(កំពង់ឆ្នាំង)៖ នៅព្រឹកថ្ងៃទី៦ ខែមីនា ឆ្នាំ២០១៩នេះ នៅមន្ទីរសាធារណការនិងដឹកជញ្ជូនខេត្តកំពង់ឆ្នាំង បានប្រារព្វធ្វើខួបអនុស្សាវរីយ៍លើកទី១០៨ នៃទិវានារីអន្តរជាតិ។
ពិធីនេះប្រារព្ធក្រោមអធិបតីភាពលោកជំទាវ កែ ច័ន្ទមុនី អ្នកតំណាងរាស្ត្រមណ្ឌលខេត្តកំពង់ឆ្នាំង ដោយមានការចូលរួមពីលោកជំទាវដោក សុទ្ធ ប្រធានក្រុមប្រឹក្សាខេត្ត លោកជំទាវឈឹម ស្រីមុំ ឈួរ ច័ន្ទឌឿន ភរិយាអភិបាលខេត្ត លោកជំទាវ ប៉ាល់ យឿន អភិបាលរងខេត្ត ឯកឧត្តមកែវ ពៅប្រធានមន្ទីរសាធារណការនិងដឹកជញ្ជូនខេត្តនិងលោកជំទាវនិងមន្ត្រីរាជការនៃមន្ទីរសាធារណការនិងដឹកជញ្ជូនខេត្តសរុបចំនួន១១០នាក់ស្រី៣០នាក់។
លោកជំទាវកែច័ន្ទមុនី បានមានប្រសាសន៍ថាៈ ទិវានារីអន្តរជាតិនាឆ្នាំនេះ គឺបានធ្វើឡើងក្រោមប្រធានបទ “លើកកម្ពស់សមភាពយេនឌ័រ និង ការគាំពារសង្គម ដើម្បីអភិវឌ្ឍន៍ធនធានមនុស្ស ”ប្រធានបទនេះ ចំពេលដែលប្រទេសជាតិយើង កំពុងតែមានសុខសន្តិភាព ស្ថេរភាពនយោបាយល្អ រាជរដ្ឋាភិបាលបានគាំទ្រ និងផ្ដល់ឱកាសក្នុងខ្លឹមសារ លើកកម្ពស់សិទ្ធិ ស្ថានភាព ជីវភាព ឋានៈតួនាទីរបស់ស្ត្រី ក៏ដូចជាពង្រឹង សមភាពយេនឌ័រ នៅក្នុងសង្គម អោយមានកំរិតខ្ពស់។
លោកជំទាវ កែ ច័ន្ទមុនី បានអំពាវនាវដល់មន្ត្រីជាស្រី្ត ត្រូវតែពង្រឹងសមត្ថភាព ក្នុងការដឹកនាំ គ្រប់គ្រង ធ្វើយ៉ាងណាអោយខ្លួនក្លាយជាអ្នកដឹកនាំ ពោរពេញដោយសមត្ថភាព ទន្ទឹមនឹងនោះត្រូវចូលរួមធ្វើការទប់ស្កាត់ និងលុបបំបាត់អំពើហឹង្សាលើស្ត្រី ព្រមទាំងដោះស្រាយជម្លោះនានាដោយសន្តិវិធី ។
ដើម្បីចូលរួមអបអសារទទិវានារីអន្តរជាតិនេះ ឯកឧត្តមកែវ ពៅ ប្រធានមន្ទីរ បានរៀបចំ វត្ថុអនុស្សាវរីយ៍ជូនដល់គណៈអធិបតីនិងមន្ត្រីរាជការក្នុងមន្ទីរផងដែរ។