ព្រះសីហនុ ៖ មកដល់ថ្ងៃនេះលោកឧត្តមសេនីយ៍សាវិនវិបុលមេបញ្ជាការយោធាសឹករងខេត្តព្រះសីហនុដែលមានរឿងអាស្រូវបញ្ជាកកម្លាំងបង្ក្រាបប្រជាពលរដ្ឋតវ៉ារឿងដីធ្លីដែលត្រូវបានសម្តេចសម្តេចតេជោប្រកាសឲ្យដកចេញពីតួនាទីមិនទាន់ត្រុវបានសម្តេចពិជ័យសេនាទៀបាញ់ចាត់ការតាមឡើយ។
មិនត្រឹមតែប៉ុណ្ណោះ បើតាមប្រភពពីប្រជាពលរដ្ឋឲ្យដឹងថាថ្មីៗនេះលោក សាវិន វិបុល បានបង្ខំឲ្យនាយទាហាន នាយទាហានរង និងពលទាហានទាំងអស់លើកដៃនិងផ្ដិតមេដៃគាំទ្រទង្វើរបស់ខ្លួននាពេលកន្លងមក ដោយមិនព្រមទទួលស្គាល់កំហុសក្នុងការបញ្ជាឲ្យកម្លាំងយោធាប្រើហឹង្សាបង្ក្រាប ប្រជាពលរដ្ឋក្នុងរឿងជម្លោះដីធ្លីនោះទេ។
ជុំវិញបញ្ហានេះមន្ត្រីយោធាក្នុងខេត្តព្រះសីហនុ មួយចំនួនបានសំណូមពរដល់សម្តេចពីជ័យសេនារដ្ឋមន្ត្រីក្រសួងការពារជាតិ ក៏ដូចជានាយឧត្តមសេនីយ៍ វង្ស ពិសេន អគ្គបញ្ជាការនៃកងយោធពលខេមរភូមិន្ទ ចាត់វិធានការទៅលើលោក សាវិន វិបុល ជាបន្ទាន់ផងដើម្បីកុំឲ្យធ្វើអ្វីៗស្រេចតែអំពើចិត្តទៀត។
អង្គភាពប្រឆាំងអំពើពុករលួយ ក៏គួរបើកការស៊ើបអង្កេតទៅលើរឿងអាស្រូវពុករលួយរបស់លោក សាវិន វិបុល មេបញ្ជាការយោធាតំបន់ប្រតិបត្តិការសឹករងខេត្តព្រះសីហនុ ផងដែរ។ព្រោះគ្រាន់តែទទួលបានតំណែងជាមេបញ្ជាការយោធាខេត្តព្រះសីហនុ មួយរយៈពេលខ្លីគឺលោក សាវិន វិបុល មានទ្រព្យសម្បត្តិយ៉ាងច្រើនខុសប្រកក្រតី។
ប្រភពពីមន្ត្រីយោធាខេត្តព្រះសីហនុ មួយចំនួនបានឲ្យដឹងថា ក្នុងតំណែងជាមេបញ្ជាការយោធាតំបន់ប្រតិបត្តិការសឹករងខេត្តព្រះសីហនុ ប្រមាណតែមួយឆ្នាំ គឺលោក សាវិន វិបុល មានទ្រព្យសម្បត្តិតម្លៃសរុបរាប់លានដុល្លារ។ ក្នុងនោះមានដូចជា សាងសង់ភូមិគ្រឹះមួយយ៉ាងធំ ហើយទើបតែទិញរថយន្តឡិចស៊ីស៥៧០ ស៊េរីទំនើបតម្លៃជាង២០ម៉ឺនដុល្លារ និងមានរថយន្តឡិចស៊ីស៤៧០ផងដែរ ហើយថែមទាំងមានផ្ទះមួយល្វែងនៅរាជធានីភ្នំពេញ ទៀតផង។
មន្ត្រីយោធាសឹករងខេត្តព្រះសីហនុជាច្រើនមានការងឿងឆ្ងល់យ៉ាងខ្លាំងចំពោះភាពមានបានយ៉ាងឆាប់រហ័សរបស់លោក សាវិន វិបុល ព្រោះពេលមកកាន់តំណែងជាមេបញ្ជាការយោធាខេត្តព្រះសីហនុ ដំបូងគឺលោក សាវិន វិបុល ជិះតែរថយន្តកាមរីបាឡែនប៉ុណ្ណោះ។
គេនៅចាំបានថាកាលពីថ្ងៃទី២៨ខែមីនាឆ្នាំ២០១៩នៅវិមានសន្ដិភាពក្នុងឱកាសស្ដេចតេជោនាយករដ្ឋមន្ដ្រី ជួបប្រជុំជាមួយនឹងសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ប្រចាំឆមាស សម្ដេចតេជោបានបញ្ជាឲ្យសិក្សាដកអភិបាលរងខេត្តព្រះសីហនុពីររូបចេញពីតំណែងគឺលោក ផៃ ប៊ុនវណ្ណះនិងលោកស្រ៊ន់ ស្រ៊ាន់ ហើយក៍បញ្ជាឲ្យសម្ដេចទៀបាញ់សិក្សាស្រាវជ្រាវឈានដល់ការដកតំណែងលោកសាវិន វិបុល មេបញ្ជាការតំបន់ប្រតិបត្តិការសឹករងខេត្តព្រះសីនុនេះចេញ ដែលជាប់ពាក់ព័ន្ធនឹងករណីជម្លោះដីធ្លីនៅក្នុងខេត្តនោះកាលពីពេលកន្លទៅថ្មីៗនេះ ។
ឥឡូវ លោក ផៃ ប៊ុនវណ្ណះនិងលោកស្រ៊ន់ ស្រ៊ាន់ ត្រូវបានដកចេញហើយ។នៅតែសានវិបុល។គេមិនដឹងថាតើហេតុអីបាជា សម្តេចពិជ័យសេនាទៀបាញ់បែរជាមិនព្រមអនុវត្តហើយបើកដៃឲ្យលោកសាវិន វិបុលរិះរកគ្រប់មធ្យាបាយដើម្បីបំភន្ត័ភ្នែកថ្នាក់លើបែបនេះទៅវិញចឹង? ៕
