មណ្ឌលគិរី ៖ ដីចំការស្រល់ដែលជាដិរដ្ឋត្រូវបានរកឃើញថាមានឈ្មោះលោកអភិបាលស្រុកមានដី៣ហិកតា និងមានដីកូនរបស់ឯកឧត្តមរដ្ឋមន្ត្រីក្រសួងរៀបចំដែនដីទៀត រួមទាំងដីអភិបាលរងស្រុកអូរាំងផង ។
យោងតាមកំណត់ហេតុចុះត្រួតពិនិត្យរបស់ក្រុមការងារដឹកនាំដោយលោកនាយរងខ័ណ្ឌរដ្ឋបាលព្រៃឈើចំណុះឲ្យមន្ទីរកសិកម្មខេត្តមណ្ឌលគីរិចុះ ថ្ងៃទី ១៤ ខែ កុម្ភៈ ឆ្នាំ ២០១៩ (គ្មានវត្តមានអភិបាលស្រុក និងចៅសង្កាត់ចូលរួមជាមួយនោះទេ) ដើម្បីឲ្យដឹងពិតប្រាកដថាតើ ដីចំការស្រល់ជាង២២៥ហិចតាដែលជាកេរ្តិ៍ដំណែលព្រះបរមរតនកោដ្ឋ និងជាទ្រព្យរបស់រដ្ឋទៀតផងហើយ កំពុងព័ទ្ធរបង ជារបស់អ្នកណា?។
នៅក្នុងកំណត់ហេតុ លោក សារូ រតនា នាយរងខ័ណ្ឌអះអាងថា ការរំលោភកើតឡើងដោយសារហាងឆេងដីត្រូវប៉ាន់ ការយកឈ្មោះអ្នកមានអំណាច មុខមាត់ តួនាទីមុខងារ ធ្វើជាឈ្នាន់ បន្លាចដល់អ្នកតូចតាច ហើយទន្ទ្រានកាន់កាប់ដោយខុសច្បាប់គ្មានកោតក្រែង ឬគោរពច្បាប់បន្តិចសោះឡើយ។
លោកនាយរងខ័ណ្ឌបានបន្ទោសធ្ងន់ៗដល់អាជ្ញាធរដែលធ្វេសប្រហែសបណ្តោយឲ្យមានការរំលោភដីរដ្ឋក្នុងចំការស្រល់នេះបាន។
ដោយឡែកមន្ត្រីចាប់ពីកំរឹតថ្នាក់ភូមិឬមូលដ្ឋាន សមាជិកក្រុមប្រឹក្សាឃុំ និងមេបញ្ជាការសឹករងស្រុក បានត្រឹមឆ្លើយយករួចខ្លួនអ្នក ខ្លះឆ្លើយថាបោះរបងទុកឲ្យរដ្ឋជាដើម?។អ្នកឃើញទិដ្ឋភាពការបោះបង្គោលព័ទ្ធយកដីចំការស្រល់ បាន រិះគន់ថា៖បើថ្នាក់ចៅហ្វាយស្រុកហ៊ានស៊ីញ៉េលក់ដីរដ្ឋបែបនេះ រឿងអីពួកវាមិនមានឡានថ្មីផ្ទះថ្មីនៅ។ប្រជាពរលដ្ឋស្នើសុំសូមឯកឧត្តមឧបនាយករដ្ឋមន្ត្រី ជា សុផារ៉ា ដែលជារដ្ឋមន្ត្រីនគរដែនដីដែលប្រជាជនទូទៅស្គាល់ថាជាល្អពូកែដោះស្រាយរឿងដី មេត្តាចុះត្រួតពិនិត្យនិងយកមន្ត្រីគ្រាប់ល្ពៅនេះ ឲ្យទាន់ពេលវេលាផង ទាន។
ព្រោះប្រសិនដោះស្រាយមិនទាន់ពេលទេដីចំការស្រល់ប្រមាណជាង២០០ហិចតានេះនិងរលាយខ្ទេចដោយសារចុងប៊ិចរបស់លោកប្រធានគណ:បញ្ជាការស្រុកអូររាំងនេះជាក់ជាមិនខានឡើយ។ជាក់ស្តែងតាមការរកឃើញរបស់មន្ត្រីជំនាញដែនដីទាំងនោះ មានរបស់ លោក នង ទណ្ណារី អភិបាលស្រុកអូរាំងកាន់កាប់ខុសច្បាប់៣ហិចតា,។លោក សៀក មុន្នី អភិបាលរងស្រុកមានក្បាលដី១០០ម៉ែត្រក្បាល និងថាមានដីកូនឯកឧត្តមរដ្ឋមន្ត្រីក្រសួងដែនដីក៏មានដោយបោះបង្គោលរួចជាស្រេចទៀតផង?៕
