ភ្នំពេញ ៖ អ្នកលេងបណ្តាញសង្គមហ្វេសប៊ុកជាច្រើនច្បាស់ជាឆ្ងល់ក្រោយបានឃើញរូបថតភ្ជាប់ពាក្យជាច្រើនសន្លឹករបស់នារីម្នាក់គឺអ្នកនាងគុយ សុផាឡា ជាមួយបុរសជនជាតិកូរ៉េកាលពីថ្ងៃ២៥ ខែកុម្ភៈថ្មីៗនេះដែលនារីនោះគេស្គាល់ថាជាគូដណ្តឹងរបស់តារាចម្រៀងទិត្យ វិច្ជិកាដែលបានភ្ជាប់ពាក្យ កាលពីថ្ងៃទី០២ ខែតុលាឆ្នាំ២០១៦កន្លងទៅនេះ។
កន្លងមកតារាចម្រៀងរូបនេះ និងគូដណ្តឹងរូបស្រស់មិនដែលឃើញបង្ហោះរូបភាពទៅណាមកណា Sweet ជាមួយគ្នាមែនតែគេក៏មិនធ្លាប់ឃើញអតីតតារាចម្រៀងរូបនេះបង្ហាញពីការថាចែកផ្លូវគ្នាម្តងណាដែរតែបែជាឃើញនាង ស្លៀកឈុតចូលរោងភ្ជាប់ពាក្យជាមួយអ្នកថ្មីបាត់ទៅហើយ។
បន្ទាប់ពីលេចចេញរូបភ្ជាប់ពាក្យជាមួយបុរសជនជាតិកូរ៉េហាជនប្រាប់ថាគេធ្លាប់ឃើញលោកទិត្យវិច្ឆិការផុសក្នុងបណ្តាញសង្គមថា៖ “ផ្លូវបានបែងចែកជាពីររួចរាល់ហើយ សូមអ្នកដើរតាមផ្លូវអ្នកដោយមានសុភមង្គលនឹងសេចក្តីសុខ” លោក ទិត្យ វិច្ឆិកា បានសេរសេរនៅក្នុងបណ្តាញសង្គមហ្វេសបុកថា«ពេលនេះសេចក្តីស្រលាញ ក្តីអាណិត ក្តីមេត្តា របស់ពួកយើងត្រូវបានបញ្ចប់ហើយ។ (…) ផ្លូវបានបែងចែកជាពីររួចរាល់ហើយ សូមអ្នកដើរតាមផ្លូវអ្នកដោយមានសុភមង្គលនឹងសេចក្តីសុខ (…)សូមអហោសិកម្មឲ្យខ្ញុំផងចុះ គ្មាននរណាម្នាក់ចង់បាត់បង់សុភមង្គលនោះទេ…»។ សារនេះ គឺលោក ទិត្យវិច្ឆិកា បានផុសតាំងពីថ្ងៃទី២៤ ខែឧសភា ឆ្នាំ២០១៨មកម្ល៉េះ។
ប្រភពព័ត៌មានពីមិត្តជិតស្និតរបស់អតីតគូស្នេហ៍ ទិត្យ វិច្ជិកា បានឲ្យដឹថាអ្នកទាំំងពីរបែកគ្នាយូរហើយដោយការរស់នៅមិនចុះសម្រុងគ្នា និងមិនអាចឈានដល់ការរួមផ្លូវជាមួយគ្នាបាន ពិសេសពួកគេមិនចង់ប្រកាសច្រើនឲ្យអ្នកណាដឹងឡើយ។
សូមបញ្ជាក់ថាលោកទិត្យ វិច្ឆិកា ជាគ្រូបង្វឹកនៅសាលាហ្វឹកហ្វឺនប៉ារ៉ា កុម្ម៉ង់ដូ .ជំនាញ (JUMPMASTER )នៅកងពលតូចទ័ពពិសេសឆត្រយោង៩១១.ដែលមានឋាន្តរសក្តិអនុសេនីយ៍ឯក ។
