ភ្នំពេញ ៖ នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានប្រាប់អ្នកសារព័ត៌មានឲ្យដឹងថា កម្លាំងសមត្ថកិច្ចនគរបាលរាជធានីភ្នំពេញ បាននាំខ្លួនឧកញ៉ា គិត ធាង ម្ចាស់ក្លឹបកំសាន្តរ៉ុក ពាក់់ព័ន្ធរឿងគ្រឿងញៀន តាមដីការបស់តុលាការ។
«កម្លាំងនៃអគ្គស្នងការដ្ឋាននគរបាលជាតិ បានអនុវត្តតាមដីការបស់តុលាការ ដោយនាំខ្លួនលោកឧកញ៉ា គិត ធាង (ម្ចាស់ក្លឹបកំសាន្តរ៉ុក) នៅវេលាម៉ោង៦ល្ងាចថ្ងៃទី១១ ខែមីនា ឆ្នាំ២០១៩ ទៅកាន់ស្នងការដ្ឋាននគរបាលរាជធានីភ្នំពេញ ដើម្បីសាកសួរពាក់ព័ន្ធរឿងគ្រឿងញៀន នៅមជ្ឈមណ្ឌលកំសាន្តរ៉ុកនៅស្នងការដ្ឋាននគរបាលរាជធានីភ្នំពេញ»។
សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជានៅថ្ងៃទី១១មិនានេះបានប្រកាស គាំទ្រយ៉ាងពេញទំហឹងចំពោះការបង្ក្រាបគ្រឿងញៀននៅមជ្ឈលមណ្ឌលកំសាន្តរ៉ក(Rock) ដែលជាប្រជាពលរដ្ឋទូទៅស្គាល់ថាជារបស់លោកឧកញ៉ា គិត ធាងដែលជាទម្ងន់សម្រាប់សមត្តកិច្ចអត់រងារ។
សូមបញ្ជាក់ថា ក្លឹបរ៉ុកត្រូវបានសមត្ថកិច្ចចុះបង្ក្រាប កាលពីថ្ងៃទី២៣ ខែកុម្ភៈ ឆ្នាំ២០១៩ ក្នុងនោះបានឃាត់ខ្លួន ជាង៣១១នាក់ មានទាំងជនជាតិខ្មែរ និងជនបរទេសមកពីច្រើនជាតិសាសន៍ ផងដែរ។ ក្នុងនោះភាគច្រើនសុទ្ធតែ ជាយុវវ័យ ប៉ុន្តែការឃាត់ខ្លួនបានប៉ុន្មានថ្ងៃ ត្រូវបានដោះលែងពួកគេវិញ ដោយសារមិនជាប់ពាក់ព័ន្ធ ។ បន្តឃុំខ្លួនប្រមាណជា១០នាក់ ដោយសារតែអ្នកទាំងនោះ បានជាប់ពាក់ព័ន្ធបទល្មើសគ្រឿងញៀនជាទ្រង់ទ្រាយធំ។
ប៉ុន្តែថៅកែរ៉ុកដែលគេស្គាល់ឈ្មោះថាឧកញ៉ាគិតធាងតាមរយៈកិច្ចសន្យាថាគ្មានការប្រើប្រាស់គ្រឿងញៀនជាមួយសមត្តកិច្ចមូលដ្ឋានមិនទាន់ត្រូវបានឃាត់ខ្លួនទេក្នុងពេលដែលសាលារាជធានីបានចេញប្រកាសបិទអាជីវកម្មក្លឹបរ៉ុកតាំងពីថ្ងៃទី២៥កុម្ភៈមកម្លេះ។ដល់ចឹងទៅមតិមហាជនបាននិយាយពេញមាត់ថាវ៉ៃឆ្កែត្រូវមើលម្ចាស់!។តើអ្នកណាជាម្ចាស់ឆ្កែ?។
សូមបញ្ជាក់ថាក្លឹមកំសាន្តរ៉ុកដែលជាសម្បុកគ្រឿងញៀននិងអំពើពាលាអាវ៉ាសែនេះមិនមែនសមត្តកិច្ចមិនមដឹងទេតែមកពីអ្នកចូលក្លឹបរ៉ុកនេះសុទ្ធតែជាមេគ្រាក់ៗខាងសមត្តកិច្ច។ជាក់ស្តែងការបង្ក្រាបបទល្មើសគ្រឿងញៀននៅមជ្ឈមណ្ឌលកម្សាន្តរ៉ុក ដោយចាប់ខ្លួន DJ ឡាយ អិនភ្ជាប់ជាមួយគ្រឿងញៀនក៏ អាជ្ញាធរមិនហ៊ានបិទមជ្ឈមណ្ឌលកម្សាន្តរ៉ុក ?ចុងក្រោយគឺព្រឹត្តិការណ៍បង្ក្រាបទ្រង់ទ្រាយធំដឹកនាំដោយលោកឧត្តមសេនីយ៍សថេតស្នងការរាជធានីក៏គេសំងំទៀត។ជាងនេះទៅទៀតមស្តេចក្រឡាហោមសខេងតាមរយៈហ្វេសប៊ុកថែមទាំងចេញមុខដោយចំហរមកការពារលោកឧកញ៉ាគិតម៉េងដែលជាប្អូនប្រុសឧកញ៉ាគិតធាងថែមទៀតចឹងអាណាហ៊ានក្អក?។
