ខេត្តក្រចេះ ៖ ទោះបីមានបទបញ្ជាររបស់សម្តេចអគ្គសេនាបតិតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចំពោះការបញ្ឈប់ ទប់ស្កាត់ និង បង្ក្រាបរាល់បទល្មើសព្រៃឈើយ៉ាងណាក៏ដោយ គឺនៅតែមាន ឈ្មួញខិលខូចលបលួចប្រព្រឹត្តបទល្មើសព្រៃឈើនេះបានជាហូរហែរ ដោយពុំមានអាជ្ញាធរមានសមត្តកិច្ចចុះបង្ក្រាបបានទាន់ហេតុការឡើយ។
ជាក់ស្តែងនៅថ្ងៃទី២២ ខែកក្ដដា ឆ្នាំ២០១៦នេះ តាមប្រភពច្បាស់ការមួយបានឲ្យ អ្នកសារព័ត៌មានយើង ដឹងថា មានករណីដឹកឈើខុសច្បាប់មួយ បានប្រព្រត្តឡើងនៅចំណុចភូមិរលួស ឃុំរលួស ស្រុកសំបូរខេត្តក្រចេះ ដឹកតាមគោយន្តឬ កាលេថងចេញទាំងខ្សែៗ កាត់តាមទីរួមខេត្តក្រចេះ ឆ្ពោះទៅខេត្តត្បូងឃ្មុំ ដោយពុំមានឃើញសមត្ថកិច្ចជំនាញខាងមេព្រៃណាចុះមកបង្ក្រាប ឬទប់ស្កាត់នោះទេ ។ មិនដឹងថាពួកគាត់មើលមិនឃើញ ឬធ្វើជាមើលមិនឃើញ ដោយប្រការណាមួយឬយ៉ាងណា? នេះជាចម្ងល់របស់ប្រជាពលយើងដែលបានលើកឡើង ។
តើមន្ត្រីជំនាញព្រៃឈើទាំងនោះ មានបានយក បទបញ្ជាសម្តេចតេជោ ហ៊ុន សែន ប្រមុខរាជរដ្ឋាភិបាលបានដាក់បទបញ្ជាឲ្យទប់ស្កាត់ និងបង្ក្រាបឲ្យខាងតែបានរាល់បទល្មើសព្រៃឈើ ឬឈ្មួញដឹកឈើតាមគ្រប់រូបភាពណាក៏ដោយ ត្រូវបង្ក្រាបឱ្យបានម៉ឺងមាត់ ដែលសម្ដេចបានចេញនាពេលកន្លងមកនោះទៅអនុវត្តដែរឬទេ? ទើបករណីនេះនៅតែបន្តកើតមានជាហូរហែរបែបនេះ ៕