បន្ទាយមានជ័យ ៖ រោងការមួយកន្លែង ដែលស្ថិតនៅភូមិអន្លង់វិល ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យកំពុងតែល្បីល្បាញយ៉ាងខ្លាំងដោយសារតែកម្មវិធីរៀបអាពាហ៍ពិពាហ៍ មួយនេះបានចោទប្រកាន់ ទៅលើភ្ញៀវរបស់ខ្លួន ដែលត្រូវជាមិត្តភក្តិស្និតស្នាលរបស់កូនក្រមុំ ថាបានលួចលុយ
៤លានរៀល បន្ទាប់ពីភ្ញៀវក្នុងកម្មវិធីចេញអស់។
កម្មវិធីអាពាហ៍ពិពាហ៍នេះបានចាប់ផ្តើម កាលពីថ្ងៃទី០២/កុម្ភៈ/២០១៩ ដោយកូនកំឡោះមានឈ្មោះ ឃូ សក្ខីនីន និងកូនក្រមុំមាន ឈ្មោះ ស្មៀន ស្រីដឿន ។រីឯអ្នកដែលខាងម្ចាស់កម្មវិធីចោទថាលួចលុយនោះ មានឈ្មោះ ញឿម ផល្លីនភេទស្រីអាយុ១៧ឆ្នាំ រស់នៅភូមិ ក្រឡាញ់ ឃុំក្រឡាញ់ ស្រុកក្រឡាញ់ ខេត្តសៀមរាប។
ករណីយ៍នេះលោក តុន ប៊ុនសិទ្ធ ដែលត្រូវជាឪពុកឈ្មោះ ញឿម ផល្លីន ជនរងគ្រោះរងការចោទ កំពុងដាក់ពាក្យបណ្តឹង ទៅកាន់នគរបាលព្រហ្មទណ្ឌកំរិតស្រាល នៃស្នងការដ្ឋាន ខេត្តបន្ទាយមានជ័យ ពីបទបរិហារកេរ្ដិ៍ ទៅលើមនុស្សចំនួន៥នាក់ ដែលបានចោទទំលាក់កំហុស ទៅលើកូនស្រីរបស់គាត់ ដោយ គ្មានភស្តុតាងគ្មានសាក្សីបានឃើញ ព្រោះរឿងហេតុដ៍អាក្រក់នេះ វាធ្វើឲ្យប៉ះពាល់ ដល់កិត្តិយសសេចក្តីថ្លៃថ្នូរ របស់ក្រុមគ្រួសារ ជាពិសេសបានធ្វើឲ្យខួចកេរ្តិ៍ឈ្មោះ អនាគតកូនក្រមុំរបស់គាត់ផង។
បុគ្គលទាំង៥នាក់ ដែលត្រូវប្តឹងនោះ ទី១មានឈ្មោះ សូនី សាវិន ភេទស្រី ទី២មានឈ្មោះ សាវឿនហៅង៉ិ ភេទស្រី ទី៣មានឈ្មោះ កើស សាកាន ភេទស្រី ទី៤មានឈ្មោះ ស្រួច សាវន ភេទស្រីនិងទី៥មានឈ្មោះ ស្រួច សាវឿន ហៅចក់ ភេទស្រី ដោយអ្នកខាងលើនេះ សុទ្ធតែជាប់សាច់ឈា
មបងប្អូន ជាមួយម្ចាស់ដើមការ និងជាអ្នកបានចោទ អះអាងថា ឈ្មោះញឿម ផល្លីនជាអ្នកលួចលុយ។
កញ្ញា ញឿម ផល្លីន បានបកស្រាយបំភ្លឺជុំវិញករណីនេះថា នាងពិតជាមានការខ្មាស់អៀនខ្លាំងណាស់ដោយសារការចោទប្រកាន់របស់បុគ្គលខាងលើ ហ៊ានធ្វើយ៉ាងងងើលនិងបំពាន ដោយនាងមិនបានប្រព្រឹត្ត នូវរឿងដ៏សែនថោកទាបទាំងនេះឡើយ ម្យ៉ាងវិញទៀតករណីនេះ បានធ្វើឲ្យនាងខ្មាសគេពេញភូមិស្រុក ហើយនាងថាទង្វើនេះ មិនអាចអត់អោនបានឡើយ។
