កំពង់ធំ ៖ កុំតែបានដើមឈើទប់កុំអីគ្មានក្បាលសមត្តកិច្ចណានៅតាមផ្លូវជាតិលេខ ៦២ ដឹងថាមានបទល្មើសព្រៃឈើឡើយ? ។
ជាក់ស្តែងបទល្មើសដឹកជញ្ជូនឈើចេញពីខេត្តព្រះវិហារ ដែលខ្មែរយើងអួតថាស្រុកឈើប្រណិតតាមរថយន្តសាំយ៉ុង ។ ពេលដែលកំពុងតែធ្វើដំណើរក៏បាន បែកកង់រ៉េចង្កូតទៅបុកម៉ូតូពីក្រោយ បណ្តាលឲ្យម្ចាស់ម៉ូតូដួលបាក់ជើង ក្នុងទិសដៅស្របគ្នា ពីទិសខាងជើង ទៅត្បូង នៅចំនុចភូមិបុស្សវែង ឃុំសាលាវិស័យ ស្រុកប្រាសាទបាល្ល័ង្គ ខេត្តកំពង់ធំ នៅថ្ងៃទី១៥ ខែកុម្ភះ ឆ្នាំ ២០១៩ ។
រថយន្តសាំយ៉ុងដែលបង្ករហេតុ មានផ្ទុកឈើប្រណិតចំនួន ៥២ស្លឹក ក្រោយពីបុកម៉ូតូ បានជ្រុលទៅបុកដើម អាកាស្យា នៅវេលាម៉ោង២.រសៀលទើបឈប់។ រថយន្តសាំយ៉ុង ពណ៌ស ពាក់ស្លាលលេខ ភ្នំពេញ 2H 4322 បើកបរដោយម្ចាស់ឈ្មោះ ផាត បានដឹកឈើចេញពីខេត្តព្រះវិហារ ចូលមកខេត្តកំពង់ធំ។
ម្ចាស់រថយន្តបានគេចខ្លួន បាត់ស្រមោល នឹងបានបន្សល់រថយន្ត នឹងឈើ៥២សន្លឹក រួមទាំង ម៉ូតូមួយគ្រឿង នៅកន្លែងកើតហេតុ រថយន្តត្រូវបានសមត្ថកិច្ច យកទៅរក្សាទុកនៅ សង្កាត់រដ្ឋបាលព្រៃឈើ សាលាវិស័យ ចំណែកជនរងគ្រោះ ត្រូវបានបញ្ជូនមកកាន់មន្ទីរពេទ្យ ដើម្បីជួយសង្គ្រោះអាយុជីវិត។
បើតាមការរៀបរាប់របស់ អ្នកដែលបាននៅកន្លែងកើតហេតុ បានឲ្យដឹងថា ផ្លូវជាតិលេខ៦២នេះ មានរថយន្ត ដឹកបទល្មើសក្នុងមួយថ្ងៃៗ មិនក្រោមពី ២០ឡាន ទៅ៣០ឡាននោះទេ។ ផ្លូវជាតិលេខ ៦២នេះ មានកុងត្រូលជជុះរាប់មិន អស់មិនដឹងជា ស្ថាប័នខាងណាខ្លះនោះទេ។