កំពង់ឆ្នាំង៖ ដីជាង២០០ហិចតារបស់ប្រជាពលរដ្ឋ២១ គ្រួសារ ដែលចៅហ្វាយខេត្តចែកឲ្យនៅភូមិដំណាក់អំពិល ឃុំក្តុលសែនជ័យដែលមានទីតាំងនៅជាប់នឹងព្រុំដីបន្ទាយកងកាំភ្លើងធំនៅភ្នំឃ្នាងខាងលិចតំបន់១០៤ត្រូវបានឈ្មោះ ( នួន វិចិត្រ និងឈ្មោះគឹម ពេជ្រនិងប្ដីឈ្មោះសាទ នួកនៅ១០៤ឃុបឃិតគ្នាលួចយកដីប្រជាពលរដ្ឋលក់អោយឈ្មួញឈ្មោះ ព្រុំ ហួយដែលជាមេការក្រុមហ៊ុនចិនមួយ។
ប្រភពពីប្រជាពលរដ្ឋបានអោយដឹងថា៖ ករណីដែលលោកនួន វិចិត្រមេបញ្ជាការកងកាំភ្លើងធំនៅភ្នំឃ្នាងឃុឃិតគ្នាជាមួយឈ្មោះគឹម ពេជ្រយកដីរបស់ប្រជាពលរដ្ឋលក់អោយឈ្មួញនេះ ប្រហែលជាអភិបាលខេត្តកំពង់ឆ្នាំង ឯកឧត្តម ឈួរ ច័ន្ទឌឿន លោកមិនបានដឹងនោះទេ!?។
ប្រជាពលរដ្ឋបានប្រាប់អ្នកយកព័ត៌មានយើងអោយដឹងថា៖ព្រោះពួកគាត់ គ្រប់គ្រងដីនេះគឺជាដីស្របច្បាប់ដែលឯកឧត្តមអភិបាលខេត្តបានសម្របសម្រួលនិងដកយកពីលោកនួនវិចិត្រយកមកវាស់វែងចែកអោយពួកគាត់ត្រឹមត្រូវ បន្ទាប់ពីលោកនួន វិចិត្របានយកគ្រឿងចក្រទៅកាយព្រុំរំលោភលើដីពួកគាត់។
ប្រសិនបើចឹងមែន ករណីនេះ ជាការឃុបឃិតគ្នា យកដីរបស់ប្រជាពលរដ្ឋចំនួន២១គ្រួសារ ជិត ២០០ ហិកតា ទៅលក់ឱ្យឈ្មួញដីដែលមានការរៀបចំ ពីឈ្មួញដីមួយចំនួននៅតំបន់នោះ រួមនិងអាជ្ញាធរភូមិឃុំផងដែរ។ពួគេធានាថាឈូសឆាយរួចផ្តល់ជូនប្រជាជន តែបែរជាធ្លាយរឿងឃុបឃិតគ្នាជាប្រព័ន្ធលក់អោយឈ្មួញទៅវីញ ។មកដល់ពេលនេះ មិនទាន់ប្រគល់ដីអោយពលរដ្ឋទេ ។ករណីរំលោភយកដីប្រជាពលរដ្ឋនេះ មានពាក់ព័ន្ធ និងឈ្មោះ ( នួន វិចិត្រ ព្រុំ ហួយ អ្នករៀបដីឈ្មោះ គឹម ពេជ្រ ភេទស្រី និង ប្តី ឈ្មោះ យស សាត និង ឈ្មោះ សុខ នួក )!!!។
រឿងរ៉ាវខាងក្រោមនេះ គឺតាំងពីឆ្នាំ២០១៤ មកម្ល៉េះ។ យើងនៅចាំបានថា ទំនាស់ដីនេះ គឺរវាង ប្រជាពលរដ្ឋ ជាមួយនឹងកងកាំភ្លើងធំ ដែលមានផ្ទៃដី ៣០០០ហិកតា ដែលកងកំភ្លើងធំត្រូវការយកដីក្នុងទីតាំងនោះ ហ្វឹកហាត់សម្រាប់ បាញ់គ្រាប់ពិត។ តែក្នុងនោះមានដីលំនៅដ្ឋាន ដីស្រែដី របស់ប្រជាពលរដ្ឋមួយចំនួនផងដែរ ដែលស្ថិតនៅក្នុងភូមិចំនួន២( គឺភូមិស្លាត និង ភូមិដំណាក់អំពិល ) ស្ថិតនៅក្នុងឃុំក្រាំងស្គារ ស្រុកទឹកផុសខេត្តកំពង់ឆ្នាំង ដែលបច្ចុប្បន្ននេះភូមិទាំងពីរនោះ ត្រូវបានកាត់ចូលមកក្នុងឃុំក្តុលសែនជ័យវិញ។
ក្រោយមក ឯកឧត្តម ឈួរ ច័ន្ទឌឿន អភិបាល នៃគណៈអភិបាលខេត្តកំពង់ឆ្នាំង បានបង្កើតក្រុមចម្រុះមួយ ដែលមានលោក សោម សុជាតា ជាប្រធាន និងលោក លី សុភា ជាអនុប្រធាន និង អាជ្ញាធរស្រុក ឃុំ ភូមិផងដែរ ដើម្បីធ្វើការសម្របសម្រួលដោះស្រាយជាមួយ នឹង លោកនួន វិចិត្រ ដែលជាមេបញ្ជាការកងកាំភ្លើងធំ នៅតំបន់នោះជាមួយនឹងប្រជាជន។ ជាលទ្ធផលការសម្របសម្រួលគឺទទួលបានជោគជ័យ ដោយធ្វើការដោះដូរដី ជូនប្រជាពលរដ្ឋ មកនៅចំណុច១០៤ វិញ ដែលមានផ្ទៃដីជាង២០០ ហិកតា ដើម្បីប្រគល់ជូនទៅប្រជាពលរដ្ឋ២១ គ្រួសារ ។
កងកាំភ្លើងធំ រួមនឹងអាជ្ញាធរស្រុកក៏បានឯកភាព និងធ្វើការឈូសឆាយដីតំបន់នោះ ឲ្យរួចរាល់ បន្ទាប់ពីការឈូសឆាយហើយ នឹងធ្វើការប្រគល់ជូនឱ្យទៅប្រជាជន ដោយមានការចេញប័ណ្ណកម្មសិទ្ធិស្របច្បាប់ត្រឹមត្រូវផងដែរ។ ប៉ុន្តែក្រោយពីឈូសឆាយរួចហើយ ស្រាប់តែគេបានរៀបចំយកដីនោះទៅលក់ឱ្យក្រុមឈ្មួញទៅវិញ ដែលឈ្មួញទាំងនោះ មានឈ្មោះ ព្រហ្ម ហួយ ដែលមានអ្នករៀបដី ។ឈ្មោះ គឹម ពេជ្រ ភេទស្រី និង ប្តី ឈ្មោះ យស សាត និង ឈ្មោះ សុខ នួក ជាអ្នករៀបចំ សហការជាមួយមេភូមិឈ្មោះ យឹម ឌឿន និងអាជ្ញាធរឃុំ។ (នៅមានភាគបន្តអំពីប្រវត្តិនិងការកាន់កាប់ប្រើប្រាស់ដី)។