កញ្ញា ញឿម ផល្លីន បញ្ជាក់ពីហេតុការណ៍ ដែលត្រូវគេចោទថាលួចលុយ យ៉ាងដូច្នេះថា បន្ទាប់ពីចប់កម្មវិធីការ នាងបានឡើងទៅលើផ្ទះដើម្បីទៅយកខោអាវក្នុងបន្ទប់ តែនៅក្នុងបន្ទប់នោះគឺមានម្តាយកូនក្រមុំបាននៅក្នុងនោះដែរ រួចហើយនាងបានដើរជំរាបលាមនុស្សម្នាជាច្រើននាក់ទៀតផង ដើម្បីចេញមកផ្ទះវិញ ព្រមទាំងខាងម្ចាស់ដើមការ បានឲ្យសាច់ញាតិរបស់គាត់ យកម៉ូតូដឹកជូនដល់ផ្ទះទៀតផង ។ព្រោះអីនាងបានមកដល់ផ្ទះរបស់ខ្លួនវិញ តាំងពីម៉ោង២រសៀល រហូតដល់ម៉ោង៨យប់ ទើបខលទូរស័ព្ទ មកចោទថានាងខ្ញុំបានលួចលុយ និងប្រើពាក្យគម្រាមថា បើមិនឲ្យវិញទេ គេនឹងហៅប៉ូលិសឲ្យចាប់។
ក្នុងករណីដែលបានចោទប្រកាន់នាងខាងលើ នាងបាននិយាយថា ប្រសិនបើនាងបានលួចលុយគេមែន នាងហ៊ានផឹកទឹកសម្បថ កុំថាឡើយ១០វត្ត ១០០វត្តដែលពូកែសក្តិសិទ្ធ ក៍ហ៊ានស្បថដែរ។តែនាងសំនូមពរឲ្យអ្នកចោទខាងលើ ទៅស្បថជាមួយផង។ ម្យ៉ាងទៀតនាងបញ្ជាក់ថា បើខាងអ្នកចោទ ឬនគរបាល សើបអង្កេត រកឃើញថានាងបានយកមែន កុំថា១សងនឹង១០ដង ទោះជាឲ្យសងនឹង១០០ដង លើចំនួនលុយដែលបាត់ ក៍ព្រមដែរ។ ហើយនាងសុខចិត្តទទួលទោសចំពោះមុខច្បាប់ថែមតៀត។
បើតាមការនិយាយប្រាប់របស់នគរបាល បានឲ្យដឹងថា ការចោទខាងលើ ពុំមានភស្តុតាងជាក់លាក់ណាមួយដាក់បន្ទុកលើគេនោះទេ ការពិតរឿងនេះគ្រាន់តែមានការសង្ស័យលើគេប៉ុណ្ណោះ ថាចំនួនលុយដែលបាត់នោះ គឺ៤លានរៀល តែ ពេលសួរដេញដោល មិនដឹងបាត់ប៉ុន្មានពិតប្រាកដ នេះប្រហែលមកពីពលរដ្ឋយើងមួយចំនួន មិនយល់ពីផ្លូវច្បាប់ ដោយគ្រាន់តែសង្ស័យ ចោទនិងជេរគ្នាដូចនៅសម័យមុន ដោយមិនបានគិតពីផ្លូវច្បាប់បច្ចុប្បន្ន។
ក្រោយពីខាងជនរងគ្រោះដាក់ពាក្យបណ្តឹង ទាមទារសំណងជម្ងឺចិត្ត៦ ពាន់ដុល្លារអាមេរិច ចុងចម្លើយមិនព្រមចចារ បង់ថ្លៃខួចខាតកិត្តិយសដល់ដើមបណ្តឹងជាដាច់ខាត ប្រហែលដោយសារមានអ្នកនៅពីក្រោយខ្នង រហូតខាងអ្នកចោទគេទាំង៥នាក់ខាងលើ ដាក់ពាក្យបណ្តឹងនៅកន្លែងប៉ូលិសវិញ ថាឈ្មោះញឿម ផល្លីន បានលួចលុយគេពិតប្រាកដ។
សូមបញ្ជាក់ថាដំណើររឿងរាវខាងលើ កាន់តែរីកធំធំហើយ ចាំមើលបញ្ហានេះ តើខាងណាត្រូវសងខាងណា? បើខាងក្រោមអ្នកចោទគេគ្មានភស្តុតាងអ្វីសំអាងទាំងអស់ ហើយថែមទាំងហ៊ានដាក់ពាក្យបណ្តឹងគេទៀតនោះ មិនដឹងថាពួកគាត់អាងអ្វីទេ។
