ភ្នំពេញ ៖ ទោះបីសម្តេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃចេញមកប្រកាសថាមកដល់ពេលនេះសមត្ថកិច្ចរកពុំឃើញភស្តុតាងណាមួយបញ្ជាក់ថាមានការពាក់ព័ន្ធនឹងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា នោះទេ”ក៏ដោយក៏មកដល់ពេលនេះមានពតិមានទម្លាយឲ្យដឹងថា៖លោកឧកញ៉ាគិតធាងបងប្រុសឧកញ៉ាគិម៉េងសេដ្ឋីស្រុកខ្មែរ មិននៅក្នុងប្រទេសឡើយ ចាប់តាំងពីថ្ងៃសមត្ថកិច្ចបង្ក្រាបមជ្ឈមណ្ឌលកំសាន្តរ៉ុក ចាប់មនុស្ស៣០០នាក់និងរឹបអូសបានគ្រឿងញៀន ប្រមាណជាង៥០គីឡូក្រាមកាលពីថ្ងៃទី២៣ ខែកុម្ភៈ ឆ្នាំ២០១៩ កន្លងទៅនេះមកម្លេះ។
ក្នុងប្រតិបត្តិការណបង្ក្រាបគ្រឿងញៀនក្នុងក្លឹបរ៉ុកដែលគេដឹងថាគ្រប់គ្រងដោយលោកឧកញ៉ាគិតធាងនោះសមត្តកិច្ចប្រហែលជាគ្របទុកលែងនឹកនាហើយរាបទាំងតុលារការរាជធានីភ្នំពេញផងដែរ។ព្រោះសាលារាជធានីនៅថ្ងៃទី២៥កុម្ភៈឆ្នាំ២០១៩នេះបានចេញសេចក្តីសម្រេចមួយលុបចោលអាជ្ញាបណ្ណ័មជ្ឈមណ្ឌលកំសាន្តរ៉ុកជាផ្លូវការហើយដោយមិននិយាយអ្វីរឿងចំណាត់ការលើម្ចាស់ក្លឹបនេះឡើយ។
មានពត៍មានបំភ្លៃថាក្លឹបនេះលោកឧកញ៉ាគិតធាងបានជួលឲ្យចិនតែអាចិនណាមួយនោះសមត្តកិច្ចមិនបង្ហាញឲ្យដឹងឡើយ។ក្រៅតែពីការលេចធ្លាយនូវកិច្ចសន្យាដែលឧកញ៉ាគិតធាងបានធ្វើជាមួយសមត្តកិច្ចដែនដីរឿងទទួឡខុសត្រូវបើមានការប្រើប្រាសគឿ្ងញៀនក្នុងក្លឹបតែប៉ុនណោះ។
ជាក់ស្តែងយោងតាមកិច្ចសន្យា ដែលលោកឧកញ៉ា គិត ធាង បានធ្វើកិច្ចសន្យាកាលពីថ្ងៃទី០១ ខែកញ្ញា ឆ្នាំ២០១៨បង្ហាញថា” ខ្ញុំបាទ គិត ធាង ភេទប្រុស អាយុ៥២ឆ្នាំ សញ្ជាតិខ្មែរ ទីលំនៅបច្ចុប្បន្នផ្ទះលេខ២៤៦Eo ផ្លូវព្រះមុន្និវង្ស ក្រុមទិ៤០ សង្កាត់បឹងរាំង ខណ្ឌដូនពេញ រាជធានីភ្នំពេញ កាត់អត្តសញ្ញាណប័ណ្ឌសញ្ជាតិខ្មែរលេខ០១០០០១៥៤២ ជាម្ចាស់អាជីវកម្មមជ្ឈមណ្ឌលកំសាន្តរ៉ក់ អាស័យដ្ឋានអាជីវកម្មអគារលេខ៤៦៨ ផ្លូវមុន្នីវង្ស ភូមិបឹងត្របែក សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
សូមសន្យាចំពោះមុខអាជ្ញាធរមានសមត្ថកិច្ចគ្រប់ជាន់ថ្នាក់ថាៈ
១-មិនអនុញ្ញាតឲ្យមានការផលិត ជួញដូរ ចែកចាយ និងប្រើប្រាស់គ្រឿងញៀន ក្នុងទីតាំងអាជីវកម្មរបស់ខ្លួន។
២-ត្រូវចូលរួមសហការជាមួយអាជ្ញាធរមានសមត្ថកិច្ច និងរាយការណ៍ជាបន្ទាន់ ក្នុងករណីសង្ស័យមានការផលិត ជួញដូរ ចែកចាយ និងប្រើប្រាស់គ្រឿងញៀន ក្នុងទីតាំងអាជីវកម្មរបស់ខ្លួន។៣-អនុវត្តតាមកិច្ចសន្យា ដែលបានសន្យាជាមួយអាជ្ញាធរមានសមត្ថកិច្ច ពេលសុំបើកអាជីវកម្មរបស់ខ្លួន។
