អំពើពុករលួយ របស់ប្រធាន មន្ទីរអប់រំខេត្តព្រះវិហារ និងបក្ខពួកបាន ធ្វើឱ្យរដ្ឋខាតបង់ប្រាក់ រាប់សិបលាន រៀល ក្នុង១ឆ្នាំៗលើ ផ្នែ កគ្រូអក្ខរកម្ម ដោយមិនរាប់បញ្ចូល លើផ្នែកដទៃ ទៀតផ្សេងឡើយ ។ នេះបើតាមការ សន្និដ្ឋានទៅតាមទង្វើ ដែលបុគ្គលិក បាន ចោទ ប្រកាន់ ។
ប្រភពពីមន្ត្រីនៃ មន្ទីរអប់រំខេត្ត ដែលសុំមិនបញ្ចោញ ឈ្មោះបានឱ្យអ្នកសារព័ត៌មានដឹងថា ៈ លោក មាន ឆន ប្រធានមន្ទីរអប់រំ យុវជន និងកីឡាខេត្តព្រះវិហាររួមនិង បក្ខពួកមួយក្តាប់តូច បាននាំគ្នាប្រព្រឹត្ត អំពើពុករលួយ ដោយពួកគេនាំគ្នាស៊ី ប្រាក់ខែគ្រូអក្ខរ កម្មខ្មោច( គ្រូមានតែ ឈ្មោះតែមិនមកបង្រៀន) និងកាត់ ប្រាក់ខែគ្រូអក្ខរកម្ម ដែលបង្រៀនមិន ច្បាស់លាស់ ។
ប្រភពបានឱ្យដឹងបន្ត ទៀតថា ៈ នៅខេត្តព្រះវិហារក្នុងឆ្នាំ ២០១៣ គឺមានគ្រូអក្ខរកម្មប្រមាណ ៣០នាក់ ដែលត្រូវបានជ្រើសរើស បង្រៀនដល់អក្ខរជន នៅតាមភូមិ-ឃុំ គ្រូអក្ខរកម្មទាមងនោះ ក្រោយពីត្រូវ បានជ្រើសរើស គឺមន្ទីរអប់រំខេត្តបានឱ្យ ពួកគាត់បង្រៀន ដល់អក្ខរជននៅតាម ភូមិ-ឃុំ ប៉ុន្តែគ្រូអក្ខរកម្មស្ទើរតែទាំង អស់គឺមានគ្រូមួយចំនួន មិនបានចុះទៅ បង្រៀនទាល់តែសោះ ហើយគ្រូ មួយ ចំនួនទៀត បង្រៀនបានត្រឹមមួយខែ ឬ ពីរខែក៏ឈប់បង្រៀន ដោយសារតែ មន្ទីរអប់រំ មិនបានជំរុញឱ្យមានការ បង្រៀនឱ្យ បាន ទៀងទាត់ ។ តែទោះបីគ្រូអក្ខរកម្មទាំងនោះ មិនបាន បង្រៀនគ្រប់ចំនួន៨ខែ តាមការកំណត់ របស់ក្រសួងអប់រំក៏ដោយ ក៏មន្ទីរ អប់រំ ខេត្តព្រះវិហារ ដែលមានការិយាល័យ អប់រំក្រៅប្រព័ន្ធ មានលោក ម៉ែន ឃន ជាប្រធានការិយាល័យ ធ្វើជាសេនាធិ ការ និង ដោយមានការសហការជា មួយការិយាល័យអប់រំ តាមបណ្តាស្រុក ធ្វើរបាយការណ៍បញ្ជាក់ថាៈ គ្រូអក្ខរ-កម្ម ដែលត្រូវបានជ្រើស រើសទាំងអស់ បានបង្រៀនគ្រប់ចំនួន៨ខែ តាមការ កំណត់របស់ក្រសួងអប់រំរួចហើយ ពួក គេបានសុំដកយកសាច់ប្រាក់ ពីរតនា គារ ខេត្ត ដើម្បីបើប្រាក់ខែជូនគ្រូអក្ខរកម្ម ទាំងនោះក្នុងម្នាក់ៗ ចំនួន១១២ម៉ឺន រៀល ប៉ុន្តែប្រាក់ដែលគេបានដកពីរតនា គារមកនោះ ត្រូវគេឃុបឃិតគ្នាស៊ីដាច់ ទាំងស្រុងក្នុងទឹកប្រាក់ របស់គ្រូអក្ខរកម្ម ខ្មោចដែលមិនបង្រៀន ។ ចំពោះគ្រូ អក្ខរកម្មដែលបង្រៀន គឺគេ បានបើកជូន ម្នាក់ៗ គិតជាទឹកប្រាក់ពី២០ម៉ឺនរៀល ទៅ៦០ម៉ឺនរៀល តាមទំហំ នៃការ បង្រៀនរបស់គ្រូទាំងនោះ ។ ចំណែកប្រាក់ ដែលនៅសល់ ត្រូវបានគេយកទៅ ចែកគ្នាស៊ីចាយ ដោយមិនបានបង្វិល ចូលថវិការដ្ឋវិញនោះទេ ។
មន្ត្រីមួយ ចំនួនដែលបានដឹងរឿងនេះ បានលើក ឡើងថាៈ ដោយសារតែការឃុបឃិត គ្នាប្រព្រឹត្តពុករលួយបែបនេះ បានធ្វើឱ្យរដ្ឋ ខាតបង់ប្រាក់ ក្នុង១ឆ្នាំៗរាប់សិប លានរៀលលើផ្នែកគ្រូអក្ខរកម្ម ។នេះ មិនទាន់ និយាយអំពីផ្នែកមជ្ឈមណ្ឌល សិក្សាសហគមន៍ ដែលមានខ្ទង់ចំណាយ ច្រើនជាងផ្នែកគ្រូអក្ខរកម្ម ទៀតផងទេ ។បើនិយាយអំពីផ្នែកគ្រូអក្ខរកម្ម កាល ពីឆ្នាំ២០១២ គឺមានសភាព ពុករលួយ ធ្ងន់ធ្ងរលើសឆ្នាំ២០១៣ទៅទៀត ។ ដោយមានគ្រូអក្ខរកម្មខ្លះ ដែលបានចុះ ទៅបង្រៀនតីចតួច នៅឆ្នាំ២០១២ ប្រាក់ខែ របស់ពួកគាត់ ត្រូវបានគេស៊ីដាច់ ទាំងស្រុង មកដល់ពេលនេះ ប្រាក់ខែ គ្រូអក្ខរកម្មឆ្នាំ២០១៣ បានបើករួចរាល់ ហើយ ប៉ុន្តែប្រាក់ ខែគ្រូឆ្នាំ២១០២មួយ ចំនួន មិនត្រូវបានគេបើកជូននោះទេ នៅពេលសាម៉ីខ្លួន តាមទារប្រាក់ខែនេះ ត្រូវបានគេកុហក់ថា ចាំពេល នេះ ឬ ពេលនោះរហូត ។ យោងតាមការ អង្កេតអំពីគ្រូអក្ខរកម្ម នៅទូទាំង ប្រទេសឃើញថាៈ បានកើតមានភាព មិនប្រក្រតីស្ទើរ គ្រប់ ខេត្ត ក្រៅពីខេត្ត ព្រះវិហារ គឺមានខេត្តកោះកុង,កំពង់ ស្ពឺ,ពោធិសាត់,ព្រៃវែង,កណ្តាល, ឧត្តរ មានជ័យ និងស្វាយរៀង ។
ភាពមិន ប្រក្រតីទាំងនោះ គឺមានលក្ខណៈប្រ ហាក់ប្រហែលគ្នា និងខេត្តព្រះវិហារ ។ គេសង្ឃឹមថាៈក្រសួងអប់រំយុវជន និង កីឡា ដែលមានរដ្ឋមន្ត្រីថ្មី ពិសេស អង្គភាពប្រឆាំងអំពើពុករលួយ នឹងចុះ ស្រាវជ្រាវឱ្យដល់មូលដ្ឋាន ដើម្បីរកការ ពិត និងធ្វើការផ្តន្ទា ទោស ចំពោះជន ទាំងឡាយ ដែលនាំគ្នាប្រព្រឹត្តអំពើពុក រលួយ លួចកិបកេងថវិកាជាតិ ក្នុង វិស័យអប់រំនេះផង ។ ជុំវិញការចោទ ប្រកាន់ តាមសេចក្តីរាយការណ៍ខាង លើនេះ សារព័ត៌មាន ដំណឹងភ្នំពេញ ពុំអាចស្វែង រកកាសុំបំភ្លឺ ពីប្រធានមន្ទីរអប់រំយុវជននិង
កីឡាខេត្តព្រះវិហារ បាននៅឡើយ ទេ ៕
