ភ្នំពេញ ៖ អ្នកនាង ចន ច័ន្ទល័ក្ខិណាតារាសម្តែងនិងជា ប្រធានសមាគមសិល្បករខ្មែរបានអំពាវនាវអង្វរទាំងទឹកភ្នែកសុំឲ្យបុគ្គលឬមហាជនខ្មែរកុំ វាយតម្លៃនិងមាក់មាយ ចំពោះជនពិកាតាមរយៈរូបភាពរើសអើងផ្សេងៗ។
នៅក្នុងកម្មវិធី សំនៀងតន្ត្រីជនពិកា តាមរយៈការសំណេះសំណាលថា កម្មវិធីនេះបង្កើតឡើងក្នុងគោលបំណងសំខាន់គឺដើម្បីចូលរួមលើកទឹកចិត្តដល់បងប្អូនជនពិកាឲ្យមានភាពរឹងមាំ និងការតស៊ូលើផ្លូវជីវិត អ្នកនាង ចន ច័ន្ទលក្ខិណា បានសន្យាថា ចាប់ថ្ងៃនេះតទៅតាមរយៈនាងខ្ញុំនិងសិល្បករខ្មែរឯទៀតគឺមិនទុកឲ្យជនពិការណាម្នាក់ឯកោ ហើយក៏ចូលរួមលុបបំបាត់រាល់បុគ្គលទាំងឡាយណាដែលមាក់ងាយជនពិកានៅទូទាំងប្រទេសកម្ពុ ជាក៏ដូចជាទូទាំងពិភពលោក។
អ្នកចន ច័ន្ទលក្ខិណា បញ្ជាក់ទៀតថា ខ្ញុំគ្មានសិទ្ធិ គ្មានអំណាចអ្វី ទៅថ្កោលទោសទេ ប៉ុន្តែគឺបេះដូងរបស់ខ្ញុំផ្ទាល់ជាអ្នកថ្កោលទោស រួមទាំងបេះដូងអ្នកសិល្បៈផ្សេងៗទៀតដែលពួកគាត់តែងតែលើកស្ទួយផ្តល់កម្លាំងចិត្តចំពោះជនពិការនៅក្នុងប្រទេសកម្ពុជា។ ដូច្នេះសូមបណ្តាម្ចាស់ពិធី មង្គលការឬកម្មវិធីផ្សេងៗអង្វរ ខ្ញុំសំពះសុំអង្វរ និងតំណាងឲ្យអ្នកសិល្បៈខ្មែរជាច្រើនគឺសូមអង្វរឲ្យបញ្ឈប់នូវការរើសអើងក៏ដូចជាការមាក់ងាយមកលើបងប្អូនជនពិការទៀត។