ភ្នំពេញ៖ នៅព្រឹកថ្ងៃទី១៥ ខែកុម្ភៈ ឆ្នាំ២០១៩នេះនាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងជាប្រធាននាយកដ្ឋានបុគ្គលិក និងលោកឧត្តមសេនីយ៍ឯក ស ថេត ស្នងការនគរបាល រាជធានីភ្នំពេញបានធ្វើជាំអធិបតីក្នុងពិធីតម្លើងសក្តិផ្កាយពីរជូន ស្នងការរងនគរបាលរាជធានីភ្នំពេញចំនួន៣រូប ។
ស្នងការរងនគរបាលរាជធានីភ្នំពេញទាំង៣រូប ដែលត្រូវបានតម្លើងផ្កាយ២រួមមាន៖ លោកឧត្តមសេនីយ៍ត្រី ភួង ម៉ាល័យ, លោកឧត្តមសេនីយ៍ត្រី សុង លី និងលោកឧត្តមសេនីយ៍ត្រី បេង ដាណារ៉ា។
ក្រៅពីនេះគឺការប្រកាសតែងតាំងលោក ម៉េង វិមានតារាជា អធិការនគរបាលខណ្ឌមានជ័យថ្មី ជំនួសលោក តេង ស៊ីណូ ដែលត្រូវចូលនិវត្តន៍។
នៅក្នុងឱកាសនោះ ក៏បានប្រកាសតែងតាំង ថ្នាក់នាយការិយាល័យ១រូប នាយរងការិយាល័យចំនួន៧រូប និងថ្នាក់អធិការរងនគរបាលចំនួន៥រូបផងដែរ៕