ក្នុងករណីដែលខ្ញុំបាទ មិនបានអនុវត្តទៅតាមខ្លឹមសារសន្យាខាងលើ ខ្ញុំបាទ សុខចិត្តឲ្យតអាជ្ញាធរ មានសមត្ថកិច្ចគ្រប់ជាន់ថ្នាក់ បិទអាជីវកម្មទាំងស្រុង និងទទួលខុសត្រូវតាមច្បាប់ ស្តីពីការត្រួតពិនិត្យគ្រឿងញៀន ព្រមទាំងច្បាប់ផ្សេងៗទៀត។
មាត្រា៤៤ កថាខណ្ឌទី២ ច្បាប់ស្តីពីការត្រួតពិនិត្យគ្រឿងញៀនឆ្នាំ២០១២ ចែងថា”អំពើជួលទីកន្លែង ផ្តល់ទីកន្លែង ឬ អំពើផ្សេងទៀតដែលបង្កលក្ខណៈងាយស្រួលដល់ការប្រើប្រាស់ដោយខុសច្បាប់នូវសារធាតុញៀន គឺ ជាបទសម្រួលឱ្យប្រើប្រាស់ដោយខុសច្បាប់នូវសារធាតុញៀន ត្រូវផ្តន្ទាទោស៥ឆ្នាំទៅ១០ឆ្នាំ និង ពិន័យជាប្រាក់ពី១០លានរៀលទៅ២០លានរៀល។
នៅថ្ងៃទី៤ ខែមីនា ឆ្នាំ២០១៩នេះ បានបែកធ្លាកឯកសារដែលសាលារាជធានីភ្នំពេញ បានចេញអាជ្ញាប័ណ្ណអាជីវកម្មជូនឧកញ៉ា គិត ធាង គឺមជ្ឈមណ្ឌលរ៉ុក៩(Rock) ។
លិខិតចុះថ្ងៃទី២៥ ខែកុម្ភៈ ឆ្នាំ២០១៩ របស់រដ្ឋបាលរាជធានីភ្នំពេញ ចេញក្រោយបង្ក្រាបនៅរ៉ុកបាន២ថ្ងៃ បង្ហាញថា ឧកញ៉ា គិត ធាង ធ្លាប់ធ្វើកិច្ចសន្យាចំនួន២ដង រួចមកហើយ ។ កន្លងមក មានលេចឮព័ត៌មានថា ឧកញ៉ា គិត ធាង បានផ្ទេរសិទ្ធិកាន់កាប់មជ្ឈមណ្ឌលកម្សាន្តរ៉ុក ទៅជនជាតិចិន ។ ប៉ុន្តែតាមរយៈនេះ គឺ ពុំមានឯកសារបញ្ជាក់ថា រ៉ុក ស្ថិតក្រោមការគ្រប់គ្រងរបស់ជនជាតិចិនឡើយ។
ហ្វេសប៊ុកផ្លូវការរបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបង្ហោះសារ”ខ្ញុំសូមកោតសរសើរដោយស្មោះចំពោះកិច្ចខិតខំប្រឹងប្រឹងក្នុងស្មារតីទទួលខុសត្រូវខ្ពស់របស់ស្នងការដ្ឋាននគរបាលរាជធានីភ្នំពេញ ដែលបានធ្វើប្រតិបត្តិការបង្ក្រាបបទល្មើសគ្រឿងញៀន នៅមជ្ឈមណ្ឌលកម្សាន្តរ៉ុក កាលពីថ្ងៃទី២៣ ខែកុម្ភៈ ឆ្នាំ២០១៩ កន្លងទៅនេះ ដោយរឹបអូសបានវត្ថុតាងថ្នាំញៀនជាច្រើនគីឡូក្រាម និងបានឃាត់ខ្លួនជនសង្ស័យមួយចំនួនផងដែរ ។
បន្ទាប់ពីការបង្ក្រាបដោយជោគជ័យរបស់កងកម្លាំងនគរបាលលើករណីនេះ ក៏បានកើតមានពាក្យចចាមអារ៉ាមថា ករណីបទល្មើសគ្រឿងញៀននេះមានការពាក់ព័ន្ធនឹងបុគ្គលផ្សេងៗ ដែលខ្ញុំសូមយកឱកាសនេះជម្រាបជូនសាធារណជន និងប្រជាពលរដ្ឋទាំងអស់ជ្រាបថា តាមរយៈការស៊ើបអង្កេតយ៉ាងយកចិត្តទុកដាក់ មកដល់ពេលនេះសមត្ថកិច្ចរកពុំឃើញភស្តុតាងណាមួយបញ្ជាក់ថាមានការពាក់ព័ន្ធនឹងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា នោះទេ”។ខ្លឹមសារបានសង្កត់ធ្ងន់ថា”សមត្ថកិច្ចរកពុំឃើញភស្តុតាងណាមួយបញ្ជាក់ថាមានការពាក់ព័ន្ធនឹងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា នោះទេ”។
ប៉ុន្តែមហាជនលើកឡើងថា មិនប្រាកដថាអត់ទាក់ទងនឹងលោកឧកញ៉ា គិត ម៉េង ប្អូនលោកឧកញ៉ា គិត ធាង នោះទេ គ្រាន់សមត្ថកិច្ចចង់ឬហ៊ានធើឬអត់តែប៉ុណ្ណោះ?។ស្រុកយើងចឹងអាទូចចាប់បានគុកហើយអានាង!?។
