ភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា ការបង្ក្រាបគ្រឿងញៀន នៅក្នុងក្លឹបកម្សាន្តរ៉ុក នៅរាជធានីភ្នំពេញ មិនបានជាប់ពាក់ព័ន្ធ នឹងលោកឧកញ៉ាគិត ម៉េង ទេ។
តាមរយៈបណ្តាញ សង្គមហ្វេសប៊ុកនៅថ្ងៃទី២៧ ខែកុម្ភៈ ឆ្នាំ២០១៩សម្តេចក្រឡាហោម ស ខេង បានលើកសរសើរ ចំពោះប្រតិបត្តិការបង្ក្រាបរកឃើញបទល្មើសគ្រឿងញៀនថា៖ ស្នងការដ្ឋាននគរបាលរាជធានីភ្នំពេញ បានធ្វើប្រតិបត្តិការបង្ក្រាប បទល្មើសគ្រឿងញៀន នៅមជ្ឈមណ្ឌលកម្សាន្តរ៉ុក កាលពីថ្ងៃទី២៣ ខែកុម្ភៈ ឆ្នាំ២០១៩ កន្លងទៅនេះ ប្រកបដោយជោគជ័យ ដោយរឹបអូសបានវត្ថុតាងថ្នាំញៀន ជាច្រើនគីឡូក្រាម និងបានឃាត់ខ្លួនជនសង្ស័យ មួយចំនួនផងដែរ ។បន្ទាប់ពីការបង្ក្រាបដោយជោគជ័យ របស់កងកម្លាំងនគរបាលលើករណីនេះ ក៏បានកើតមានពាក្យចចាមអារ៉ាមថា ករណីបទល្មើសគ្រឿងញៀននេះ មានការពាក់ព័ន្ធនឹងបុគ្គលផ្សេងៗ។
ទាក់ទងករណីយ៍នេះសម្តេចក្រឡាហោមបន្តថា “ខ្ញុំសូមយកឱកាសនេះ ជម្រាបជូនសាធារណជន និងប្រជាពលរដ្ឋទាំងអស់ជ្រាបថា តាមរយៈការស៊ើបអង្កេត យ៉ាងយកចិត្តទុកដាក់ មកដល់ពេលនេះ សមត្ថកិច្ចរកពុំឃើញ ភស្តុតាងណាមួយបញ្ជាក់ថា មានការពាក់ព័ន្ធនឹងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជានោះទេ” ។
ការពិតប់ពិនិត្យឲ្យច្បាស់សម្តេចក្រឡាហោមមានប្រសាសន៍តែការជាប់ពាក់ពន្ធ័ជាមួយលោកឧកញ៉ាគិតម៉េងតែប៉ុណ្ណោះ។តែបើតាមការលេចឮកន្លងមកអ្នកទទួលខុសត្រូវក្លឹបរ៉ុកនេះគឺឧកញ៉ាគិតធាងដែលជាបងប្រុសលោកឧកញ៉ាគិតម៉េងទេតើ!។រហូតមានការបែកធ្លាយមកថាលោកឧកញ៉ាគិតធាងធ្លាប់បានធ្វើកិច្ចសន្យាជាមួយសមត្តកិច្ចផងដែរ។
លោកឧកញ៉ាគិតធាងថៅកែក្លឹបរ៉ុកនេះធ្លាប់បានធ្វើកិច្ចសន្យាមួយច្បាប់ជាមួយសមត្តកិច្ចដោយខ្លឹមសារដូចខាងក្រោម÷
សូមសន្យាចំពោះមុខអាជ្ញាធរមានសមត្ថកិច្ចគ្រប់ជាន់ថ្នាក់ថា÷១ មិនអនុញ្ញាតឲ្យមានផលិតជួញដូរចែកចាយ និងប្រើប្រាស់គ្រឿងញៀនក្នុងទីតាំងអាជីវកម្មរបស់ខ្លួន។
២ ត្រូវចូលរួមសហការជាមួយអាជ្ញាធរមានសមត្ថកិច្ចនិងរាយការណ៍ជាបន្ទាន់ក្នុងករណីសង្ស័យមានការផលិតជួញដូរចែកចាយនិងប្រើប្រាស់គ្រឿងញៀនក្នុងទីតាំងអាជីវកម្មរបស់ខ្លួន។
៣ អនុវត្តតាមកិច្ចសន្យាបានសន្យាជាមួយអាជ្ញាធរមានសមត្ថកិច្ចពេលសុំបើកអាជីវកម្មរបស់ខ្លួន។ក្នុងករណីដែលខ្ញុំបាទនាងខ្ញុំមិនអនុវត្តទៅតាមខ្លឹមសារសន្យាខាងលើខ្ញុំបាទនាងខ្ញុំសុខចិត្តឲ្យអាជ្ញាធរមានសមត្ថកិច្ចគ្រប់ជាន់ថ្នាក់បិទអាជីវកម្មទាំងស្រុងនិងទទួលខុសត្រូវតាមច្បាប់ស្តីពីការត្រួតពិនិត្យគ្រឿងញៀនព្រមទាំងច្បាប់ផ្សេងៗទៀត។
បើតាមមន្ត្រីជំនាញនគរបាលព្រហ្មបានឲ្យដឹងថា កាលពីយប់ថ្ងៃទី២៤ កុម្ភៈ លោកស្នងការ នគរបាលរាជធានីភ្នំពេញបានអនុញ្ញាតិឲ្យមនុស្សជាង២០០នាក់បានត្រឡប់ទៅផ្ទះវិញហើយ ការអនុញ្ញាតិឲ្យយុវជនជាង២០០នាក់ទៅផ្ទះវិញនោះដោយមានការឯកភាពពីលោកព្រះរាជអាជ្ញារងនៃអយ្យការអមសលាដំបូងរាជធានីភ្នំពេញផងដែរ ។
មន្ត្រីនគរបាលបានឲ្យដឹងទៀតថា មនុស្សជាង២០០នាក់នោះមាន២៣៧នាក់ជាប់ពាក់ព័ន្ធប្រើប្រាស់គ្រឿងញៀន (ដែលហៅថា ជាជនរងគ្រោះ) និង៧០នាក់ជាយុវជនស្អាតស្អំមិនជាប់ពាក់ពន្ធគ្រឿងញៀនទេ តែត្រូវឃាត់ខ្លួនក្នុងរង្វង់ប្រតិបត្តិការ ។
ដូច្នេះសរុបមកដល់វេលាថ្ងៃត្រង់ ថ្ងៃទី២៥ ខែកុម្ភៈ នៅសល់តែ៥៤នាក់ទេ ប៉ុន្តែមនុស្ស៥៤នាក់នោះក៏កំពុងសម្រិតសម្រាំង(ចម្រាញ់)បន្ថែមទៀត ប្រហែលជាអាចនៅសល់ជាង១០ ប៉ុណ្ណោះទុកសម្រាប់បញ្ជូនទៅតុលាការឲ្យទទួលខុសត្រូវចំពោះគ្រឿងញៀនប្រមាណ៥០គីឡូក្រាមនោះ ។
