សៀមរាប ៖ កម្លាំងគយចល័តរបស់អគ្គនាយកដ្ឋានគយ និងរដ្ឋាករ រួមទាំងកម្លាំងអាវុធហត្ថលើផ្ទៃប្រទេស បានធ្វើការបង្ក្រាបរថយន្តស៊េរីទំនើបៗ ចំនួន២គ្រឿង ដែលមានតម្លៃរាប់ម៉ឺនដុល្លារនៅភូមិសាស្ត្រខេត្តសៀមរាប នៅថ្ងៃទី១៩ កុម្ភ:ព្រឹកមិញនេះ។
ការបញ្ជូនកម្លាំងគយចលត័ពីភ្នំពេញទៅធ្វើការបង្ក្រាបរថយន្តគ្មានពន្ធនៅអាណាចក្រខេត្តសៀមរាបមួយករណីយ៍នេះបង្ហាញថាគយខេត្តសៀមរាបងាប់ត្រកៀកអត់ធើការឬឃុបឃឹតជាមួយឈ្មួញហ្ម៉ងបានចឹង។ រថយន្តអត់ពន្ធដែលបង្ក្រាបនេះ ទី១ស៊េរីទំនើបម៉ាកអាល់ហ្វា ស្លាកលេខភ្នំពេញ២U-៥៥៥៧ ទី២ម៉ាកអូឌីស្លាកលេខ ភ្នំពេញ២W-៤៨៤៨។
គួរបញ្ជាក់ថា នៅខេត្តសៀមរាប ដែលជាក្រុងទេសចណ៍ដ៏ប្រណិតនេះ មួយរយ:ចុងក្រោយមកនេះ គេសង្កេតឃើញ ពលរដ្ឋ មានរថយន្តស៊េរីទំនើបៗ ជិះជាច្រើន គេមិនដឹងថា រថយន្តទាំងនោះ មានពន្ធឬគ្មានពន្ធនោះទេ។ រថយន្តខ្លះ បំពាក់ស្លាកលេខ ខ.ម និងខ្លះទៀតបំពាក់ស្លាកលេខ ន.ប៕
