ភ្នំពេញ ៖ ប្រតិភូនៃ គណៈកម្មការអឺរ៉ុបនឹងមកកម្ពុជា ក្នុងអំឡុងចុងខែមីនា និងមេសា ឆ្នាំ២០១៩ ខាងមុខ។នេះបើតាមលោក ចច អេដហ្កា (George Edgar) ឯកអគ្គរដ្ឋទូតសហភាពអឺរ៉ុបប្រចាំកម្ពុជា ដែលចប់អាណត្តិប្រាប់លោកប៉ា់ន់សូរស័ក្តិរដ្ឋមន្ត្រីក្រសួងពាណិជ្ចកម្មកម្ពុជាកាលពីថ្ងៃទី៥ ខែមីនា ឆ្នាំ២០១៩។
សូមបញ្ជាក់ថាកាលពីថ្ងៃទី១១កុម្ភៈឆ្នាំ២០១៩សហភាពអឺរ៉ុប (EU) បានចាប់ផ្ដើមប្រកាសអំពីការដាក់ចេញនៃនីតិវិធីពិនិត្យ ការព្យួរជាបណ្ដោះអាសន្ន នូវប្រព័ន្ធអនុគ្រោះពន្ធ លើកលែងតែអាវុធ (EBA)ពីកម្ពុជា។នៅក្នុងជំនួបពិភាក្សាការងារជាមួយ លោក ចច អេដហ្កា លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានសាកសួរបន្តអំពីដំណើរការ បន្ទាប់ពីសហភាពអឺរ៉ុប បានចាប់ផ្ដើមនៃនីតិវិធីពិនិត្យការព្យួរ ជាបណ្ដោះអាសន្នប្រព័ន្ធអនុគ្រោះពន្ធ (EBA) ពីកម្ពុជា ជាពិសេសបេសកកម្មនានា របស់គណៈកម្មការអឺរ៉ុប ក្នុងដំណាក់កាល៦ខែដំបូង។
ជាការឆ្លើយតប លោក ចច អេដហ្កា មិនបានលើកឡើងអំពីនីតិវិធី នៃការព្យួរជាបណ្តោះអាសន្នដកពន្ធ តែបានថ្លែងអំណរគុណ ចំពោះកិច្ចសហប្រតិបត្តិការដ៏ល្អកន្លង រវាងកម្ពុជានិងEU ។ “ទាក់ទងនឹងបេសកកម្ម របស់គណៈកម្មការអឺរ៉ុប ឯកឧត្តមមិនទាន់ បានទទួលនូវព័ត៌មាន ជាក់លាក់នៅឡើយទេ នៅពេលនេះ ប៉ុន្តែអាចនឹងមានក្រុមការងារ មកប្រទេសកម្ពុជា ក្នុងអំឡុងពេលចុងខែមីនា និងខែមេសាខាងមុខ” ។
សូមបញ្ជាក់ថាតាមនីតិវិធី សហភាពអឺរ៉ុប នឹងអាចឈានទៅរកការព្យួរប្រពន្ធអនុគ្រោះពន្ធលើកលែងតែអាវុធ (EBA)ពីកម្ពុជានៅខែកុម្ភៈ ឆ្នាំ២០២០ ប្រសិនបើរកឃើញ កម្ពុជាអនុវត្តមិន ត្រឹមត្រូវ ទៅរកភាពល្អប្រសើរគ្រប់គ្រាន់ លើបញ្ហាសិទ្ធិមនុស្ស និងប្រជាធិបតេយ្យ ។ ក្នុងរយៈពេល១២ (ខែកុម្ភៈ២០១៩ដល់ខែកុម្ភៈ២០២០) ខែនេះ មានការបែងចែក ដំណាក់កាលដូចខាងក្រោម៖
ត្រួតពិនិត្យយ៉ាងហ្មត់ចត់ រយៈពេល៦ខែ (គិតចាប់ផ្តើមពីខែកុម្ភៈ ឆ្នាំ២០១៩ តទៅរហូតដល់ ខែកក្កដា ២០១៩) ។ ត្រូវសរសេររបាយការណ៍ និងប្រមូលភស្តុតាង ៣ ខែ (ខែសីហា រហូតដល់ ខែតុលា ២០១៩) ។ ទទួលយកការបកស្រាយ និងឆ្លើយតបពីរដ្ឋាភិបាលកម្ពុជា ក្នុងរយៈពេល១ ខែ (ខែវិច្ឆិកា ដល់ខែធ្នូ ២០១៩)។
សម្រាប់កម្ពុជាតែងតែនិយាយដោយឬកម៉ាបាវថា៖គ្មានបញ្ហាទេអារឿងហ្នឹងនោះរកស៊ីបង់ពន្ធដូចគេទៅ។មានការកត់សម្គាល់ថាថ្មីៗនេះសហគមអឺរ៉ុបបានប្រកាសយកពន្ធ័៣ឆ្នាំលើការនាំចូលស្រូវអង្ករពីស្រុកខ្មែរនិងភូមាដែលសម្រាប់ឆ្នាំទី១ក្នុង១តោនយកប្រមាណ២០០ដុល្លារអាមេរិកនិងថយបន្តិចនៅឆ្នាំទី២ទី៣។
កម្ពុជាផលិតបានស្រូវជាង១០លានតោនក្នុងឆ្នាំ២០១៨។ក្រៅពីការហូបចុកកម្ពុជានៅសល់ស្រូវជាង៦លានតោនបើគិតជាអង្ករមានជាង៤លានតោន។តាមប្រភពពីក្រសួងពាណិជ្ជកម្មសម្រាប់ការនាំចេញអង្ករក្នុងឆ្នាំ២០១៨បានតែ៦២ពាន់តោនប៉ុនណោះទៅកាន់ចំនួន៦១ប្រទេស(ទីផ្សារចិនឈរលេខមួយ)។អង្កសល់មិនដឹងលក់ទៅណាទៀត?។
សម្រាប់ការនាំចេញគ្រប់មុនទំនិញក្នុងឆ្នាំ២០១៨មានតម្លៃជាង៥១ពាន់ប៊ីលានរៀល។តែបើគេបិទ(EBA)កម្ពុជាត្រូវបង់ពន្ធប្រមាណជាង៦០០លានដុល្លារក្នុង១ឆ្នាំ។នេះមិនទាន់និយាយពីការបិទទីផ្សារនាំចូលនៅមុខទំនិញខ្លះនោះផងទេ។