ខេត្តព្រៃវែង ៖ ករណីសមត្តកិច្ចបានបង្ក្រាបបទល្មើសគ្រឿងញៀន នៅថ្ងៃទី២០ ខែកក្កដា ឆ្នាំ២០១៦ កម្លាំងកងរាជអាវុធហត្ថខេត្តព្រៃវែងដឹកនាំកម្លាំងដោយលោកអនុសេនីយ៍ឯក ផាត់ សុជោត ប្រធានមន្ទីរយុត្តិធម៌បានសហការណ៍ជាមួយកងរាជអាវុធហត្ថស្រុកស៊ីធរកណ្តាល ចុះបង្ក្រាបទល្មើស គ្រឿងញៀន១ករណីស្ថិតនៅចំភូមិអំពិលក្រៅ ឃុំអំពិលក្រៅ ស្រុកស៊ីធរកណ្តាលខេត្តព្រៃវែង ។
កងរាជអាវុធហត្ថបង្ក្រាបនិងឃាត់ខ្លួនជនសង្ស័យបានម្នាក់ឈ្មោះ សៅ បូរ៉ាន់ ភេទប្រុសអាយុ២០ឆ្នាំ មានទីលំនៅភូមិលេខ៣ ឃុំ អំពិលតាពក ស្រុកអូរាំងឪ ខេត្តត្បូងឃ្មុំ មុខរបមិនពិតប្រាកដ ។ វត្ថុតាងរួមមានម្ស៉ៅក្រាមពណ៌សចំនួន.២កញ្ចប់តូចនិងម៉ូតូ១គ្រឿង ទូរសព្ទ័ដៃ១គ្រឿងនិងប្រាក់ ៥០០០០រៀល ។ នេះដោយមាន ការបង្ហុលបង្ហាញពីលោកវរសេនីយឯក ឈួន គឹមសាន មេបញ្ជាការរង និងនាយសេនាធិការនិងជាមេបញ្ជាការស្តីទីកងរាជអាវុធហត្ថខេត្តព្រៃវែង ។
បច្ចុប្បន្នបាននាំជនសង្ស័យទៅទីបញ្ជាការកងរាជអាវុធហត្ថខេត្តដើម្បីកសាងសំណុំរឿងតាមនីតិវិធីច្បាប់ ។ ដោយមានការយកចិត្តទុកដាក់ពីសំណាក់មេបញ្ជាការ និងមន្ទីរយុតិ្តធម៌កងរាជអាវុធហត្ថខេត្ត ដើម្បីលុបបំបាត់រាល់ការចែកចាយ និងប្រើប្រាស់គ្រឿងញៀនក៏ដូចរក្សាសុវត្ថភាពជូនដល់ប្រជាពលរដ្ឋក្នុងខេត្តឲ្យបានល្អប្រសើរ ៕
