កំពង់ឆ្នាំង៖ នៅព្រឹកថ្ងៃទី១៩ និងថ្ងៃទី២០ ខែកុម្ភ ឆ្នាំ២០១៩នេះប្រជាពលរដ្ឋចំនួន៣៧គ្រួសារនៅក្នុងសង្កាត់ផ្សារឆ្នាំង ក្រុងកំពង់ឆ្នាំងបាននាំគ្នាមកសង់រោងនៅលើដីទំនាស់ដែលដីនេះប្រជាពលរដ្ឋបានទិញពីលោកអៀរ គុយម៉ង់(ហៅក្ដាន់)។
ប៉ុន្តែក្រោយពេលទិញហើយដីនេះបានម្ចាស់ដីលោកអៀរ គុយម៉ង់ក៏បានមានទំនាស់គ្នាជាមួយលោកលី ផេង ហើយតុលាការរាជធានីភ្នេញលោកចៅក្រម ធាម ចាន់ពិសិដ្ឋក៏បានកាត់ក្ដីសម្រេចអោយទៅលោកលី ផេងឈ្នះក្ដីហើយដកយកដីនេះពីប្រជាពលរដ្ឋទើបធ្វើអោយប្រជាពលរដ្ឋមិនសុខចិត្តបាននាំគ្នាធ្វើការតវ៉ាជាបន្តបន្ទាប់។
ទោះជាយ៉ាងណារឿងទំនាស់ដីធ្លីដដ៏រាំរ៉ៃដែលមានទីតាំងនៅចំណុចចុងកោះក្នុងភូមិទី៧ សង្កាត់ខ្សាម ក្រុងកំពង់ឆ្នាំង រវាងលោកលី ផេង និងលោកអៀរ គុយម៉ុង ក៏ត្រូវបានតំណាងរាស្ត្រក្រៅប្រព័ន្ធនិងគណៈកម្មាធិការវិវាទដីធ្លីថ្នាក់ជាតិស្រាវជ្រាវរកឃើញហើយ បើទោះជាសាលាដំបូងរាជធានីភ្នំពេញដែលមានចៅក្រមលោកធៀម ចាន់ពិសិដ្ឋកាត់ក្ដីអោលោកលី ផេងឈ្នះក្ដីក៏ដោយ។
លោកជៀម ហៃជាម្ចាស់ដីខ្លាយជាជនឆបោក ដោយលោកជៀម ហៃមានដីតែ១កន្លែងបែជាយកដីនោះលក់ទៅអោយមនុស្ស២នាក់ផ្សេងគ្នា គឺលក់អោយលោកលី ផេងផង និងលក់អោយលោកអៀរ គុយម៉ុងផង។ប្រជាពលរដ្ឋរងគ្រោះចំនួន៣៧គ្រួសារនៅក្រុងកំពង់ឆ្នាំងបានសម្ដែងនូវការក្ដៅក្រហាយយ៉ាងខ្លាំងនិងរិះគន់ចំៗទៅលើលោកធៀម ច័ន្ទពិសិដ្ឋចៅក្រសាលាដំបូងរាធានីភ្នំពេញដែលកាត់ក្ដីដោយមិនមានភាពយុត្តិធម៏និងអត់យល់ពីអាថ៍កំបាំងនៅក្នុងសំណុំរឿងទំនាស់ដីធ្លីរវាងលោកអៀរ គុយម៉ុងនិង លោកលី ផេង ។
ព្រោះកំហុសដើមហេតុមកពីម្ចាស់ដីលោកជៀម ហៃមានដីតែ១កន្លែងហើយបានយកដីនេះលក់ទៅអោយមនុស្ស២នាក់ផ្សេងគ្នា។ ដំបូងលក់អោយលោកសាយ សូរហើយលោកសាយ សូរក៏ផ្ទេរដីនេះលក់ទៅអោយលោកអៀរ គុយម៉ុងផង ហើយលោកជៀមហៃក៏បានយកដីនេះលក់ទៅអោយលោកលី ផេងផងដែរទើបបានជាមានរឿងបែបនេះ។
ប្រជាពលរដ្ឋអ្នកទិញដីពីលោកអៀគុយម៉ុងដែលបានទិញដីបន្តពីលោកសា សូកំពុងរងការខាតបង់និងរងនូវភាពអយុត្តិធម៏ជាទីបំភផុតនិងស្នើអោយសាលាដំបូងរាជធានីភ្នំពេញលើកយករឿងក្ដីមួយនេះមកពិរណាឡើងវិញ ព្រោះដីនេះបើយោងតាមប្រភពពីប្រជាពលរដ្ឋបានអោយដឹងថា ដំបូងឡើយដីនេះគឺម្ចាស់ដីឈ្មោះ កែវ វណ្ណថា ត្រូវជាកូនប្រុសរបស់លោកតាជៀម ហៃ បានលក់ដីនេះទៅអោយឈ្មោះសាយ សូរដោយទទួលបានលុយកក់ត្រឹមតែ២០០០ដុល្លាប៉ុណ្ណោះដោយបានសន្យាប្រគល់លុយថ្លៃទិញដីទៅអោយម្ចាស់ដីឈ្មោះកែវ វណ្ណថាជាបន្តបន្ទាប់រហូតគ្រប់ចំនួនទៅតាមថ្ងៃកំណត់ក្នុងកិច្ចសន្យា។
