ខេត្តមណ្ឌលគិរី៖បើតាមសេចក្តីរាយការណ៍ពីប្រជាពលរដ្ឋរស់នៅចំណុច ព្រៃខៀវ ភូមិ រវ៉ាក់ ឃុំ រយ៉ ស្រុកកោះញ៉ែកបានប្រាបឲ្យភ្នាកងាយើង ដឹងថាក្នុង រយៈពេលជាងមួយខែមកហើយពួកគាត់តែងតែឃើញមានប្រជាជនចំណាកស្រុកមកពី ខេត្តផ្សេងគ្នា ក្នុងមួយថ្ងៃៗចាប់ពី១៥ ទៅ២០នាក់បានជិះរថយន្ដ និងម៉ូតូមានអមដោយម៉ាស៊ីនត្រង់ន័រកាំបិតពូថៅគ្រប់ៗដៃចូលមកចំណុចខាងលើ។
លោកពូម្នាក់ឈ្មោះ នៅ មាណ អាយុ៧៥ឆ្នាំជនជាតិអីស្លាមកពីភូមិអង្គក្រៅ ឃុំដូនតី ខេត្តត្បូងឃ្មុំ បានមានប្រសាសន៍ថា គេឃើញលោក កែវ វុទ្ធី ចាត់ចែងមនុស្សជំនិតក្រោមឱវ៉ាតមានគ្នា៦នាក់ផ្សេងទៀតដើម្បីឲ្យ ដើរវាស់វែងដី និងកត់ឈ្មោះប្រមូលប្រាក់ពីប្រជាពលរដ្ឋមកពីទីឆ្ងាយនោះ។ ចំណែកនៅជំរំរបស់គាត់មានមនុស្សចំនួន១៤គ្រួសារដែលបានទទួលបង្កាន់ដៃ កាន់កាប់ដី ហៅថា ចុងសន្លឹកគ្រប់គ្នាដែលមានក្បាលដីទទឹង៥០ម៉ែត្រគុណ១០០០ម៉ែត្រដោយ ម្នាក់តម្រូវឲ្យបង់មួយលានរៀលមុនដល់ពេលចុះកាប់។ ប្រភពបន្តទៀតថា មានគ្រួសារខ្លះបង់លុយទៅឲ្យលោក កែវ វុទ្ធី ចាប់ពី៧០០ដុល្លារទៅ១៥០០ដុល្លារ ក៏មានតាមដីមុខ ឬដីក្រោយ។ ចំណែបក្សពួកជាកូនចៅរបស់ កែវ វុទ្ធី នោះត្រូវបានគេស្គាល់ឈ្មោះថា ទី១-ឈ្មោះ ហ៊ែល ស្លេះ, ទី២-ឈ្មោះ សេង ទូច, ទី៣-ឈ្មោះ ហ៊ាត ស្រី, ទី៤-ឈ្មោះ ដា, ទី៥-ឈ្មោះ វី និងទី៦-ឈ្មោះ ញេះ រ៉ូលីកា កាប់ដី នៅចំណុច(ព្រៃខៀវ ) ភូមិរវ៉ាក់ ឃុំរយ៉ ស្រុកកោះញ៉ែក មណ្ឌលគិរី ជាប់ព្រំប្រទល់ ទឹកដីឃុំរលួសមានជយ័ស្រុកសំបូរខេត្តក្រចេះ។
បើតាមសំដីរបស់លោកពូ ស្រេន ស្លេះ អាយុ៥៨ឆ្នាំ រស់តំបន់ភូមិខាងលើបានរៀបរាប់ថា ប្រជាជនដែលរស់នៅកាប់រានដីដំបូងមានចំនួន២៥១គ្រួសារ តែមកដល់បច្ចុប្បន្ននេះត្រូវបានអាជ្ញាធរដេញចេញពីកន្លែងរស់នៅរបស់ ពួកគាត់អស់រយៈពីរឆ្នាំមកហើយ។ គាត់បានបន្តថា បើសិនជារដ្ឋដកដីទាំងនេះយកជាសម្បត្តិរដ្ឋនោះពួកគាត់មិនតូចចិត្ត ទេ តែផ្ទុយទៅវិញដីចំណុចនោះត្រូវបានលេចចេញមនុស្សថ្មី មកដើរតួជាមេខ្យល់ គៀងគរប្រជាពលរដ្ឋថ្មីៗមកចម្ងាយដោយប្រមូលប្រាក់ដាក់ខោប៉ាវខ្លួនឯង រួចចេញលិខិតក្លែងក្លាយបន្លំបោកប្រាស់ប្រជាពលរដ្ឋមកពីខេត្តឆ្ងាយៗ មានទៅដល់៥៨៩គ្រួសារឯណោះ។ ពួកគាត់បញ្ជាក់ថា ឈ្មោះ កែវ វុទ្ធី នេះកាលពីឆ្នាំកន្លងទៅក៏ធ្លាប់អាជ្ញាធរខេត្តស្ទឹងត្រែងចាប់ ដាក់ពន្ធនាគារ ម្ដងរួចមកហើយដោយសាតែដើរឆបោកប្រជាពលរដ្ឋចឹងដូចគ្នា។
ជុំវិញករណីខាងលើនេះ លោក ឈួន សិរីវឌ្ឍន៍ នាយផ្នែករដ្ឋបាលព្រៃឈើស្រុកកោះញ៉ែកបានប្រាប់តាមទូរស័ព្ទឲ្យដឹងថា លោកបានទទួលព័ត៌មាននេះដែរ ហើយលោកក៏បានដឹកនាំកំលាំងចុះទៅរកចាប់បុគ្គលនោះពីរលើកមកហើយ តែដោយការចុះទៅបុគ្គល់នោះរត់ អីឡូវខ្ញុំបានទទួលព័ត៌មានថ្មីខ្ញុំ នឹងរាយការណ៍ទៅថ្នាក់លើចុះទៅឆាប់ៗនេះមិនឲ្យបុគ្គល់នោះធ្វើអ្វី តាមតែចិត្តនោះទេ៕
ដោយ៖ឌឹម សឿន
