កំពង់ធំ ៖ ប្រជាពលរដ្ឋរាយការណ៍ថានៅពេលយប់គោយន្តកន្ត្រៃនៅតែមានសកម្មភាពដឹកឈើមូលមាន ចេញពីតំបន់ព្រៃអង់តែនកាត់មុខស្នាក់ការបរិស្ថានអូតាព្រុំ។
បច្ចុប្បន្នដែនព្រៃអង់តែនដែលជាព្រៃសម្រាប់រង្វាស់ទឹករវាលទំនាបអាស៊ីមូសុងទន្លេមេគង្គ ប្រទេស កម្ពុជាក្រោមការឧបត្ថម្ភពី រាជរដ្ឋាភិបាល ជប៉ុននោះ បាននិងកំពុងទទួលរងការកាប់បំផ្លាញកាន់តែរីករាលដាល ដែលសាធារណជនលើកឡើងថាមានមន្ត្រីបរិស្ថានដូចអត់មាន បើនៅតែបែបនេះ គឺខ្ទិចគ្មានសល់ ជាពិសេស ដើម ឈើធំៗ។
ប្រជាពលរដ្ឋនិយាយថា ខាងក្នុងដែនព្រៃអង់តែននេះ នៅកន្លែងខ្លះត្រូវបានកាប់រុករានយកដីថ្មីៗ ចំណែកកន្លែង ចាស់ខ្លះទៀត ត្រូវបានកាប់ពង្រីកហើយដុតបំផ្លាញ ឯដើម ឈើធំៗដែលពុំសូវមានតម្លៃ នៅជាប់នឹងផ្លូវ ដែលពី មុននៅសេសសល់១ដើមៗនោះ ឥឡូវគឺបង្ហើយអស់ហើយ ចំណែកឯ បរិស្ថានឈ្មោះ ផល ប្រធានស្នាក់ការអូតាព្រុំនិងប្រធានស្នាក់ការអូដៃជ្រៃឈ្មោះ ខេង នៅទីនោះ គិតតែប្រយោជន៍ផ្ទាល់ខ្លួន។
សមត្ថកិច្ចគងរាជអាវុធហត្ថ ស្រុកសន្ទុក ធ្លាប់បានបង្ក្រាបឈើ ហ៊ុបជ្រុងហ៊ុបមូល ជាបន្តបន្ទាប់ ដែលជន ទុច្ចរិត ដឹកជញ្ជូនមកលាក់ទុក នៅមូលដ្ឋានឃុំកំពង់ថ្ម ក្នុងភូមិស្នោខ្លី ក៏ទទួលស្គាល់ថា បទល្មើសនេះ គឺដឹកចេញពីព្រៃអង់តែនមែន។
បើយោងតាមប្រភពព័ត៌មានពីប្រជាពលរដ្ឋរស់នៅភូមិត្រពាំងឬស្សីនិងភូមិកំពុបអំបិលក្នុងទឹកដីស្រុកសន្ទុកបានឲ្យដឹងថា ក្នុងមួយយប់ៗគោយន្តកន្ត្រៃដឹកឈើមូលនិងជំនៀរពុះមិនក្រោមពី ៣០ទៅ៤០គ្រឿងទេដែនដឹកចេញពីតំបនព្រៃអង់តែន ដែលជាព្រៃការពារដោយមន្ត្រីបរិស្ថាន របស់លោកសាយសំអាល់ ។