ខេត្តមណ្ឌលគិរី ៖ តាំងតែពីរាជរដ្ឋាភិបាលមានការផ្លាស់ប្តូរការងារពីរដ្ឋបាលព្រៃឈើមកប្រគល់អោយទៅក្រសួងបរិស្ថាន កាលពីថ្ងៃទី ៣០ ខែឧសភា ឆ្នាំ ២០១៦ មក គេមើលឃើញថា មានការផ្លាស់ប្តូរជាច្រើនលើការបង្ក្រាបបទល្មើសព្រៃ ដូចជានៅដើមខែកក្ដដានេះ មន្ដ្រីបរិស្ថានរបស់ដែនជុំរកសត្វភ្នំព្រេចធ្វើការបង្ក្រាបបានរថយន្ដដឹកឈើប្រណីតបានជាច្រើន នៅក្នុងស្រុកកែវសីម៉ា ខេត្តមណ្ឌលគីរី ។
លោក សំរង ឌីវិចិត្ត នាយកដែនសត្វព្រៃភ្នំព្រេច បានប្រាប់អ្នកយកព័ត៌មានថា លោកធ្វើការបង្ក្រាបបទរល្មីសរថយន្ដដឹកឈើខាងលើនេះបាន គឺដោយសារមន្ត្រីរបស់់លោកធ្វើការដើរល្បាតជារៀងរាល់យប់ថ្ងៃ ទើបចាប់បាន ។ ហើយ ការចាប់បទល្មើសទាំងនោះ គឺមានការពិបាន ព្រោះអី អ្នកប្រកបមុខរបរខាងលើនេះគឺសុទ្ធសឹងជាមន្ត្រីរាជការទាំអស់ ។
ចំណែកលោក កែវ សុភគ៍ នាយកដែនសត្វព្រៃស្រែពក ក៏មានប្រសាសន៍ប្រាប់អ្នកយកព័ត៌មានយ៉ាងដូច្នេះដែរ រូបលោកខិតខំធ្វើការងាររាល់ថ្ងៃ ទទួលបានផលល្អគឺមានការសហការណ៍គ្នាជាមួយរដ្ឋបាលព្រៃឈើនិងកងរាជអាវុធហត្ថខេត្តលោក ។
នាយកទាំងពីរបានបន្តទៀតថា ក្នុងការបង្ក្រាបបទរល្មីសព្រៃឈើភាគច្រើនមានការអន្តារាគមន៍ពីអ្នកមានបុណ្យសក្ត្រ័ធំៗ ឬអ្នកអំណាចមួយចំនួនទៀត ដូច្នេះលោកមានបញ្ហាខ្លះៗនៅក្នុងការបង្ក្រាបបទល្មើសទាំងអស់ខាងលើនេះ ៕
ហ៊ិន សុគន់