ប្រភពបានបន្តទៀតថា៖លុះដល់ថ្ងៃកំណត់ប្រគល់លុយហើយខាងភាគីលោកសាយ សូរនៅតែមិនឃើញយក លុលថ្លៃដីមកប្រគល់អោយនោះទេ ស្របពេលដីនៅតំបន់នោះឡើងថ្លៃផងព្រោះជាដីនៅជាប់មាត់ទន្លេនិងនៅជាប់តំបន់អភិវឌ្ឍន៍ផ្សារថ្មីក្រុងកំពង់ឆ្នាំងផងនោះទើបលោកកែវ វណ្ណថា សម្រេចចិត្តដកយកដីនោះពីលោកសាយ សូរ ទៅលក់អោយមនុស្សម្នាក់ទៀតគឺលោកលី ផេងនេះឯង ។ ដែលករណីនេះក៏ត្រូវបានលោកសាយ សូរប្ដឹងលោកកែវ វណ្ណថាវិញផងដែរដោយមានលោកជំុ ណារិន(ហៅហឿន)ជាតំណាងចេញមុខប្ដឹង។
ក្រោយមកឮថាលោកសាយ សូរបានផ្ទេរសិទ្ធិកាន់កាប់ដីនោះទៅអោយលោកអៀរ គុយម៉ុងហើយលោកអៀរ គុយម៉ុងក៏ចាប់ផ្ដើមដឹកដីចាក់អោយខ្ពស់ហើយពុះជាឡូត៍អង្កន់លក់ទៅអោយប្រជាពលរដ្ឋក្នុងតម្លៃខ្ពស់ដែលក្នុង១ប្លង់៥m×២០តម្លៃចាប់ពី៥២០០ដុល្លារហូតដល់ជាង១ម៉ឺដុល្លាអាមេរិចឯណោះទៅតាមកន្លែងត្រូវប៉ាន់ឬមិនត្រូវប៉ាន់។
ដំណឹងនេះក៏បានលេចឮទៅដល់លោកលី ផេងដែលបានទិញដីជាន់នៅលើដីនោះដែរទើបលោកលី ផេងដាក់ពាក្យប្ដឹងចូលទៅកងរាជអាវុធហត្ថលើផ្ទៃប្រទេស ហើយអាវុធហត្ថលើផ្ទៃប្រទេសបានសហការជាមួយអាវុធហត្ថខេត្តកំពង់ឆ្នាំងដាក់កំលាំងចុះមករុះរើដកបង្គោលព្រំដីដែលលោកអៀរ គុយម៉ុងបែងប្លង់ពុះឡូត៍លក់អោយប្រជាពោលរដ្ឋចេញអស់ និងមានការប្ដឹងតវ៉ាគ្នានៅសាលាដំបូងខេត្តកំពង់ឆ្នាំងជាបន្តបន្ទាប់។
ក្រោយមកមិនដឹងយ៉ាងម៉េចរឿងក្ដីមួយនេះក៏បានបញ្ជូនទៅដល់សាលាដំបូងរាជធានីភ្នំជាអ្នកចាត់ការទៅវិញ ហើយក៏ត្រូវសាលាដំដូងរាជធានីភ្នំពេញលោកចៅក្រមធៀម ចាន់ពិសិដ្ឋសម្រេចកាត់រឿងក្ដីនេះអោយទៅខាងភាគីលោកលី ផេងជាអ្នកឈ្នះក្ដីទាំងមិនបានស្រាវជ្រាវអោយបានស៊ី ជម្រៅនិងមិនមានភាពយុត្តិធម៏ឡើយ បើទោះជាឯកឧត្តមឈួរ ច័ន្ទឌឿនអភិបាលខេត្តកំពង់ឆ្នាំងបានជួយរកដំណោះស្រាយដោយត្រូវប្រគល់ដីនោះទៅអោយប្រជាពលរដ្ឋម្ចាស់ដីចំនួន៣៧គ្រួសារក៏ដោយ។ ព្រោះប្រជាពលរដ្ឋទាំងនេះពួកគាត់បានចំណាយលុយទិញដីនោះដោយបានប្រគល់ប្រាក់គ្រប់ចំនួនអោយទៅភាគីអ្នកលក់ដីនោះអស់ទៅហើយ។ រីឯរឿងភាគីទំនាស់ទុកអោយច្បាប់ដោះស្រាយទៅតាមនិតិវិធីយ៉ាងណាក៏ដោយ។
ករណីនេះកាលពីថ្ងៃទី០៥ ខែវិច្ឆិកា ឆ្នាំ០១៨កន្លងទៅមានប្រជាពលរដ្ឋនៅក្នុងក្រុងកំពង់ឆ្នាំងចំនួន៤៣គ្រួសារដែលជាអ្នករងគ្រោះដោយសារឈ្មួញដីទាំង២ខាងលើបានមកជួបជុំគ្នានៅលើដីទំនាស់ដោយមានរូថតសម្ដេចកាន់នៅដៃស្ទើគ្រប់គ្នាសូមសំណូមពរដល់សម្ដេចអគ្គមហាសេនាបតី តេជោហ៊ុន សែន និងសម្ដេចកិត្តិព្រឹទ្ធបណ្ឌឹតប៊ុនរ៉ានីហ៊ុន សែនមេត្តាជួយផ្ដល់យុត្តិធម៏លដល់ពួកគាត់ផងព្រោះមានតែសម្ដេចទាំងទ្វេរទេដែរអាចជួយពួកគាត់បាន ៕