សម្តេច តេជោ ហ៊ុន សែន នៅក្នុងពិធីប្រគល់សញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULES) ជាង៣ពាន់នាក់នៅមជ្ឈមណ្ឌលកោះពេជ្រ រាជធានីភ្នំពេញ នាព្រឹកថ្ងៃចន្ទ ៦កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១១ ខែមីនា ឆ្នាំ២០១៩ ថ្លែងថា”ឥឡូវនេះស្ថានភាពបានផ្លាស់ប្តូរ ច្រើនហើយ វាស្ទើរតែទាំងស្រុង។ អម្បាញ់មិញ ខ្ញុំ បានធ្វើដំណើរមកតាមផ្លូវនេះ ស្ទើរតែរៀងរាល់ថ្ងៃធ្វើដំណើរឆ្លងកាត់សាលាមួយនេះ ដែលនៅមិនឃ្លាតឆ្ងាយពី សាលាបឹងត្របែក ហើយសាកលវិទ្យាល័យ ប៉ុន្តែឆ្លងកាត់អាកន្លែងចង្រៃមួយនោះ ដែលទើបរកឃើញថ្មីៗ (រ៉ក់) ក៏មានការភ្ញាក់ផ្អើលផងដែរ។
សម្តេចតេជោ ហ៊ុន សែន មានប្រសាសន៍បន្តថា ហេតុអ្វីបានជាកន្លែងមួយនេះ ទៅជាតំបន់បំផ្លាញ នូវសេចក្តីសុខរបស់ប្រជាជន? សម្តេចពិតជាមានការរីករាយណាស់ ដែលនគរបាលរបស់យើងបានបង្ក្រាបទាន់ពេលវេលា គួរតែបង្ក្រាបអោយបានមុននឹងទៅទៀត ប៉ុន្តែយើងទើបនឹងបង្ក្រាបបាន ជិតក្បែរសាលា ស្រាប់តែមានកន្លែងគ្រឿងញៀនមិនតូច នៅកន្លែងនេះ ដូច្នេះសម្តេចសង្ឃឹមថា ក្រសួងមហាផ្ទៃនឹងបន្ត ចាត់វិធានការលើបញ្ហានេះ បូកជាមួយនឹងដំណើរការក្តី របស់តុលាការ ត្រូវតែម៉ឺងម៉ាត់ ជាមួយនឹងការមិនវិលត្រលប់ នៃអំពើពាលាអាវ៉ាសែ សម្រាប់កន្លែងមួយនេះ (មជ្ឈមណ្ឌលរ៉ក) ដែលត្រូវដាក់ទោសទណ្ឌអោយបានធ្ងន់ធ្ងរ ត្រូវស្វែងរកអោយដល់ទីជម្រៅ នូវមេក្លោងរបស់វា នៅកន្លែងណា មិនរឿងកម្មករតូចតាច រឿងស្អីតូចតាចទេ ប៉ុន្តែ រឿងជ្រៅទៅពីនេះ អញ្ចឹងត្រូវរកអោយឃើញ ព្រោះអ្វីដែលមានក្នុងដៃរួចមកហើយ ជាមធ្យោបាយឈានទៅរក ការជីកឫសគល់ នៃអ្នកជួញគ្រឿងញៀន ក៏ដូចជាអ្នកពាក់ព័ន្ធ ក្នុងសំណុំរឿងមួយនេះ”។
បើយោងតាមមាត្រា៤៤ កថាខណ្ឌទី២ ច្បាប់ស្តីពីការត្រួតពិនិត្យគ្រឿងញៀនឆ្នាំ២០១២ ចែងថា”អំពើជួលទីកន្លែង ផ្តល់ទីកន្លែង ឬ អំពើផ្សេងទៀត ដែលបង្កលក្ខណៈងាយស្រួលដល់ការប្រើប្រាស់ដោយខុសច្បាប់នូវសារធាតុញៀន គឺ ជាបទសម្រួលឱ្យប្រើប្រាស់ដោយខុសច្បាប់នូវសារធាតុញៀន ត្រូវផ្តន្ទាទោស៥ឆ្នាំទៅ១០ឆ្នាំ និង ពិន័យជាប្រាក់ពី១០លានរៀលទៅ២០លានរៀល ៕