បើតាមការសាកសួរអ្នកច្បាប់ បានបកស្រាយថា អ្នកចោទគេនេះ អាចវ័ណ្ឌកខ្លួនឯង ដោយសារពួកគាត់បានប្រឹងចាប់ពស់ខាងកន្ទុយ រឿងនេះនឹងមានបទចោទពីរ ប្រសិនបើខាងអ្នកចោទ៥នាក់ដាក់ពាក្យបណ្តឹងថាគេលួច តែបើគ្មានអ្វីដាក់បន្ទុក រកមិនឃើញបទល្មើសទេនោះ (ទី១បទបរិហាកេរ្តិ៍ )និងទី២
ត្រូវគេប្តឹងពីបទ(បណ្តឹងបរិហារបង្កាច់កេរ្ដិ៍)បទនេះត្រូវមានទោស និងពិន័យជាទឹកប្រាក់។
លោកសិទ្ធ ឡោះ ស្នងការរងខេត្តបន្ទាយមានជ័យ បានសំនូមពរដល់ភាគីទាំងពីរ សូមឲ្យមានការបន្ទន់ឥរិយាបថរៀងខ្លួន កុំឲ្យបន្តរឿងវែងឆ្ងាយ ហើយប្រាប់ដល់គាគីខាងអ្នកចោទ ឲ្យធ្វើការសុំទោស ឬដាក់កិច្ចសន្យា ជាមួយដើមបណ្ដឹង ដើម្បីបញ្ចប់រឿង។
ចំណែកខាងដើមបណ្ដឹង (តុន ប៊ុនសិទ្ធ)បានឲ្យដឹងថា ប្រសិនបើគ្រាន់តែធ្វើកិច្ចសន្យា សុំទោសដោយគ្មានសំសងប៉ះពៅ ថ្លៃជួសជុលខួចខាតកិត្តយស ដល់គ្រួសារនិងកូនទេនោះ លោកមិនព្រមជាដាច់ខាត ហើយនឹងបន្តនិតិវិធីនេះទៅតុលាការទៀត ដោយថាលោកនឹង ប្រមូលភស្តុតាងបន្ថែមលើអ្នកដើរបរិហារ ជាពិសេសលោកនឹងប្តឹងបន្ថែម ទៅលើកូនក្រមុំ(កូនម្ចាស់ដើមការ)ដែលបានបង្ហោះហ្វេសបុកចោទឈ្មោះញឿម ផល្លីន ដោយប្រើពាក្យ ប្រៀបធៀបថាមិនបានប្រហែលសត្វឆ្កែ ព្រមទាំងបានប្រើប្រាស់ពាក្យមិនសមរម្យជាច្រើនទៀត។
ចំពោះករណីខាងលើ ត្រូវបានមហាជន វិភាគថា មិនអាចខាងម្តាយកូនក្រមុំយកលុយចំណងដៃ ទៅទុកក្នុងបន្ទាប់ចោល ដោយគ្មានកេសចាក់សោរ ឬចំហរបន្ទប់នោះដែរ ព្រោះក្នុងកម្មវិធីការ មានមនុស្សម្នាច្រើនណាស់ មិនអាចធ្វើការចោទប្រកាន់ ទៅលើបុគ្គលតែម្នាក់បានទេ ថាមិនត្រូវ អាចជាមនុស្សជាប់សាច់ឈាមបងប្អូន ជាអ្នកលួចក៍មិនដឹង ជួនកាលវីវក់ រវល់ផង លុយដកទិញរបស់របរផ្សេងៗ ភ្លេចភ្លាំងខ្លួនឯងក៍ថាបាន ឬមួយជាល្បិច ចង់ធ្វើបាប ដើម្បីចង់បំផ្លាញ អនាគតគេ ព្រោះតែរឿងគំនុំ អ្វីផ្សេងទេដឹង ។
គេ គួរតែរកវិធីណាចចារ ដោះស្រាយបញ្ចប់ កុំបន្តរុញស៊ីក្លូឲ្យចូលឡានអី ពុំនោះទេ វាកាន់តែធ្ងន់កខ្លួនឯងឥតប្រយោជន៍ នៅពេលរឿងក្តីនេះចូលដល់ដៃតុលាការ ។