សៀមរាប ៖ បែកធ្លាយមន្ត្រីពេទ្យសត្វក្រុងសៀមរាបកាត់យកសាច់ជ្រូកពីអាជីវករមួយក្បាលជិត០១គីឡូក្រាមសរុប១ថ្ងៃបានជិត៣០០គីឡូក្រាមក្រោមលេសថាយកទៅពិសោធ ឲ្យដឹងថាជ្រូកនោះមានជំងឺឬអត់?តែនៅតែឲ្យលក់សាច់ដែលកាប់ដដែលគ្មានចេញលទ្ធផលស្អីឡើយ។។
បើតាមប្រជាពលរដ្ឋជាអាជីវករឲ្យដឹងថាៈពួកគេប្រព្រឹត្តបែបនេះរាប់សិបឆ្នាំមកហើយ ។ អាជីវកជាច្រើនអ្នកលក់សាច់ជ្រូកក្នុងផ្សាលើធំថ្មី អោយដឹងថាមន្ត្រី ពេទ្យសត្វកាត់សាច់ជ្រូកពីគាត់មួយក្បាលជិត០១គឺឡូក្រាមយកទៅពិសោធ។ ចំណែកប្រាក់វិញពេទ្យសត្វយក១៥០០រៀល០១ក្បាល ឈ្នួលអ្នកធ្វើជ្រូកមួយក្បាល៣០០០រៀល ។បង់ស្តង់សត្វឃាត្ត០១ក្បាល៦០០០រៀលសារុប១០៥០០រៀលយកម្តង។
ថាយកលុយយកចុះតែអ្វីដែលវាហួសហេតុនោះមន្ត្រីពេទ្យសត្វកូនចៅលោកព្រុំវិចតម្រូវយកជ្រូកមួយក្បាលដែលកាប់លក់កាត់យកសាច់ជិត០១គីឡូក្រាម យកទៅពិសោធទៀត។ បើសរុបទៅវាច្រើនគីឡូចឹង គឺពួកគេយកសាច់ទៅលក់តែម្ដង ព្រោះមួយព្រឹកៗប្រមូលបានសាច់ជ្រូកពីរការរ៉ុង។ ពួកគាត់បន្តថា កុងស៊ីកាប់ជ្រូកចែកចាយក្នុងខេត្ត ដូចជាផ្សារធំថ្មី ផ្សារចាស់ ផ្សារក្រោម ផ្សារដើមក្រឡាញ់ មួយយប់កាប់ជ្រូកពី៣៥០ក្បាលទៅ៤០០ក្បាលណោះ។
ដូច្នេះបើយើងត្រូវគិតសាកមើលបើត្រឹម៣៥០ក្បាលគុណនិង០៧ខាំត្រូវជា២៤៥គីឡូក្រាមហើយគុណតែ០១ម៉ឺនរៀលចុះស្មើនឹង ២៤៥០០០០(ពីលានសែសិបប្រាំម៉ឺន)បាត់។ចឹងបើ គុណនិងមួយខែ(៣០ថ្ងៃ)ត្រូវជា៧៣៥០០០០០(ចិតសិបបីលានប្រាំសែនរៀល)មួយខែ។ចុះ បើយើងគិតមួយឆ្នាំ១២ខែ ហើយបើគុណឆ្នាំ១០ឫ២០ឆ្នាំក្រោមការគ្រប់គ្រងរបស់លោកព្រុំវិច ប្រធានការិយាល័យ ផលិតកម្ម និងបសុព្យាបាល ខេត្តសៀមរាប ឃើញថា៖ប្រាក់មហាសាលអាចទិញឡានស៊េរីទំនើបឬភូមិគ្រឹះថ្មីមួយបាន។នេះគ្រាន់តែសាច់ជ្រូកសុទ្ធ មិនទាន់គិតអំពីសាច់គោទៀតផង។
ពាក្យចាស់ពោលថាត្រីងៀតឈ្លៀតពង កន្ទេលធំបន្លំដេក យកបានក៍ចេះតែយកទៅ រលួយបានក៏ចេះតែរលួយទៅ ច្បាប់ពុករលួយនៅតែភ្នំពេញតើធើប្រដាប់អីពួកនេះ?! ។
ករណីយ៍នេះ សហភាតរៈយើងទៅជួប លោកសែ មន្ត្រីពេទ្យសត្វប្រចាំការកុងស៊ី។ ពេលសួរថាអាជីវក៍លក់សាច់ជ្រូកចោទលោកថា កាត់សាច់ជ្រូកមួយក្បាលចាប់ពី០៧ខាំទៅ០១គីឡូក្រាមតើរឿងនិងពិតដែរឫទេ? លោកសែឆ្លើយថា ខ្ញុំមិនអាចឆ្លើយបានទេព្រោះអីខ្ញុំធ្វើការតាម មេរបស់ខ្ញុំ ។ ចង់ដឹងច្បាស់ទៅជួបមេខ្ញុំទៅឈ្មោះព្រុំវិច?!។
លោកវិចឆ្លើយតបជាមួយសារព័ត៌មានថា ៖ ចាំថ្ងៃច័ន្ទ ខ្ញុំមកពីភ្នំពេញវិញ ខ្ញុំបង្ហាញញឯកសាឲ្យរមើលទាំងអស់!។ តែដល់ថ្ងៃច័ន្ទទូរសព្ទ័ឲ្យងាប់ទាំងខ្លួនក៏លោកវិចមិនលើកទូរស័ព្ទ ដែរធើប្រដាប់អីវិច?។
ទោះបីយ៉ាងណា លោក ព្រុំ វិច អោយដឹងតាមទូរស័ព្ទកាលពី កន្លះខែមុន ថា ៖ ពេទ្យសត្វគេកាត់យកមួយក្បាល០១ខាំឫ២ខាំទេ នេះជាសម្ដីលោកព្រុំវិច។ ចុះបើភស្តុតាងជាក់ស្ដែងឃើញជិតមួយគីឡូក្រាមចឹង តើលោកព្រុំវិចគិតយ៉ាងម៉េចចុះ? អង្គភាពប្រេឆាំងពុករលួយដឹងអត់រឿងមន្ត្រីពេទ្យសត្វខេត្តសៀមរាបច្រះសាច់ជ្រូក១ថ្ងៃ២៤៥គីឡូក្រាមដែរអត់?។ រងចាំភាគបន្ត ។
