ភ្នំពេញ ៖ មន្ត្រីយោធាផ្កាយ៣ដែលទះកំផ្លៀងស្រីចំរៀងភោជនីយ៍ដ្ឋានបឹងមាសដោយសារប្រកែកមិនព្រមទៅដេកជាមួយកាលពីយប់ថ្ងៃទី២៧កុម្ភៈហើយលួចទៅចរចារសង៨ពាន់ដុល្លារអាមេរិកដើម្បីបញ្ចាប់រឿងពេលលោកនាយឧត្តមសេនីយ៍ឈុំសុជាតិអ្នកនាំពាក្យក្រសួងការពាជាតិប្រកាសថា៖នឹងវែកមុខនោះអាឡូវត្រូវបានគេស្គាលហើយគឺឈ្មោះប៉ុលស៊ីនួន។នេះបើតាមហ្វេសប៊ុកលោកផែងវណ្ណៈ។
លោកឧត្ដមសេនីយ៍ផ្កាយ៣ ប៉ុល ស៊ីនួន នាយទាហានជាន់ខ្ពស់នៅក្រសួងការពារជាតិ ដែលសំបូរទៅដោយរឿងអាស្រូវ ត្រូវបានគេស្គាល់ថា ជាជនដៃដល់ដែលប្រើហិង្សាលើនារីអ្នកចម្រៀងនៅភោជនីយដ្ឋានបឹងមាសកាលពីយប់ថ្ងៃទី២៧ខែកុម្ភៈ ឆ្នាំ ២០១៩។
លោក ផែង វណ្ណៈដាក់ជាសំនួរថា៖ មហាជនរង់ចាំមើលចំណាត់ការបន្តតើលោកឧត្ដមសេនីយ៍ផ្កាយ៣ ប៉ុល ស៊ីនួន ត្រូវរួចខ្លួន ឬ យ៉ាងណា ? គួរបញ្ជាក់ថាកន្លងមកលោកផ្កាយ៣ ប៉ុល ស៊ីនួន ធ្លាប់ត្រូវបានគយចាប់ឡានអត់ពន្ធម្ដងរួចមកហើយនៅខេត្តបាត់ដំបង។សូមបញ្ជាក់ថាលោកលោកនាយឧត្តមសេនីយ៍ឈុំសុជាតិអ្នកនាំពាក្យក្រសួងការពាជាតិថានឹងវែករកមុខមុខផ្កាយបីវ៉ៃស្រីនោះដែរ។អាឡូវមុខត្រូវបានវែកហើយតើ!។
សូមបញ្ជាក់ដែរថា ៖ យោងហ្វេសប៊ុករបស់លោក ហង ឡុង ដែលត្រូវជាស្វាមីរបស់ប្រធានសមាគមសិល្បករខ្មែរគឺអ្នកនាង ចន ច័ន្ទល័ក្ខិណា បានឲ្យដឹងនារសៀលថ្ងៃទី០១ ខែមីនា ឆ្នាំ២០១៩ថាតារាចម្រៀងស្រីដែលរងអំពើហិង្សាដោយការទះកំផ្លៀងពីមន្ត្រីទាហានផ្កាយ៣នោះពេលនេះនាងទទួលបានយុត្តិធម៌ហើយក្រោយពេលជនបង្កចូលសម្រុះសម្រួលដោយព្រមសងសំណងជំងឺចិត្តនូវទឹកប្រាក់ចំនួន៨ពាក់ដុល្លារ។
សូមរម្លឹកថា កាលពីវេលាម៉ោង១១ និង២០នាទីយប់ថ្ងៃទី២៧ ខែកុម្ភៈស្ថិតនៅចំណុចភោជនីយដ្ឋានបឹងមាស តាមបណ្តោយផ្លូវជាតិលេខ៦Aក្នុងសង្កាត់ជ្រោយចង្វារខណ្ឌជ្រោយចង្វារ មានរឿងដ៏គួរឲ្យភ្ញាក់ផ្អើលមួយ បានកើតឡើងលើនារីដែលជាអ្នកចម្រៀងស្រស់ស្អាតប្រចាំនៅហាងខាងលើ ក្រោយពេលដែលបុរសម្នាក់អួតខ្លួនថា ជាមន្ត្រីយោធាពាក់ផ្កាយ៣ រួមនឹងបក្ខពួកប្រុស-ស្រី៥ឬ៦នាក់ទៀត បានជិះរថយន្ត២ទៅ៣គ្រឿងមកចូលផឹកស៊ីរួចក៏ត្រូវបានលោកផ្កាយ៣ ម្នាក់ផ្ទុះកំហឹង ទះកំផ្លៀងលើនារីជាអ្នកចម្រៀងព្រោះរឿងមិនព្រមទៅដេកជាមួយខ្លួន។
