ភ្នំពេញ ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា នៅល្ងាចថ្ងៃទី០៦ ខែមីនា ឆ្នាំ២០១៩នេះ បាន សម្រេចសម្រួល និងអនុគ្រោះខាងផ្នែកពន្ធដារ សម្រាប់រយៈពេល៥ឆ្នាំបន្ថែមទៀត រហូតដល់ដំណាច់ឆ្នាំ២០២៣(តាមអាណត្តិនាយករដ្ឋមន្ត្រី) ដើម្បីជាការលើកទឹកចិត្ត និងលើកស្ទួយវិស័យសិល្បៈ និងការផលិតភាពយន្តខ្មែរ។
ការសម្រេចនោះរួមមាន៖ ១៖ អនុញ្ញាតឱ្យព្យួរទុកការអនុវត្តពន្ធកាត់ទុក១៥% លើសួយសារនៃទ្រព្យអរូបិយ (ការផ្តល់សិទ្ធិបញ្ចាំងខ្សែភាពយន្តផលិត ក្នុងស្រុក)។ ២៖ អនុញ្ញាតឱ្យព្យួរពន្ធលើប្រាក់ចំណូល ជូនក្រុមហ៊ុនផលិតកម្មភាពយន្តខ្មែរ និង៣៖ អនុញ្ញាតព្យួរទុកការអនុវត្តឤករពិសេសលើសេវាលំហែកំសាន្ត (១០%) ជូនដល់សិល្បៈសៀក នៃក្រុមហ្វាពន្លឺសិល្បៈខេត្តសៀមរាប។
សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញជាអធិបតីប្រារព្ធពិធីអបអរសាទរទិវា «វប្បធម៌ជាតិ ៣មីនា» លើកទី២១ នៅមជ្ឈមណ្ឌលពិព័រណ៍កោះពេជ្រ។ សម្តេចតេជោ និងសម្តេចកិត្តិព្រឹទ្ធបណ្ឌិត ក៏បានអញ្ជើញពិសាអា ហាររួមគ្នាជាមួយថ្នាក់ដឹកនាំក្រសួងវប្ប ធម៌ និងវិចិត្រសិល្បៈ រួមនិងសិល្បករ សិល្បការិនីផងដែរ។
ការប្រារព្ធទិវា «វប្បធម៌ជាតិ ៣មីនា» លើកទី២១ នៅឆ្នាំ២០១៩នេះ ធ្វើឡើងក្រោមប្រធាន បទ «យុវជនដើម្បីវប្បធម៌ជាតិ» ដូចឆ្នាំ២០១៨ ដែរ។
កម្ពុជា ត្រូវបានចាត់ទុកជាប្រទេសមានអរិយ ធម៌ វប្បធម៌ដ៏រុងរឿងមួយតាំងពីបុព្វកាល។ តែអរិយធម៌ និងវប្បធម៌នេះត្រូវបានជាន់ពន្លិចបាត់ បង់គ្មានសល់ក្នុងរបបកម្ពុជាប្រជាធិបតេយ្យ ៣ ឆ្នាំ ៨ខែ ២០ថ្ងៃ របស់បនប្រល័យពូជសាសន៍ ប៉ុល ពត។ អរិយធម៌ និងវប្បធម៌របស់កម្ពុជាត្រូវបានកសាង និងរស់រៀនជាថ្មីទាំងត្រដាប់ត្រដួសក្រោយថ្ងៃ៧ មករា ឆ្នាំ១៩៧៩ នៅពេលរបបប្រល័យពូជសាសន៍ ប៉ុល ពត ត្រូវបានវាយផ្តួលរំលំ។
