាន
ទី១-ឈ្មោះ អ៊ុំ មិនាសិរីរៈ ភេទប្រុស អាយុ២៦ឆ្នាំ ជនជាតិខ្មែរ។
ទី២-ឈ្មោះ បូរ៉ា រតនៈ ភេទប្រុស អាយុ១៩ឆ្នាំ ជនជាតិខ្មែរ។
ទី៣-ឈ្មោះ បាន ស្រីល័ក្ខ ភេទស្រី អាយុ២៧ឆ្នាំ ជនជាតិខ្មែរ។
ទី៤-ឈ្មោះ សារ៉ាត់ សម្ពស្ស ភេទស្រី អាយុ២០ឆ្នាំ ជនជាតិខ្មែរ។
ទី៥-ឈ្មោះ ផល សុខខឿន ភេទស្រី អាយុ៥៣ឆ្នាំ ជនជាតិខ្មែរ។
ទី៦-ឈ្មោះ ហេង សង ភេទប្រុស អាយុ៦៣ឆ្នាំ ជនជាតិខ្មែរ។
ទី៧-ឈ្មោះ ហេង ស្រីនិច ភេទស្រី អាយុ១៩ឆ្នាំ ជនជាតិខ្មែរ។
ទី៨-ឈ្មោះ ហេង តុលា ភេទស្រី អាយុ៣៤ឆ្នាំ ជនជាតិខ្មែរ។
បន្ទាប់ពីសមត្ថកិច្ចបានឃាត់ខ្លួនធ្វើតេស្តទឹកនោមលទ្ធផលវិជ្ជមាន(+)២នាក់ អវិជ្ជមាន(-)៦នាក់
ហើយបានដកហូតវត្ថុតាងរួមមាន៖
-ម្សៅក្រាមពណ៌សថ្លាសង្ស័យសារធាតុញៀនចំនួន១៧កញ្ចប់(ធំ១៥កញ្ចប់ តូច០២កញ្ចប់) មានទម្ងន់៨០.៩១ក្រាមទាំងសំបកថង់
-ទូរស័ព្ទដៃ ១៣គ្រឿង
-ជញ្ជីង ០១គ្រឿង
-ម៉ូតូ ០១គ្រឿង
-ដាវសាំម៉ូរៃ ០២ដើម
-និងថង់សម្រាប់ច្រកថ្នាំញៀនមួយចំនួនទៀត។
បច្ចុប្បន្នជនសង្ស័យរួមទាំងវត្ថុតាងបានឃាត់និងរក្សាទុកបណ្ដោះអាសន្ននៅការិយាល័យជំនាញនៃស្នងការនគរបាលខេត្តដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តដើម្បីចាត់ការតាមនិតិវិធី៕
ដោយ ៖ ចាប សំអាន
