ភ្នំពេញ ៖ ភិក្ខុ ង៉ែត រ៉ាល់ ត្រូវបានតែងតាំងជាព្រះចៅអធិការវត្តច្បារអំពៅ នៅព្រឹកថ្ងៃទី១៦ ខែកុម្ភៈ ឆ្នាំ២០១៩នេះ ជំនួសតេជគុណ ហោ សុខុនដែល ត្រូវបានដេញចេញពីតួនាទីព្រះចៅអធិការវត្តច្បារអំពៅ និងទីប្រឹក្សាសម្តេចព្រះសង្ឃរាជ និងសង្ឃនាយក ហើយត្រូវបានចាប់បង្ខំផ្សឹកកាលពីយប់ថ្ងៃទី១៣កុម្ភ:។
សម្ដេចសង្ឃនាយក សម្ដេច នន្ទ ង៉ែត និងមេគណៈរាជធានីភ្នំពេញ សម្ដេច ឃឹម សន និមន្ដ-ចូលរួមការប្រកាសចៅអថិការវត្តច្បារងំពៅថ្មីនេះ។
ក្នុងពិធីនៅព្រឹកថ្ងៃទី១៦កុម្ភ: ក្រៅពីភិក្ខុ ង៉ែត រ៉ាល់ ដែលត្រូវបានតែងតាំងជា ចៅអធិការវត្តច្បារអំពៅនោះមាន ភិក្ខុ ហាស់ សុជាតិ ត្រូវបានតែងតាំងជា គ្រូសូត្រស្ដាំ និងមួយអង្គទៀតជាគ្រូសូត្រឆ្វេង ព្រមទាំង៥អង្គផ្សេងទៀត តែងតាំងជាគណៈវិន័យ និងលេខា។
សូមរំលឹកថា ព្រះតេជគុណ ហោ សុខុន ត្រូវបានគណៈសង្ឃសម្រេចផ្សឹកនៅយប់ថ្ងៃទី១៣ ខែកុម្ភៈ នេះនៅវត្តបុទុមវតី បន្ទាប់ត្រូវបានបញ្ចប់តួនាទីជាចៅអធិការវត្តច្បារអំពៅ និងទីប្រឹក្សាសម្តេចព្រះសង្ឃរាជ ទេពវង្ស។ ការចាប់ផ្សឹកគឺដោយសាតែការចចេសរបស់តេជគុណហោសុខុនហ៊ានបញ្ចេញមតិរឿងនយោបាយសសើរសម្តេចសខេងថាជាផ្កាយរាសីជួយប្រទេសជាតិភ្លេចមើលសម្តេចតេជោទោះត្រូវអាជ្ញាធររាជធានីព្រមានក៏ដោយ។ មានការវាយតម្លៃថាការបង្ក្រាបតេជគុណហោសុខុនដែលជាសកម្មជនអ្នកចេញមុខការពារសាសនាទល់និងមេបក្សសម្ព័ន្ធនិងជាសង្ឃគាំទ្របក្សប្រជាជនដ៏សកម្មមួយអង្គគឺបង្ហាញពីការគម្រាមផ្ទៃក្នុងមួយឈុត?!៕
