ភ្នំពេញ៖ នៅថ្ងៃទី ២៣ ខែ កុម្ភៈ ឆ្នាំ២០១៩ រដ្ឋបាលសាលារាជធានីក្រោមបញ្ជាររបស់លោកឃួងស្រេង បានចេញសេចក្តីសំរេចមួយបិទទាំងស្រុង មជ្ឈមណ្ឌលកំសាន្ត រ៉ុក ដែលមានទីតាំងស្ថិតនៅក្នុង សង្កាត់ទន្លេរបាសាក់ ខណ្ឌចំការមន។
ការប្រកាសបិទក្លឹបរបស់ឧកញ៉ាគិតធៀងដែលកន្លងមកមិនសូវមានសមត្តកិច្ចណាហ៊ានប៉ះគឺក្រោយពីសមត្ថកិច្ចនគរបាលរាជធានីដឹកនាំបញ្ជារផ្ទាល់ពីលោកឧត្តមសេនីយ៍សថេតចុះបង្ក្រាបករណីគ្រឿងញៀន ទ្រង់ទ្រាយធំកាលពីរំលងអធ្រាតចូលព្រឹកថ្ងៃទី២៣កុម្ភៈ ។
លោកសថេតបានឲ្យដឹងាតមហ្វេសប៊ុកថា៖
ខ្ញុំ និងស្នងការរងជាច្រើនរូប ព្រមទាំងកម្លាំងជំនាញចម្រុះ បានចុះបង្ក្រាបគ្រឿងញៀនទ្រង់ទ្រាយធំដោយផ្ទាល់នៅមជ្ឈមណ្ឌលកម្សាន្តរ៉ុក ដោយឃាត់ខ្លួនអ្នកប្រើប្រាស់ និងអ្នកចែកចាយជាង៣០០នាក់ ក្នុងនោះមានជនជាតិចិន១៤នាក់ ហើយដកហូតបានគ្រឿងញៀនជាង៣៩គីឡូក្រាម និងសារធាតុញៀនជាទឹក ៩គីឡូ២ខាំ ជញ្ជីងថ្លឺងគ្រឿងញៀន ១២ និងកាំភ្លើងខ្លី១ដើម។
ការបង្ក្រាបដែលចាប់បានគ្មានអាណាមួយរត់រួចចឹងគេជឿថា៖ ត្រូវបានគេរៀបចំផែនការយ៉ាងកំបាំង មិនបែកធ្លាយព័ត៌មានទេ ។
ជាការកត់សម្គាល់ ក្នុងពេលបើកប្រតិបត្តិការបង្ក្រាប សមត្ថកិច្ចមិនអនុញាតអោយអ្នកសារព័ត៌មានណាម្នាក់ចូលទៅក្នុងរង្វង់ប្រតិបត្តិការនោះឡើយ។បន្ទាប់មកបានគេខើញមានមន្ត្រីជាន់ខ្ពស់នៃអាជ្ញាធរគ្រឿងញៀនមានលោកនាយឧត្តមសេនីយ៍មាសវិរិទ្ធអគ្គលេខាធិការអាជ្ញាធរប្រឆាំងគ្រឿងញៀនលោកធនាយឧត្តមសេនីយ៍ម៉កជីតូអគ្គស្នងការរងនគរបាលជាតិបានមានវត្តមានមកសង្កេតផងដែរ។
សូមបញ្ជាក់ថាតាមពតិមានពីបណ្តាញសង្គមហ្វេសប៊ុកបានឲ្យដឹងថា៖ក្រោយពេលបង្ក្រាបមជ្ឈមណ្ឌលរ៉ុកទ្រង់ទ្រាយធំនេះតាមបណ្តាញសង្គមហ្វេសប៊ុកបានលេចពតិមានថា៖លោកឧកញ៉ាគិតធាងថៅកែក្លឹបរ៉ុកនេះធ្លាប់បានធ្វើកិច្ចសន្យាមួយច្បាប់ជាមួយសមត្តកិច្ចដោយខ្លឹមសារដូចខាងក្រោម÷
សូមសន្យាចំពោះមុខអាជ្ញាធរមានសមត្ថកិច្ចគ្រប់ជាន់ថ្នាក់ថា÷
១ មិនអនុញ្ញាតឲ្យមានផលិតជួញដូរចែកចាយ និងប្រើប្រាស់គ្រឿងញៀនក្នុងទីតាំងអាជីវកម្មរបស់ខ្លួន។២ ត្រូវចូលរួមសហការជាមួយអាជ្ញាធរមានសមត្ថកិច្ចនិងរាយការណ៍ជាបន្ទាន់ក្នុងករណីសង្ស័យមានការផលិតជួញដូរចែកចាយនិងប្រើប្រាស់គ្រឿងញៀនក្នុងទីតាំងអាជីវកម្មរបស់ខ្លួន។
៣ អនុវត្តតាមកិច្ចសន្យាបានសន្យាជាមួយអាជ្ញាធរមានសមត្ថកិច្ចពេលសុំបើកអាជីវកម្មរបស់ខ្លួន។ក្នុងករណីដែលខ្ញុំបាទនាងខ្ញុំមិនអនុវត្តទៅតាមខ្លឹមសារសន្យាខាងលើខ្ញុំបាទនាងខ្ញុំសុខចិត្តឲ្យអាជ្ញាធរមានសមត្ថកិច្ចគ្រប់ជាន់ថ្នាក់បិទអាជីវកម្មទាំងស្រុងនិងទទួលខុសត្រូវតាមច្បាប់ស្តីពីការត្រួតពិនិត្យគ្រឿងញៀនព្រមទាំងច្បាប់ផ្សេងៗទៀត។
បើចឹងមែននោះតើលោកឧកញ៉ាគិតធាងនឹងត្រូវទទួលទោសកំរឹតណាបើមកដល់ពេលនេះគេនៅមិនទាន់ឃើញក្បាលអស់លោកមានសមត្តកិច្ចណាម្នាក់ទៅហៅឧកញ៉ាគិតធាងសួរនាំអីផងហ្នឹង?។ចាំមើលមើលវាល្ម៉េចវិញសម្រាប់អ្នកមានលុយនិងជាអ្នកមានគុណដល់មន្ត្រីជាន់ខ្ពស់ដែរផងនោះព្រោះសាលាក្រុងថាសមត្តកិច្ចនឹងស្រាវជ្រាវរកអ្នកនាំចូលគ្រឿងញៀនទៀត?៕
