ភ្នំពេញ ៖ លោកឧត្តមសេនីយ៍ត្រី ស្រេង សុខាមនុស្សចាស់វស្សាដែលជា ស្នងការរងនគរបាលខេត្តកណ្តាលបាន ភ្ជាប់ពាក្យជាមួយក្មេងស្រីស្រស់ស្អាតម្នាក់ទៀត នៅផ្សារអ្នកលឿង (ត្រើយខាងកើត) ខេត្តព្រៃវែង កាលពីព្រឹកថ្ងៃទី២៤ ខែកុម្ភៈ ឆ្នាំ២០១៩។
ក្នុងនាមជាមនុស្សដែលមានវ័យជ្រេអារឿងបានប្រពន្ធក្មេងខ្ចីវាមធ្យមទេប្រជាជនសសើរតែងំនិងធ្វើឲ្យប្រជាពលរដ្ឋអ្នកលេងបណ្តាញសង្គមភ្ញាក់ផ្អើលនៅត្រង់ថាជំនូនដែលលោកស្នងការរងនគរបាលខេត្តកណ្តាលជូនប្រពន្ធក្មេងគឺកប់លូហ្ម៉ងមានតម្លៃជិតកន្លះលានដុល្លារអាមេរិកណោះ!។ជំនូនរបស់លោកស្រេងសុខារួមមាន៖ជូនខាងស្រី ១០ម៉ឺនដុល្លារ និងរថយន្តលុចស៊ីស ៥៧០មួយគ្រឿង ដែលមានតម្លៃប្រមាណ ២២ម៉ឺនដុល្លារអាមេរិកថែមទាំងគ្រឿងអលង្ការមួយឈុតទៀត ពិតជាមិនធម្មតាមែនមិនដឹងថាលោករកស៊ីអីបានជាមានដល់ម្លឹងៗ។
ពិធីភ្ជាប់ពាក្យលោកស្រេង សុខា ស្នងការរងនគរបាលខេត្តកណ្តាលនេះ បានធ្វើអោយប្រជាពលរដ្ឋអ្នកជិតខាង បានលាន់មាត់ និងមានការភ្ញាក់ផ្អើលគ្រប់ៗគ្នា ហើយថែមទាំងបានស្ញើចសរសើរផងដែរ។
សូមបញ្ជាក់ដែរថាកាលពីអំឡុងខែតុលា ឆ្នាំ២០១៨ កម្លាំងមន្ទីរប្រឆាំងគ្រឿងញៀនក្រសួងមហាផ្ទៃ ការិយាល័យក៨ សហការជាមួយកម្លាំងការិយាល័យប្រឆាំងគ្រឿងញៀនស្នងការខេត្តកណ្តាល និងកម្លាំងនគរបាលអធិការក្រុងតាខ្មៅបានធ្វើការចុះបង្ក្រាបករណីជួញដូរគ្រឿងញៀននៅក្នុងផ្ទះសំណាក់របស់លោកស្រេងសុខាស្នងការរងចាប់ឃាត់ខ្លួន បានមនុស្សប្រុស ស្រីបីនាក់ ជាមុខសញ្ញាមេខ្លោងជួញដូរគ្រឿងញៀន និងថ្នាំញៀនជាច្រើន។
តែមកដល់ពេលនេះផ្ទះសំណាក់សុខនោះនៅតែដំណើរការដដែល?។អាឡូវមិនទាន់បាន១ឆ្នាផងស្ងាត់ៗ ស្រាប់តែលោកស្នងការរងធ្វើអោយមហាជនភ្ញាក់ផ្អើលដោយ ភ្ជាប់ពាក្យជាមួយក្មេងស្រីស្រស់ស្អាត ដោយជូនខាងស្រី ជិតកន្លះលានដុល្លារអាមេរិកថែមទៀត ពិតជាមិនធម្មតាមែន!!!។
ប្រភពព័ត៌មានច្បាស់ការមួយបានលួចបង្ហើបថា៖ លោកឧត្តមសេនីយ៍ត្រី ស្រេង សុខា ស្នងការរងនគរបាលខេត្តកណ្តាល ជាមនុស្សដែលមានប្រពន្ធច្រើន រៀបការហើយ ក្រោយមកលែងលះរហូត ចំពោះការភ្ជាប់ពាក្យនេះគឺជាភរិយាទី៤ហើយ(ប្រើប្រពន្ធចុះមែន)។មិនទាន់អាចសុំការបកស្រាយពីលោកឧត្តមសេនីយ៍ត្រី ស្រេង សុខាករណីយ៍លលុយជំនូននិងប្រពន្ធក្មេងព្រមទាំងថាហេតុអីបានជាចាប់បានគ្រឿងញៀនក្នុងផ្ទះសំណាក់លោកហើយនៅតែអាចដំណើការបានដូចច្នោះចឹង?៕