ភ្នំពេញ៖ ផ្កាយ២ប៉ូលិសមន្ទីរប្រឆាំងគ្រឿងញៀន និងកូនចៅមួយក្រុម ប្រមាណជាបួនទៅប្រាំនាក់មកពីការិយាល័យទី៤ ត្រុវបានអាជ្ញាធរខណ្ឌដូនពេញខ្លួនឃាត់ខ្លួនមួយដង្ហើមចង្រឹតពេលដែលកំពុងចុះទៅបង្ក្រាបគ្រឿងញៀនកាលពីយប់ថ្ងៃទី២៤ខែកុម្ភៈឆ្នាំ២០១៩ស្ថិតនៅមុខក្តាន់ពីរ សង្កាត់ ស្រះចក ខណ្ឌដូនពេញសង្ស័យការចុះបង្ក្រាបគ្រឿងញៀននេះមិនប្រក្រតី ។
ប្រភពឲ្យដឹងថាកម្លាំងខណ្ឌដែលចេញមកឃាត់ដឹកនាំដោយ លោក សុខ ពេញវុធ អភិបាលខណ្ឌដូនពេញ អមដោយលោកទៀងចន្ទ័សារអធិការខណ្ឌដូនពេញ និងលោកថោងពិសិដ្ឋ មេបញ្ជាការអាវុធហត្ថខណ្ឌ។លោកវរៈសេនីយ៍ឯកទៀង ចន្ទ័សារ បានហៅលោកផ្កាយ២ឱ្យចុះពីលើរថយន្តរបស់លោករួមនិងកូនចៅ ប្រហែលជាបួនប្រាំនាក់ ហើយបញ្ជូនទៅកាន់ស្នងការទាំងយប់ភ្លាម។
សូមបញ្ជាក់ថានេះជាករណីយ៍ឃាត់ខ្លួនទី២ដែល កន្លងមក នៅសង្កាត់ទឹកថ្លាខណ្ឌសែនសុខកម្លាំងអន្តរាគមន៍អគ្គស្នងការក៏បានចាប់ក្រៀកប៉ូលិសប្រឆាំងបទល្មើសសេដ្ឋកិច្ចមួយក្រុមដឹកនាំដោយលោកផ្កាយ២ម្នាក់ ខណៈចុះទៅឆែកឆេរឃ្លាំងបារីមួយកន្លែងរបស់ឧកញ៉ាដោយគ្មានការចូលរួមពីអាជ្ញាធរមូលដ្ឋាន។ទោះជាយ៉ាងណារឿងហ្នុងគេគ្របទុកបាត់ព្រោះវាមិនខុសអី។
គេសង្ស័យករណីចុះបង្ក្រាបគ្រឿងញៀនមិនសហការមន្ត្រីមូលដ្ឋាននេះវាប៉ះខ្សែខ្លាំងចឹងដែរក៏មិនដឹង?ឬវាជាការបង្ហាញសាច់ដុំរបស់ស្នងការថ្មីក៏មិនដឹង?៕
