ភ្នំពេញ ៖ ចម្ងល់ថារឿងអីនៅតែមានឡានធំប្រឆាំងបទបញ្ជាចៅហ្វាយក្រុងបើកចូលក្រុងបុកស្ពានទាំងថ្ងៃត្រូវបានរកឃើញហើយថា ជា រថយន្ដកងដឹកជញ្ជូនផ្លាកសញ្ញា( H.C ) គឺជារបស់ក្រុមហ៊ុនលោកឧកញ៉ាឧត្តមសេនីយ៍ឯក ហ៊ុន ជា ក្មួយប្រុសសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាសោះ ចឹងបានខ្លាំងម៉េស។
សូមបញ្ជាក់ថានៅព្រឹកព្រលឹមថ្ងៃទី២៦ ខែកុម្ភៈ ឆ្នាំ២០១៩ គេឃើ្ រថយន្តដរថយន្តដ៏ធំនិងដ៏វែងមួយគ្រឿងដឹកកុងតឺន័រ និងដាក់អីវ៉ាន់ពីលើកុងតឺន័របន្ថែមទៀតដែលកម្ពស់ខ្ពស់ខុសធម្មតា បានធ្វើដំណើរយ៉ាងរលូនចូលរាជធានីភ្នំពេញតែចៃដន្យបុកជាប់ស្ពានស្ទឹងមានជ័យផ្អើលអស់អ្នកលេងបណណ្តាញសង្គមព្រោះវាបានបង្កការកកស្ទះចរាចរណ៍យ៉ាងខ្លាំង ។
បន្ទាប់ពីររថយន្តកងដឹកជញ្ជូន ផ្លាកសញ្ញា H.C ពាក់ផ្លាកលេខភ្នំពេញ 3R-0247 បានបង្កខូចខាតស្ពានចាកចេញផុតពីស្ពានស្ទឹងមានជ័យហើយបាន បើកយ៉ាងរំភើយ ប៉ុន្តែសមត្ថកិច្ចបានចេញទៅឃាត់ទាំងភ័យក្រោយខ្លាចគេសងសឹកបញ្ជូនទៅកាន់ការិយាល័យចរាចរណ៍ផ្លូវគោក រាជធានីភ្នំពេញ។
ប្រភពបញ្ជាក់ទៀតថា បច្ចុប្បន្នគេសង្កេតឃើញថា រថយន្តទៅធំទងតូចដឹកដី ដឹកទំនិញ ធ្វើចរាចរណ៍ទូទាំងប្រទេសសុទ្ធតែបិទស្លាក (H.C) ដែលមានអ្នកអ្នកអះអាងថាជាអក្សរកាត់ឈ្មោះ (Hun Chea)។ ស្លាកនេះប្រៀបបានជាយ័ន បម្លាចសមត្ថកិច្ចស័ក្តិតូចតាចឈរតាមផ្លូវ មិនហ៊ានទៅក្បែរព្រោះវាជាឡានក្រុមហ៊ុនលោកឧកញ៉ាឧត្តមសេនីយ៍ផ្កាយ៣ ហ៊ុន ជា ជាក្មួយប្រុសរបស់សម្តេចតេជោដែលមិនដឹងថាចេញពីគុកវិញពីកាល។
សារព័ត៌មានយើងខ្ញុំមិនអាចសុំការបំភ្លឺពីលោកឧកញ៉ាឧត្តមសេនីយ៍ផ្កាយ៣ ហ៊ុន ជា បានទេ នៅព្រឹកថ្ងៃទី២៦ ខែកុម្ភៈ ឆ្នាំ២០១៩នេះ៕